ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:28 - ಕೊಡವ ಬೈಬಲ್

²⁸ ಅಲ್ಲಿ ನಾಕ್ ಅಂಜ್ ಅಣ್ಣತಮ್ಮಣಂಗ ಉಂಡ್, ಅಯಿಂಗ ಈ ಉರಿವ ಜಾಗಕ್ ಬಕ್ಕತನೆಕೆ ನಡ್‍ಪಕ್ ಅಂವೊ ಎಚ್ಚರ ಮಾಡ್‌ವಕ್ ನಾನ್ ನಿನ್ನ ಬೋಡ್‌ವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:28 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:27

ಅದ್ಂಗ್ ಆ ಐಶ್ವರ್ಯವಂತಂವೊ: ಅಬ್ರಹಾಮನೇ, ಲಾಜರನ ನಾಡ ಅಪ್ಪಂಡ ಮನೆಕ್ ಅಯಿ.

ಅಪೊಸ್ತಲ 10:42

ಅಂವೊನೇ ಜೀವವಾಯಿತುಳ್ಳಯಿಂಗಕು, ಚತ್ತಯಿಂಗಕು ದೇವ ನೇಮಿಚಿಟ್ಟ ನ್ಯಾಯಾದಿಪತಿಯಾಯಿತುಂಡ್‍ೕಂದ್ ಜನಕ್ ಪ್ರಸಂಗ ಮಾಡ್‌ವಕು, ಸಾಕ್ಷಿಯಾಯಿತ್ ಎಣ್ಣ್‌ವಕು, ಅಂವೊ ನಂಗಕ್ ಆಜ್ಞೆ ಕೊಡ್‌ತಿತುಂಡ್.

ಅಪೊಸ್ತಲ 18:5

ಸೀಲ ಪಿಂಞ ತಿಮೊಥೆಯ ಮಕೆದೋನ್ಯತ್ಂಜ ಬಪ್ಪಕ, ಪೌಲ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಕಾಯಿತ್ ಎಲ್ಲಾ ಕೆಲಸತ್‍ನ ಬುಟ್ಟಿತ್, ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಯೆಹೂದ್ಯಂಗಕ್ ಸಾಕ್ಷಿ ಕೊಡ್‍ತತ್.

ಅಪೊಸ್ತಲ 2:40

ಪೇತ್ರ ಇಂಞು ದುಂಬ ಬುದ್ದಿ ಎಣ್ಣಿತ್ ಸಾಕ್ಷಿ ಎಣ್ಣಿತ್, ಈ ಕೆಟ್ಟ ಸಂತಾನತ್ಂಜ ನಿಂಗಳ ಕಾಪಾಡಿಯೊಳೀಂದ್ ಅಯಿಂಗಳ ಬೋಡಿಯಂಡತ್.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

ಅಪೊಸ್ತಲ 20:23

ನಾನ್ ಪೋಪ ಜಾಗತ್‍ಲೆಲ್ಲ ಜನ ನನ್ನ ಪೊಜ್ಜಿತ್ ಜೈಲ್‌ಕ್ ಇಟ್ಟಿತ್, ತೊಂದರೆ ಮಾಡ್‌ವಾಂದ್ ಪವಿತ್ರಾತ್ಮ ಎಣ್ಣಿಯಂಡುಳ್ಳದ್ ಮಾತ್ರ ನಾಕ್ ಎಲ್ಲಾ ಜಾಗತ್‍ಲು ಗೊತ್ತಾಯಂಡುಂಡ್.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 26:22

ಆಚೇಂಗಿ, ನಾನ್ ದೇವಡ ಸಹಾಯತ್‍ನ ಪಡ್ಂದಿತ್ ಈ ದಿವಸಕತ್ತನೆ, ಚೆರಿಯಯಿಂಗಕು ಪೆರಿಯಯಿಂಗಕು ಸಾಕ್ಷಿ ಎಣ್ಣ್‌ವಂವೊನಾಯಿತುಳ್ಳ. ಪ್ರವಾದಿಯಂಗಳು ಮೋಶೇಯು ಎಣ್ಣ್‌ನ ವಿಷಯವಲ್ಲತೆ ಬೋರೆ ಒಂದು ಎಣ್ಣಿಯಂಡಿಲ್ಲೆ.

