ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:1 - ಕೊಡವ ಬೈಬಲ್

¹ ಪಿಂಞ ಯೇಸು ಅಂವೊಂಡ ಶಿಷ್ಯಂಗಳ ನೋಟಿತ್, ಈ ಲೋಕತ್‍ಲ್ ಪಾಪ ಮಾಡ್‌ವಕ್ ಸೋದನೆ ಎಕ್ಕಾಲು ಬಪ್ಪ. ಆಚೇಂಗಿ ಬೋರೆಯಿಂಗಳ ಪಾಪ ಮಾಡ್‌ವನೆಕೆ ನಡ್‍ತ್‍ವ ಜನಕ್ ಅಯ್ಯೋ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:1 ပူးပေါင်းရင်းမြစ်များ

ಮತ್ತಾಯ 16:23

ಆಚೇಂಗಿ, ಯೇಸು ಅಂವೊಂಡ ಪಕ್ಕ ತಿರಿತ್, ನಾಡ ಬಯ್ಯಕ್ ಪೋ ಸೈತಾನೇ, ನಾನ್ ದೇವಡ ಚಿತ್ತತ್‍ನ ಮಾಡ್‌ವಕ್ ನೀನ್ ತಡೆ ಮಾಡ್‌ವಿಯ, ಇಕ್ಕ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಎಣ್ಣ್‌ಚಿ.

ಮತ್ತಾಯ 18:7

ನಾಡ ಮೇಲೆ ನಂಬಿಕೆ ಬೆಕ್ಕತನೆಕೆ ಮಾಡ್‌ವಯಿಂಗಕ್ ಅಯ್ಯೋ! ಅನ್ನನೆ ಬಪ್ಪ ಸೋದನೆನ ದಾರೂ ತಡ್‍ಪಕ್ ಕಯ್ಯುಲೆ. ಆಚೇಂಗಿ ಅನ್ನನೆ ಮಾಡ್‌ವಯಿಂಗಕ್ ಅಯ್ಯೋ!

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:31

ಅದ್ಂಗ್ ಅಬ್ರಹಾಮ, ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣ್‌ವಾನ ಅಯಿಂಗ ನಂಬತೆಪೋನಕ, ಚತ್ತಂವೊ ಒಬ್ಬ ಎದ್ದಿತ್ ಬಂದಿತ್ ಎಣ್ಣ್‌ವಾನ ಸಹ ಅಯಿಂಗ ಕ್‍ೕಪುಲೇಂದ್ ಎಣ್ಣ್‌ಚಿ.

ರೋಮ್ 14:13

ಆನಗುಂಡ್ ಇಂಞು ಮಿಂಞಕ್ ನಂಗ ದಾರ್‌ನು ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ಒಬ್ಬನು ತಾಂಡ ಅಣ್ಣತಮ್ಮಣಂಗ ಬುದ್ದ್‌ಪೋಪನೆಕೆಯು, ಬೊಳಿಯುವದ್‍ನ ತಡ್‍ಪನೆಕೆ ಮಾಡ್‌ವಕ್ಕಾಗ.

ರೋಮ್ 16:17

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ಪಡಿಚಿತುಳ್ಳ ಬೋದನೆಕ್ ವಿರೋದವಾಯಿತ್ ವಿಂಗಡ ಮಾಡ್‌ವಯಿಂಗಡ ಕೂಡೆಯು ಪಿಂಞ ಬೊಳ್‍ತ್‍ವಕ್ ತಡೆ ಮಾಡ್‌ವಯಿಂಗಡ ಕೂಡೆಯು ಎಚ್ಚರತ್‍ಲ್ ಇರೀಂದ್ ನಿಂಗಳ ಬೋಡುವಿ. ಅಯಿಂಗಳ ದೂರ ಮಾಡಂಡೂಂದ್ ನಿಂಗಳ ಬೋಡುವಿ.

1 ಕೊರಿಂಥ 10:32

ನಾನ್ ನಾಕ್ ಪ್ರಯೋಜನ ಉಳ್ಳದ್‍ನ ಮಾಡತೆ, ಎಲ್ಲಾಡ ಪ್ರಯೋಜನತ್‍ನ ತ್‍ೕಡಿತ್, ಎನ್ನನೆ ಆಚೇಂಗಿಯು ದುಂಬ ಜನತ್‍ನ ಕುಶಿಪಡುತ್‌ವಕಾಯಿತ್ ನಾನ್ ಮಾಡ್‌ವನೆಕೆ,

1 ಕೊರಿಂಥ 11:19

ನಿಂಗಡಲ್ಲಿ ಬೋರೆ ಬೋರೆ ಅಬಿಪ್ರಾಯ ಬೋಂಡು, ಅನ್ನನೆ ಇಂಜತೇಂಗಿ ದಾರ್ ದೇವಡ ವಿಷಯತ್‍ಲ್ ನೇರಾನಯಿಂಗಾಂದ್ ಜನಕ್ ಗೊತ್ತಾಪ.

1 ಕೊರಿಂಥ 8:13

ಆನಗುಂಡ್, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಪಾಪ ಮಾಡ್‌ವಕ್ ನಾನ್ ಆಹಾರ ತಿಂಬದ್ ಕಾರಣವಾಯಿತ್ ಇಂಜತೇಂಗಿ, ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‌ವಕ್ ನಾನ್ ತಡೆಯಾಯಿತ್ ಇಕ್ಕತನೆಕೆ ನಾನ್ ಎಕ್ಕಾಲು ಯರ್ಚಿ ತಿಂಬದೇ ಇಲ್ಲೆ.

1 ತಿಮೊಥೆಯ 4:1

ಪವಿತ್ರಾತ್ಮ ಚಾಯಿತೆ ಎಣ್ಣ್‌ವನೆಕೆ, ಬಪ್ಪ ಕಾಲತ್‍ಲ್ ಚೆನ್ನ ಜನ ವಂಚನೆ ಮಾಡ್‌ವ ಆತ್ಮತ್‌ನ ನಂಬಿತ್, ಕೂಳಿಯಡ ಬೋದನೆಕ್ ಕೆಮಿ ಕೊಡ್‌ತಿತ್, ಸತ್ಯತ್‍ರ ನಂಬಿಕೇನ ಬುಟ್ಟಿತ್ ಪೋಪ.

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.

ಪ್ರಕಟನೆ 2:20

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಅದ್ ಎಂತ ಎಣ್ಣ್‌ಚೇಂಗಿ, ಯೆಜೆಬೇಲಾಂದ್ ಎಣ್ಣುವ ಒರ್ ಪೊಣ್ಣಾಳ್, ನಾನೇ ಪ್ರವಾದೀಂದ್ ಎಣ್ಣಿಯಂಡ್, ನಾಡ ಸೇವಕಂಗ ವ್ಯಬಿಚಾರ ಪಾಪ ಮಾಡ್‌ವಕು, ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು ಬೋದನೆ ಮಾಡಿತ್, ಅಯಿಂಗಳ ವಂಚನೆ ಮಾಡ್‌ವಕ್ ನೀನ್ ಜಾಗ ಕೊಡ್‍ತಂಡುಂಡ್.