ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:3 - ಕೊಡವ ಬೈಬಲ್

³ ಆ ಅದಿಕಾರಿ: ನಾನ್ ಇಂಞು ಮಿಂಞಕ್ ಎಂತ ಮಾಡಡ್. ನನ್ನ ಈ ಕೆಲಸತ್ಂಜ ಎಡ್‌ತ್‌ರ್‌ವ. ನಾಕ್ ಕುಂಡ್ ಕಳ್‌ಪ್‌ಕ್ ಬಲ ಇಲ್ಲೆ, ಬೋಡ್‍ವಕ್ ನಾಕ್ ಞಾಣ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:3 ပူးပေါင်းရင်းမြစ်များ

ಎಸ್ತೆರ್‌ 6:6

ಹಾಮಾನ ಒಳ್‌ಕ್‌ ಬಪ್ಪಕ ರಾಜ ಅಂವೊನ ನೋಟಿತ್: ರಾಜ ಸನ್ಮಾನ ಮಾಡಂಡೂಂದ್‌ ನೇರಾಯಿತ್‌ ಕುಶಿ ಪಡ್‌ವ ಮನುಷ್ಯಂಗ್‌ ಎಂತ ಮಾಡಂಡೂಂದ್‌ ಅಂವೊನ ಕ್‍ೕಟತ್. ಅಕ್ಕ ಹಾಮಾನ, ನನ್ನ ಬುಟ್ಟಿತ್‌ ರಾಜ ಬೋರೆ ದಾರ್‌ನ ಗೌರವ ಮಾಡುವಾಂದ್‌ ಅಂವೊಂಡ ಒಳಲ್‌ ಗೇನಮಾಡಿತ್,

ಜ್ಞಾನತ್‌ರ ಪಡಿಮ 13:4

ಸೋಮಾರಿ ಕುಶಿಪಡುವ ಏದು ಅಂವೊಂಗ್‌ ಕ್‌ಟ್ಟುಲೆ. ಎಚ್ಚರತ್‌ಲ್‌ ಬದ್‌ಕ್ಕುವಯಿಂಗ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 15:19

ಸೋಮಾರಿಯಡ ಬಟ್ಟೆ ಮುಳ್ಳ್ ಬೇಲಿಕ್‌ ಸಮಾನ, ಆಚೇಂಗಿ ನೀತಿವಂತಂವೊಂಡ ಬಟ್ಟೆ ರಾಜಂಡ ಬಟ್ಟೆರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 18:9

ತಾಂಡ ಕೆಲಸತ್‌ ಮಂಕ್‌ ಆಯಿತ್‌ ಇಪ್ಪಂವೊನು ನಾಶ ಮಾಡುವಂವೊನು ಅಣ್ಣತಮ್ಮಣಂಗಳೇ.

ಜ್ಞಾನತ್‌ರ ಪಡಿಮ 19:15

ಸೋಮಾರಿತನ ವರಿಪೋಯಿತ್‌ ಬುದ್ದ್ ಪೋಪಕ್‌ ಮಾಡುವ, ಆಚೇಂಗಿ ಒಂದು ಪಣಿ ಮಾಡತೆ ಉಳ್ಳಂವು ಕೆಲಪೈಪಿಂಜ ನರಳುವ.

ಜ್ಞಾನತ್‌ರ ಪಡಿಮ 20:4

ಸೋಮಾರಿಯಾನಂವೊ ಕುಳ್‌ರ್ ಎಣ್ಣಿಯಂಡ್‌ ಸೆರಿಯಾನ ಕಾಲತ್‌ ಉಪ್ಪ್‌ಲೆ. ಕೊಯ್ಯಿಪಣಿರ ಕಾಲತ್‌ ಬೋಡ್‌ಚೇಂಗಿಯು ಅಂವೊಂಗ್‌ ಒಂದು ಕ್‌ಟ್ಟುಲೆ.

