ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:2 - ಕೊಡವ ಬೈಬಲ್

² ಎಜಮಾನ ಅಂವೊನ ಕಾಕುವಂಜಿ, ಇದೆಂತ್, ನೀಡ ವಿಷಯತ್‍ನ ನಾನ್ ಕ್‍ೕಟಂಡುಳ್ಳದ್? ನೀಡ ಲೆಕ್ಕತ್‍ನ ನಾಡ ಪಕ್ಕ ಒಪ್ಪ್‌ಚಿಡ್, ನೀನ್ ಇಂಞು ಮಿಂಞಕ್ ನಾಡ ಆಸ್ತಿರ ಲೆಕ್ಕತ್‍ನ ನೋಟ್‌ವಕ್ಕಾಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:2 ပူးပေါင်းရင်းမြစ်များ

ಮತ್ತಾಯ 12:36

ಮನುಷ್ಯ ಪರಿಯುವ ಓರೋರ್ ಪ್ರಯೋಜನ ಇಲ್ಲತ ತಕ್ಕ್‌ಕೂ ದೇವ ತೀರ್ಪ್ ಮಾಡ್‌ವ ದಿವಸತ್‍ಲ್ ಲೆಕ್ಕ ಕೊಡ್‍ಕಂಡೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಮತ್ತಾಯ 20:8

ಬಯಿಟಾಪಕ ದ್ರಾಕ್ಷಿ ತೋಟತ್‍ರ ಎಜಮಾನ ಅಂವೊಂಡ ಮೇಸ್ತ್ರಿನ ಕಾಕಿತ್ ಎಲ್ಲಾರ್‌ಕು ಕೂಲಿ ಕೊಡ್‍ಪಕ್ ಎಣ್ಣ್‌ಚಿ. ಬಯ್ಯ ಬಂದಯಿಂಗಕು ಆದ್ಯವಾಯಿತ್ ಬಂದಯಿಂಗಕು ಕೊಡ್‍ಪಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:20

ಆಚೇಂಗಿ ದೇವ ಅಂವೊಂಗ್: ಮುಠಾಳನೇ! ಈ ಬೈಟ್ ನೀನ್ ಚತ್ತ್ ಪೋಪಿಯ. ಅಕ್ಕ ನೀ ಕೂಟಿ ಬೆಚ್ಚದೆಲ್ಲ ದಾರ್‌ಕ್ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:42

ಅಂವೊಂಗ್ ಯೇಸು: ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಕೂಲಿ ಕೊಡ್‍ಪನೆಕೆ ಎಜಮಾನ ಅಯಿಂಗಡ ಮೇಲೆ ಅದಿಕಾರಿಯಾಯಿತ್ ನೇಮಿಚಿಡುವಕ್ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:1

ಯೇಸು ಅಂವೊಂಡ ಶಿಷ್ಯಂಗಕ್ ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಒರ್ ಬಲ್ಯ ಮನುಷ್ಯಂಗ್ ಅಂವೊಂಡ ಆಳುವಡ ಕಣಕ್ ಒಳ್‍ದ್‍ವ ಅದಿಕಾರಿ ಇಂಜತ್. ಆ ಅದಿಕಾರಿ ಎಜಮಾನಂಡ ಆಸ್ತಿನ ಪಾಳ್ ಮಾಡಿಯಂಡ್ ಉಂಡ್‍ೕಂದ್ ದಾರೋ ಎಜಮಾನಂಗ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:3

ಆ ಅದಿಕಾರಿ: ನಾನ್ ಇಂಞು ಮಿಂಞಕ್ ಎಂತ ಮಾಡಡ್. ನನ್ನ ಈ ಕೆಲಸತ್ಂಜ ಎಡ್‌ತ್‌ರ್‌ವ. ನಾಕ್ ಕುಂಡ್ ಕಳ್‌ಪ್‌ಕ್ ಬಲ ಇಲ್ಲೆ, ಬೋಡ್‍ವಕ್ ನಾಕ್ ಞಾಣ ಆಪ.

ರೋಮ್ 14:12

ಆನಗುಂಡ್ ನಂಗ ಒಬ್ಬೊಬ್ಬನು ದೇವಡ ಮಿಂಞತ್ ನಂಗಡ ವಿಷಯತ್ ಲೆಕ್ಕ ಕೊಡ್‍ಕಂಡು.

1 ಕೊರಿಂಥ 1:11

ಎನ್ನಂಗೆಣ್ಣ್‌ಚೇಂಗಿ ನಾಡ ಅಣ್ಣತಮ್ಮಣಂಗಳೇ, ನಿಂಗಡ ಮದ್ಯತ್‌ಲ್‌ ಜಗಳ ಉಂಡ್‍ೕಂದ್ ಖ್ಲೋಯೆ ಎಣ್ಣ್‌ವವಡ ಮನೆಕಾರ ನಾಕ್ ಎಣ್ಣ್‌ಚಿ.

1 ಕೊರಿಂಥ 4:2

ಅನ್ನನೆ ಉಳ್ಳಂವೊ, ಅಂವೊಂಗ್ ಒಪ್ಪ್‌ಚಿಟ್ಟ ವಿಷಯತ್‍ಲ್ ನಂಬಿಕಸ್ತನಾಯಿತ್ ಇಪ್ಪದ್ ಅಂವೊಂಡ ಜವಾಬ್ದಾರಿ ಆಪ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

2 ಕೊರಿಂಥ 5:10

ಎನ್ನಂಗೆಣ್ಣ್‌ಚೇಂಗಿ, ಒಬ್ಬೊಬ್ಬನು ತಡೀಲ್ ಮಾಡ್‍ನ ನಲ್ಲದಾಡ್ ಕೆಟ್ಟದಾಡ್, ಅದ್ಂಡ ತಕ್ಕ ಫಲ ಕ್‍ಟ್ಟ್‌ವಕಾಯಿತ್ ಕ್ರಿಸ್ತಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಕ್ಕಂಡು.

1 ತಿಮೊಥೆಯ 4:14

ಸಬೆರ ಪೆರಿಯಯಿಂಗ ನೀಡ ಮಂಡೆಕ್ ಕೈ ಬೆಪ್ಪಕ, ಪ್ರವಾದನೆರ ಮೂಲಕ ನೀಕ್ ಕ್‍ಟ್ಟ್‌ನ ಆತ್ಮೀಯ ವರತ್‍ರ ವಿಷಯತ್‍ನ ಅಲ್ಲಗೆಳೆಯತೆ.

1 ತಿಮೊಥೆಯ 5:24

ಚೆನ್ನ ಜನ ಮಾಡ್‍ನ ಪಾಪ ನ್ಯಾಯತೀರ್ಪ್‌ಕ್ ಮಿಂಞಲೇ ಗೊತ್ತಾಯಿ ಪೋಪ. ಆಚೇಂಗಿ ಇಂಞು ಚೆನ್ನ ಜನ ಮಾಡ್‍ನ ಪಾಪ ಬಯ್ಯ ಗೊತ್ತಾಪ.

1 ಪೇತ್ರ 4:10

ಒಬ್ಬ ಒಬ್ಬಂಗ್ ಚಾಯಿತೆ ಸಹಾಯ ಮಾಡ್‌ವನೆಕೆ, ಅಯಿಂಗಯಿಂಗಕ್ ದೇವ ