ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:24 - ಕೊಡವ ಬೈಬಲ್

²⁴ ಅಕ್ಕ ಐಶ್ವರ್ಯವಂತಂವೊ: ಅಪ್ಪನಾನ ಅಬ್ರಹಾಮನೇ, ನಾಕ್ ಕನಿಕರ ಕಾಟ್! ಲಾಜರನ ಇಲ್ಲಿ ಅಯಿಚಿತ್, ಅಂವೊ ಅಂವೊಂಡ ತುದಿ ಬೆರತ್‌ನ ನೀರ್‌ಲ್ ಮುಕ್ಕಿತ್ ನಾಡ ನಾವ್‌ನ ತಣಿಚಿಡಡ್, ಈ ಉರಿಲ್ ನಾನ್ ಕಷ್ಟಪಟ್ಟಂಡ್ ಉಳ್ಳ್‌ಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:24 ပူးပေါင်းရင်းမြစ်များ

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮತ್ತಾಯ 3:9

ಅಬ್ರಹಾಮ ನಂಗಡ ಅಪ್ಪಾಂದ್ ಎಣ್ಣುವಕ್ ಗೇನ ಮಾಡತಿ. ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:30

ಆಚೇಂಗಿ ಆ ಐರ್ಶ್ವಯವಂತಂವೊ: ಅನ್ನನೆಯಲ್ಲ ಅಪ್ಪನಾನ ಆಬ್ರಹಾಮನೇ, ಅದ್ಂಡ ಬದ್‍ಲಾಯಿತ್, ಚತ್ತಯಿಂಗ ದಾರೇಂಗಿ ಅಯಿಂಗಡ ಪಕ್ಕ ಪೋನಕ, ಅಯಿಂಗ, ಅಂವೊ ಎಣ್ಣುವ ವಿಷಯ ನೇರ್ಂದ್ ನಂಬಿತ್, ಪಾಪತ್‍ನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:9

ಅದ್ಂಗ್ ಯೇಸು: ಇಂದ್ ನೀಕ್ ಪಿಂಞ ನೀಡ ಮನೆಲ್ ಉಳ್ಳಯಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ; ಎನ್ನಂಗೆಣ್ಣ್‌ಚೇಂಗಿ, ಇಂವೊ ಸಹ ಅಬ್ರಹಾಮಂಡ ನೇರಾನ ಕುಮಾರನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:8

ಆಚೇಂಗಿ ನಿಂಗ ನೇರಾಯಿತ್ ಪಶ್ಚಾತಾಪ ಪಟ್ಟಿತ್ ಬದ್‍ಲಾಯಿತ್ ಉಳ್ಳಿರಾಂದ್, ನಿಂಗಡ ಬದ್‍ಕ್‍ಲ್ ಪಿಂಞ ಕ್ರಿಯೇಲ್ ಕಾಟಿ; ಅಬ್ರಹಾಮ ನಂಗಡ ಅಪ್ಪಾಂದ್ ನಿಂಗ ಎಣ್ಣುವಕ್ ಸುರು ಮಾಡತಿ; ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 7:37

ಆ ನಮ್ಮೆರ ಮುಕ್ಯ ದಿವಸವಾನ ಕಡೆ ದಿವಸತ್, ಯೇಸು ನಿಪ್ಪಂಜಿ ಜೋರಾಯಿತ್: ದಾರ್‌ಕ್ ಬಾಯರಿಕೆಯಾಯಿತ್ ಉಂಡೋ ಅಂವೊ ನಾಡ ಪಕ್ಕ ಬಂತ್ ಕುಡಿಕಡ್.

ರೋಮ್ 4:12

ಅಬ್ರಹಾಮ, ಸುನ್ನತಿ ಮಾಡ್‍ನಯಿಂಗಕ್, ಅಯಿಂಗ ಸುನ್ನತಿ ಮಾಡ್‍ನಗುಂಡ್ ಮಾತ್ರ ಅಪ್ಪನಾಯಿತ್ ಅಲ್ಲತೆ, ಅಂವೊ ಸುನ್ನತಿ ಮಾಡ್‌ವಕ್ ಮಿಂಞ ಅಂವೊಂಗ್ ಇಂಜ ನಂಬಿಕೇರನೆಕೆ, ಸುನ್ನತಿ ಮಾಡ್‍ನಯಿಂಗ ನಂಬಿಕೆ ಇಡ್‍ವಕ, ಅಂವೊ ಅಯಿಂಗಕ್ ಅಪ್ಪನಾಯಿತ್ ಆಪನೆಕೆ ಆಚಿ.

ಯಾಕೋಬ 2:13

ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.

ಯಾಕೋಬ 3:6

ಅನ್ನನೆ ನಂಗಡ ನಾವ್ ಒರ್ ತಿತ್ತ್‌ರನೆಕೆ. ಅದ್ ತಡೀರ ಅಂಷತ್‌ಲ್ ಅನೀತಿ ದುಂಬ್‍ನ ಲೋಕ; ಅದ್ ಮನುಷ್ಯಂಡ ಒಟ್ಟ್ ಶರೀರತ್‌ನ ಪಾಳ್ ಮಾಡ್‌ವ, ಅಂವೊಂಡ ಈ ಬದ್‍ಕ್‍ನ ನರಕತ್‌ರ ತಿತ್ತ್‌ರಗುಂಡ್ ಕತ್ತಿಚಿಡುವ.

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.