ಜ್ಞಾನತ್‌ರ ಪಡಿಮ 29:21

ಒಬ್ಬ ತಾಂಡ ಗುಲಾಮನ ಚುಮ್ಮಿಯಿಂಜಲೇ ದುಂಬ ಕೊದೀಲ್‌ ಚಾಕ್‌ಚೇಂಗಿ, ಕಡೇಕ್‌ ಅಂವೊ ನೀಡ ಮೋಂವೊನಾಕೊಂಡೂಂದ್‌ ನೀಕ್‌ ಎದ್‌ರ್ ನಿಪ್ಪ.

ಮತ್ತಾಯ 20:8

ಬಯಿಟಾಪಕ ದ್ರಾಕ್ಷಿ ತೋಟತ್‍ರ ಎಜಮಾನ ಅಂವೊಂಡ ಮೇಸ್ತ್ರಿನ ಕಾಕಿತ್ ಎಲ್ಲಾರ್‌ಕು ಕೂಲಿ ಕೊಡ್‍ಪಕ್ ಎಣ್ಣ್‌ಚಿ. ಬಯ್ಯ ಬಂದಯಿಂಗಕು ಆದ್ಯವಾಯಿತ್ ಬಂದಯಿಂಗಕು ಕೊಡ್‍ಪಕ್ ಎಣ್ಣ್‌ಚಿ.

ಮಾರ್ಕ 10:46

ಪಿಂಞ ಅಯಿಂಗ ಎರಿಕೋ ಪಟ್ಟಣಕ್ ಬಾತ್. ಅಂವೊ ಅಂವೊಂಡ ಶಿಷ್ಯಂಗ ಪಿಂಞ ಬಲ್ಯ ಗುಂಪ್ ಜನ ಎರಿಕೋನ ಬುಟ್ಟಿತ್ ಪೊರಡ್‍ವಕ, ತಿಮಾಯ ಎಣ್ಣುವವಡ ಮೋಂವೊನಾಯಿತ್ಂಜ ಕುರ್‌ಡನಾನ ಬಾರ್ತಿಮಾಯ ಬಟ್ಟೇರ ಬರಿಲ್ ಅಳ್‌ತಂಡ್ ಬೋಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:17

ಅಕ್ಕ ಅಂವೊ: ನಾನ್ ಎಂತ ಮಾಡಡ್? ನಾಕ್ ಬೊಳ್ಂದ ಎಲ್ಲಾ ಬೊಳೆನ ಬೆಪ್ಪಕ್ ಜಾಗ ಇಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:2

ಎಜಮಾನ ಅಂವೊನ ಕಾಕುವಂಜಿ, ಇದೆಂತ್, ನೀಡ ವಿಷಯತ್‍ನ ನಾನ್ ಕ್‍ೕಟಂಡುಳ್ಳದ್? ನೀಡ ಲೆಕ್ಕತ್‍ನ ನಾಡ ಪಕ್ಕ ಒಪ್ಪ್‌ಚಿಡ್, ನೀನ್ ಇಂಞು ಮಿಂಞಕ್ ನಾಡ ಆಸ್ತಿರ ಲೆಕ್ಕತ್‍ನ ನೋಟ್‌ವಕ್ಕಾಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:20

ಅಲ್ಲಿ ಲಾಜರ ಎಣ್ಣುವ ಒರ್ ಬಿಕ್ಷೆಕಾರ ಆ ಐಶ್ವರ್ಯವಂತಂವೊಂಡ ಮನೆರ ಪಡಿರ ಮಿಂಞ ಅಳ್‍ತಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:22

ಇನ್ನನೆ ಇಪ್ಪಕ ಬಿಕ್ಷೆಕಾರ ಚತ್ತ್ ಪೋಚಿ. ಅಂವೊನ ದೇವದೂತಂಗ ಎಡ್‍ತಂಡ್ ಪೋಯಿತ್ ಅಬ್ರಹಾಮಂಡ ಪಕ್ಕ ಅಳ್‍ಪ್‍ಚಿಟ್ಟತ್. ಪಿಂಞ ಆ ಐಶ್ವರ್ಯವಂತಂವೊನು ಚತ್ತ್ ಪೋಚಿ, ಅಂವೊನ ಪೂತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:4