ಅಪೊಸ್ತಲ 28:23

ಅಂವೊ ಎಣ್ಣುವಾನ ಕ್‍ೕಪಕಾಯಿತ್ ಒರ್ ದಿವಸತ್‍ನ ಗೊತ್ತ್ ಮಾಡ್‍ಚಿ. ಆ ದಿವಸತ್‍ಲ್ ದುಂಬ ಜನ ಅಂವೊ ಇಂಜ ಮನೆಕ್ ಬಾತ್. ಅಕ್ಕ ಪೌಲ, ಪೊಲಾಕಯಿಂಜ ಬಯಿಟಾಪಕತ್ತನೆ ದೇವಡ ರಾಜ್ಯತ್‍ರ ವಿಷಯತ್‍ನ ವಿವರಿಚಿಟ್ಟಂಡ್, ಸಾಕ್ಷಿ ಎಣ್ಣಿಯಂಡ್, ಮೋಶೇರ ನ್ಯಾಯಪ್ರಮಾಣತ್ಂಜ ಪಿಂಞ ಪ್ರಾವಾದಿಯಡ ಪುಸ್ತಕತ್ಂಜ ಆದಾರತ್‍ನ ಎಡ್‍ತಂಡ್ ಯೇಸುರ ವಿಷಯತ್‍ನ ಅಯಿಂಗಕ್ ವಿವರಿಚಿಟ್ಟಿತ್ ಎಣ್ಣಿಯಂಡಿಂಜತ್.

ಅಪೊಸ್ತಲ 8:25

ಪೇತ್ರ ಪಿಂಞ ಯೋಹಾನ ಒಡೆಯಂಡ ವಾಕ್ಯತ್‍ನ ಸಾಕ್ಷಿಯಾಯಿತ್ ಎಣ್ಣಿತಾನ ಪಿಂಞ, ಸಮಾರ್ಯ ಪ್ರಾಂತ್ಯತ್‍ರ ಊರ್ ಊರ್‌ಕ್ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಯೆರೂಸಲೇಮ್‌ಕ್ ವಾಪಸ್ ಬಾತ್.

ಗಲಾತ್ಯ 5:3

ಸುನ್ನತಿ ಮಾಡ್‌ವಂವೊ ಒಬ್ಬೊಬ್ಬನು ನ್ಯಾಯಪ್ರಮಾಣತ್‍ಲ್ ಉಳ್ಳದ್‍ನೆಲ್ಲ ಕಂಡಿತವಾಯಿತ್ ಮಾಡ್‌ವಕ್ ಒಳಪಟ್ಟಂವೊನಾಯಿತುಂಡ್‍ೕಂದ್ ಇಂಞೊಮ್ಮ ನಾನ್ ನಿಂಗಕ್ ಎಚ್ಚರ ಮಾಡ್‌ವಿ.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

1 ಥೆಸಲೊನೀಕ 2:11

ಒರ್ ಅಪ್ಪ ತಾಂಡ ಸ್ವಂತ ಮಕ್ಕಳ ಎನ್ನನೆ ನಡ್‍ತ್‍ವ, ಅನ್ನನೆ ನಂಗ ನಿಂಗಳ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್.

1 ಥೆಸಲೊನೀಕ 4:6

ಈ ವಿಷಯತ್‍ಲ್ ಯೇಸುನ ನಂಬ್‍ನ ನಿಂಗಡ ಅಣ್ಣತಮ್ಮಣಂಗಳ ವಂಚನೆ ಮಾಡ್‌ವಕ್ಕಾಗ; ಮಿಂಞಲೇ ನಂಗ ನಿಂಗಕ್ ಎಣ್ಣಿತ್ ಸಾಕ್ಷಿಯಾಯಿತ್ ಎಚ್ಚರ ಮಾಡ್‍ನನೆಕೆ, ಇನ್ನನೆ ಮಾಡ್‌ವಯಿಂಗಕ್ ದೇವ ಕಂಡಿತವಾಯಿತ್ ಶಿಕ್ಷೆ ತಪ್ಪ.