ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25 - ಕೊಡವ ಬೈಬಲ್

²⁵ ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25 ပူးပေါင်းရင်းမြစ်များ

ಮತ್ತಾಯ 27:63

ಅಂವೊಂಗ್: ಎಜಮಾನನೇ, ಆ ಮೋಸಗಾರ ಬದ್‌ಕಿತ್ ಇಪ್ಪಕಾಪಕ, ನಾನ್ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಎದ್ದ್ ಬಪ್ಪೀಂದ್ ಎಣ್ಣಿಯಂಡ್ ಇಂಜದ್ ನಂಗಕ್ ಗೇನ ಉಂಡ್.

ಮಾರ್ಕ 9:45

ಅನ್ನನೆ ನೀಡ ಕಾಲ್ ಪಾಪ ಮಾಡ್‌ವಕ್ ಕಾರಣವಾಯಿತ್ ಇಂಜತೇಂಗಿ, ಆ ಕಾಲ್‌ನ ಕೆತ್ತಿತ್ ಚಾಡಿರ್. ದಂಡ್ ಕಾಲ್ ಉಳ್ಳಂವೊನಾಯಿತ್ ಎಕ್ಕಾಲು ಕೆಡತ ತಿತ್ತ್ ಇಪ್ಪ ನರಕಕ್ ಪೋಪಗಿಂಜ ಒರ್ ಕಾಲ್ ಉಳ್ಳಂವೊನಾಯಿತ್ ಪರಲೋಕಕ್ ಪೋಪದ್ ನಲ್ಲದ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:20

ಅಲ್ಲಿ ಲಾಜರ ಎಣ್ಣುವ ಒರ್ ಬಿಕ್ಷೆಕಾರ ಆ ಐಶ್ವರ್ಯವಂತಂವೊಂಡ ಮನೆರ ಪಡಿರ ಮಿಂಞ ಅಳ್‍ತಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:23

ಅಂವೊ ನರಕಕ್ ಪೋಯಿತ್ ದುಂಬ ವೇದನೆ ಅನುಬವಿಚಿಟ್ಟಂಡಿಂಜತ್. ಅಂವೊ ದೂರತ್ಂಜ ನೋಟುವಕ, ಅಬ್ರಹಾಮ ಪಿಂಞ ಅಂವೊಂಡ ಕೂಡೆ ಲಾಜರ ಇಪ್ಪದ್‍ನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:26

ಇಂಞು, ಇಲ್ಲಿಂಜ ಅಲ್ಲಿಕ್, ಅಲ್ಲಿಂಜ ಇಲ್ಲಿಕ್ ದಾರೂ ದಾಟ್‍ವಕ್ ಆಕತನೆಕೆ ಅಗಲವಾನ ಆಳವಾನ ಕುಂಡ್ ಉಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:24

ಇಕ್ಕ ಐಶ್ವರ್ಯತ್‌ಳುಲ್ಲ ನಿಂಗಕ್ ಅಯ್ಯೋ! ಸುಕತ್‍ರ ಬದ್‍ಕ್ ನಿಂಗಕ್ ಇಲ್ಲಿಯೇ ಕ್‌ಟ್ಟಿಪೋಚಿ.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ರೋಮ್ 8:7

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡ ಪಾಪ ಗುಣತ್‍ರ ಗೇನ, ದೇವಕ್ ವಿರೋದವಾಯಿತ್ ಕ್ರಿಯೆ ಮಾಡ್‌ವ; ಆ ಪಾಪತ್‍ರ ಗುಣ ನ್ಯಾಯಪ್ರಮಾಣಕ್ ಬಗ್ಗ್‌ಚಿಡುಲೆ, ಬಗ್ಗಿಚಿಡ್‌ವಕ್ ಕಯ್ಯುವುದು ಇಲ್ಲೆ.

ಫಿಲಿಪ್ಪಿ 3:19

ಕೆಲತ್‍ರ ಇಚ್ಛೆಯೇ ಅಯಿಂಗಡ ದೇವ. ಅಯಿಂಗಕ್ ಞಾಣ ಆಪಕುಳ್ಳ ವಿಷಯತ್ ಅಯಿಂಗ ಬಡಾಯಿ ಮಾಡಿಯಂಡುಳ್ಳಗುಂಡ್ ಅಯಿಂಗಳೇ ಪಾಳಾಯಿ ಪೋಪ. ದೇವನ ಗೊತ್ತಿಲ್ಲತಯಿಂಗ ಗೇನ ಮಾಡಿಯಂಡುಳ್ಳನೆಕೆ ಈಂಗಳು ಗೇನ ಮಾಡಿಯಂಡುಂಡ್.

1 ಥೆಸಲೊನೀಕ 3:3

ಅಕ್ಕ, ದಾರೂ ನಿಂಗಳ ನಿಂಗಡ ನಂಬಿಕೆಯಿಂಜ ಬಲಿಪಕ್ ಕಯ್ಯುಲೆ. ನಂಗ ಯೇಸುರ ಬಯ್ಯಕ್ ಬಪ್ಪಕ, ಜನ ನಂಗಳ ಹಿಂಸೆ ಮಾಡ್‌ವಾಂದ್ ಉಳ್ಳದ್ ದೇವಡ ಚಿತ್ತಾಂದ್ ನಿಂಗಕ್ ಗೊತ್ತುಂಡಲ್ಲ.

ಇಬ್ರಿಯ 11:25

ಚೆನ್ನ ಕಾಲ ಮಾತ್ರ ಕುಶಿ ತಪ್ಪ ಪಾಪಕಿಂಜ, ದೇವಡ ಮಕ್ಕಡ ಕೂಡೆ ಕಷ್ಟತ್‍ನ ಅನುಬವಿಚಿಡುವದ್‍ನ ಗೊತ್ತ್ ಮಾಡ್‍ಚಿ.

1 ಯೋಹಾನ 2:15

ಈ ಲೋಕತ್‍ರ ಕೆಟ್ಟ ರೀತಿನ ಪಿಂಞ ಲೋಕತ್‍ಲ್ ಉಳ್ಳಾನ ಪ್ರೀತಿಮಾಡತಿ. ನಿಂಗ ಈ ಲೋಕತ್‍ನ ಪ್ರೀತಿ ಮಾಡ್‍ಚೇಂಗಿ, ಅಪ್ಪನಾನ ದೇವಡ ಪ್ರೀತಿ ನಿಂಗಡಲ್ಲಿ ಇಲ್ಲೆ.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.