ಈ ಕೆಲಸ ಪೋನ ಪಿಂಞ ನನ್ನ ಜನ ಅಯಿಂಗಡ ಮನೆರ ಒಳ್‍ಕ್ ಸ್ವೀಕಾರ ಮಾಡ್‌ವಕ್ ಎಂತ ಮಾಡಂಡೂಂದ್ ನಾಕ್ ಗೊತ್ತಾಚೀಂದ್ ತಾನೆ ಗೇನ ಮಾಡಿಯಂಡ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:4

ದುಂಬ ದಿವಸ ಅವಡ ತಕ್ಕ್ ಕ್‍ೕಪಕ್ ಅಂವೊಂಗ್ ಮನಸ್ಸ್ ಇಲ್ಲತ್ಂಜತ್. ಆಚೇಂಗಿಯು ಅವ ಎಕ್ಕಾಲು ಅಂವೊಂಡ ಪಕ್ಕ ಕ್‍ೕಟಂಡಿಂಜಗುಂಡ್,

ಯೋಹಾನ 9:8

ಅಕ್ಕ, ಅಂವೊಂಡ ನೆರೆಮನೆಕಾರಳು, ಇಂವೊ ಬಿಕ್ಷೆ ಬೋಡಿಯಂಡ್ ಇಂಜಾನ ಕಂಡಿತ್ಂಜ ಬೋರೆ ಜನಳು: ಇಂವೊ ಅಳ್‌ತಂಡ್ ಬಿಕ್ಷೆ ಬೋಡಿಯಂಡ್ ಇಂಜಂವೊನಲ್ಲಾಂದ್ ಕ್‍ೕಟತ್.

ಅಪೊಸ್ತಲ 3:2

ಅಲ್ಲಿ, ಪುಟ್ಟ್‌ನಲ್ಲಿಂಜ ಕುಂಟನಾಯಿತ್ಂಜ ಒಬ್ಬನ ಚೆನ್ನ ಜನ ಕೊಂಡ್ ಬಂದಂಡಿಂಜತ್. ದೇವಾಲಯತ್‍ರ ಒಳ್‍ಕ್ ಪೋಪ ಜನಡ ಪಕ್ಕ ಬಿಕ್ಷೆ ಬೋಡ್‌ವಕಾಯಿತ್, ಅಂವೊನ ದಿನಾಲು ದೇವಾಲಯತ್‍ರ ಚಾಯಿ ಬಾಯಿಕಂಡೀಂದ್ ಕಾಕ್‍ವ ಪಡಿರ ಪಕ್ಕತ್‍ಲ್ ಅಳ್‍ಪಚಿಟ್ಟಂಡಿಂಜತ್.

ಅಪೊಸ್ತಲ 9:6

ಇಕ್ಕ ನೀನ್ ಎದ್ದಿತ್ ಊರ್‌ರ ಒಳ್‍ಕ್ ಪೋ, ನೀನ್ ಎಂತ ಮಾಡಡೂಂದ್ ಉಳ್ಳದ್‍ನ ಅಲ್ಲಿ ನೀಕ್ ಎಣ್ಣುವಾಂದ್ ಎಣ್ಣ್‌ಚಿ.

2 ಥೆಸಲೊನೀಕ 3:11

ನಿಂಗಡಲ್ಲಿ, ಯೇಸುನ ನಂಬ್‍ನ ಚೆನ್ನ ಜನ, ಒರ್ ಕೆಲಸವು ಮಾಡತೆ, ಕಾಲ ಕಳಂದಂಡ್, ಬೋರೆಯಿಂಗಡ ಕೆಲಸತ್‍ಲ್ ನುಗ್ಗಿಯಂಡ್ ಉಂಡ್‍ೕಂದ್ ನಂಗಡ ಕೆಮಿಕ್ ಸುದ್ದಿ ಬಾತ್.