ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:22 - ಕೊಡವ ಬೈಬಲ್

²² ಇನ್ನನೆ ಇಪ್ಪಕ ಬಿಕ್ಷೆಕಾರ ಚತ್ತ್ ಪೋಚಿ. ಅಂವೊನ ದೇವದೂತಂಗ ಎಡ್‍ತಂಡ್ ಪೋಯಿತ್ ಅಬ್ರಹಾಮಂಡ ಪಕ್ಕ ಅಳ್‍ಪ್‍ಚಿಟ್ಟತ್. ಪಿಂಞ ಆ ಐಶ್ವರ್ಯವಂತಂವೊನು ಚತ್ತ್ ಪೋಚಿ, ಅಂವೊನ ಪೂತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:32

ದುಷ್ಟ ತಾನ್‌ ಮಾಡುವ ಕ್‍ೕಡ್‌ಯಿಂಜಲೇ ನಾಶ ಆಯಿ ಪೋಪ. ಆಚೇಂಗಿ ನೀತಿವಂತಂವೊಂಗ್‌ ಚಾವ್‌ರ ನೇರತು ನಂಬಿಕೇಲ್‌ ಇಪ್ಪ.

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮತ್ತಾಯ 24:31

ವಾಲಗತ್‍ರ ಬಲ್ಯ ಸದ್ದ್‌ರ ಕೂಡೆ ಅಂವೊ ತಾಂಡ ದೇವದೂತಂಗಳ ಅಯಿಪ. ಅಯಿಂಗ ಅಂವೊ ಗೊತ್ತ್ ಮಾಡಿತುಳ್ಳಯಿಂಗಳ ಬಾನತ್‍ರ ಒರ್ ಮೂಲೆಯಿಂಜ ಇಂಞೊರ್ ಮೂಲೆಕತ್ತನೆ ನಾಲ್ ದಿಕ್ಕ್‌ಯಿಂಜಲೂ ಕೂಟ್‌ವ.

ಮತ್ತಾಯ 8:11

ದುಂಬ ಜನ ಕ್‍ೕಕ್ ದಿಕ್ಕಿಂಜ, ಪಡ್‍ಞಾರ್ ದಿಕ್ಕಿಂಜ ಬಂದಿತ್ ಪರಲೋಕ ರಾಜ್ಯತ್‍ಲ್ ಅಬ್ರಹಾಮ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗದ್ದಾಳ ಉಂಬಕ್ ಅಳ್‌ಪ.

ಮಾರ್ಕ 8:36

ಅಂವೊ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ತಾಂಡ ಜೀವನತ್‌ನ ಪಾಳ್ ಮಾಡ್‍ಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:20

ಆಚೇಂಗಿ ದೇವ ಅಂವೊಂಗ್: ಮುಠಾಳನೇ! ಈ ಬೈಟ್ ನೀನ್ ಚತ್ತ್ ಪೋಪಿಯ. ಅಕ್ಕ ನೀ ಕೂಟಿ ಬೆಚ್ಚದೆಲ್ಲ ದಾರ್‌ಕ್ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:21

ಅಂವೊ, ಐಶ್ವರ್ಯವಂತಂವೊ ಉಂಬಕಾಪಕ, ಅಂವೊಂಡ ಮೇಜಿರ ಅಡಿಕ್ ಬೂವ ಒಟ್ಟಿ ತುಂಡ್‍ನ ತಿಂದಿತ್ ಅಂವೊಂಡ ಕೆಲತ್‍ನ ದುಂಬುಚಿಡ್‌ವಕ್ ಕುಶಿ ಪಟ್ಟಂಡಿಂಜತ್. ಅಂವೊಂಡ ಮೇಲ್‌ಲ್ ದುಂಬ ಪುಣ್ಣ್ ಇಂಜತ್. ನಾಯಿಯ ಅಕ್ಕಕ್ಕ ಬಂದಿತ್ ಅದ್‍ನ ನಕ್ಕ್‌ವಯಿಂಜತ್.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 13:23

ಅಕ್ಕ, ಅಂವೊಂಡ ಶಿಷ್ಯಂಗಡ ಕೂಟ್‌ಲ್ ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಒರ್ ಶಿಷ್ಯ ಯೇಸುರ ಎದೆರ ಪಕ್ಕ ಅಳ್‍ತಂಡಿಂಜತ್.

ಯೋಹಾನ 21:20

ಪೇತ್ರ ತಿರಿತ್ ನೋಟ್‍ವಕ, ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ, ಆಕೀರ್ ಗದ್ದಾಳತ್‍ಲ್ ಯೇಸುರ ಪಕ್ಕ ಅಳ್‌ತಂಡ್, ದೇವಾ ನಿನ್ನ ಪುಡ್‌ಚಿತ್ ಕೊಡ್‍ಪ ಶಿಷ್ಯ ದಾರ್‍ೕಂದ್ ಕ್‍ೕಟ ಶಿಷ್ಯ ಬಪ್ಪಾನ ಕಂಡತ್.

ಇಬ್ರಿಯ 1:14

ಆನಗುಂಡ್, ರಕ್ಷಣೆ ಕ್‍ಟ್ಟ್‌ವಯಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವದೂತಂಗ ಎಲ್ಲಾರು, ದೇವ ಅಯಿಚ ಸೇವೇರ ಆತ್ಮವಾಯಿತುಂಡಲ್ಲಾ?

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

ಯಾಕೋಬ 1:11

ಸೂರ್ಯ ತಿತ್ತ್‌ರನೆಕೆ ಉದಿಚಿತ್, ಗಿಡ ಎಲ್ಲಾ ಬಾಡಿ ಪೋಯಿತ್, ಅದ್ಂಡ ಪೂ ಬುದ್ದಿತ್ ಅದ್ಂಡ ಚಾಯಿ ಪೋಯಿರುವ, ಅದ್ ಪಾಳಾಯಿ ಪೋಪ. ಅನ್ನನೆ ಐಶ್ವರ್ಯವುಳ್ಳಂವೊನು, ತಾಂಡ ಬದ್‍ಕ್‍ರ ಸ್ತಾನತ್‍ಲ್ ಬಾಡಿ ಪೋಪ.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.

ಪ್ರಕಟನೆ 14:13

ಪಿಂಞ ಪರಲೋಕತ್ಂಜ ಬಪ್ಪ ಒರ್ ವಾಣಿ ನಾಕ್ ಕ್‍ೕಟತ್; ಅದ್: ಒಡೆಯಂಡಲ್ಲಿ ಚಾವಯಿಂಗ ಇಕ್ಕಯಿಂಜ ಆಶೀರ್ವಾದ ಪಡ್ಂದಯಿಂಗಾಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ; ಅಯಿಂಗ ಅಯಿಂಗಡ ಪ್ರಯತ್ನತ್‌ನೆಲ್ಲ ಬುಟ್ಟಿತ್, ಆರಾಮ್ ಮಾಡ್‌ವ; ಅಯಿಂಗಡ ಕ್ರಿಯೆ ಅಯಿಂಗಡ ಕೂಡೆ ಪೋಪ; ಪವಿತ್ರಾತ್ಮ ಸಹ ಅಕ್ಕೂಂದ್ ಎಣ್ಣಿಯಂಡುಂಡ್.