ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:31 - ಕೊಡವ ಬೈಬಲ್

³¹ ಅದ್ಂಗ್ ಅಬ್ರಹಾಮ, ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣ್‌ವಾನ ಅಯಿಂಗ ನಂಬತೆಪೋನಕ, ಚತ್ತಂವೊ ಒಬ್ಬ ಎದ್ದಿತ್ ಬಂದಿತ್ ಎಣ್ಣ್‌ವಾನ ಸಹ ಅಯಿಂಗ ಕ್‍ೕಪುಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:31 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 9:27

ಯೆಹೋವನಾನ ದೇವ ಯೆಫೆತ್‌ರ ಜಾಗತ್‌ನ ಬಲ್ಯದ್‌ ಮಾಡಡ್‌ ಪಿಂಞ ಶೇಮಂಡ ಅಬಿವೃದ್ದಿಲ್‌ ಅಂವೊಂಗು ಪಾಲ್‌ ಕ್‌ಟ್ಟಡ್. ಕಾನಾನ್‌ ಅಂವೊಂಗ್‌ ಅಡಿಯಾಳಾಯಿತ್‌ ಇರಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:30

ಆಚೇಂಗಿ ಆ ಐರ್ಶ್ವಯವಂತಂವೊ: ಅನ್ನನೆಯಲ್ಲ ಅಪ್ಪನಾನ ಆಬ್ರಹಾಮನೇ, ಅದ್ಂಡ ಬದ್‍ಲಾಯಿತ್, ಚತ್ತಯಿಂಗ ದಾರೇಂಗಿ ಅಯಿಂಗಡ ಪಕ್ಕ ಪೋನಕ, ಅಯಿಂಗ, ಅಂವೊ ಎಣ್ಣುವ ವಿಷಯ ನೇರ್ಂದ್ ನಂಬಿತ್, ಪಾಪತ್‍ನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:1

ಪಿಂಞ ಯೇಸು ಅಂವೊಂಡ ಶಿಷ್ಯಂಗಳ ನೋಟಿತ್, ಈ ಲೋಕತ್‍ಲ್ ಪಾಪ ಮಾಡ್‌ವಕ್ ಸೋದನೆ ಎಕ್ಕಾಲು ಬಪ್ಪ. ಆಚೇಂಗಿ ಬೋರೆಯಿಂಗಳ ಪಾಪ ಮಾಡ್‌ವನೆಕೆ ನಡ್‍ತ್‍ವ ಜನಕ್ ಅಯ್ಯೋ.

ಯೋಹಾನ 5:47

ಅಂವೊ ಒಳ್‌ದ್‍ನದ್‍ನ ನಿಂಗ ನಂಬತೆ ಪೋನಕ, ನಾನ್ ಎಣ್ಣುವಾನ ನಿಂಗ ಎನ್ನನೆ ನಂಬುವಿರಾಂದ್ ಯೇಸು ಎಣ್ಣ್‌ಚಿ.

ಅಪೊಸ್ತಲ 19:8

ಪಿಂಞ, ಪೌಲ ಎಫೆಸ ಪಟ್ಟಣತ್‍ಲ್ ಇಂಜ ಸಬಾಮಂದಿರಕ್ ಪೋಯಿತ್ ಮೂಂದ್ ತಿಂಗ ದೇವಡ ರಾಜ್ಯತ್‍ರ ವಿಷಯತ್‍ನ ದೈರ್ಯತ್‍ಲ್, ನಂಬುವನೆಕೆ ಚರ್ಚೆ ಮಾಡಿಯಂಡ್ ಬೋದನೆ ಮಾಡಿಯಂಡೇ ಇಂಜತ್.

ಅಪೊಸ್ತಲ 26:28

ಅಕ್ಕ ಅಗ್ರಿಪ್ಪ ಪೌಲನ ನೋಟಿತ್: ಅಚ್ಚಕ್ ಸುಲಬವಾಯಿತ್ ಏದ್ ಪ್ರಯತ್ನವು ಇಲ್ಲತೆ, ನೀನ್ ನನ್ನ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍ವನೆಕೆ ಮಾಡ್‌ವಕ್ ಕಯ್ಯುವಾಂದ್ ಎಣ್ಣ್‌ಚಿ.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

2 ಕೊರಿಂಥ 4:3

ನಂಗ ಬೋದನೆ ಮಾಡ್‌ವ ದೇವಡ ನಲ್ಲ ಸುದ್ದಿ ಮುಚ್ಚಿತ್ ಇಂಜತೇಂಗಿ, ಅದ್ ನಾಶ ಆಯಿಪೋಪಯಿಂಗಕೇ ಮುಚ್ಚಿತ್‌ಪ್ಪ.

2 ಕೊರಿಂಥ 5:11

ಆನಗುಂಡ್, ಒಡೆಯಂಗ್ ಬೊತ್ತಿಯಂಡ್ ಬದ್‍ಕ್‍ವದ್ ಎಂತದ್‍ೕಂದ್ ಗೊತ್ತುಳ್ಳಗುಂಡ್, ನಂಗ ಜನಕ್ ಬುದ್ದಿ ಎಣ್ಣಿಯಂಡುಂಡ್; ನಂಗ ಎನ್ನನೆ ಉಂಡ್‍ೕಂದ್ ದೇವಕ್ ಗೊತ್ತುಂಡ್, ನಿಂಗಡ ಮನಸಾಕ್ಷಿಕು ಇದ್ ಗೊತ್ತುಂಡ್‍ೕಂದ್ ನಂಬುವಿ.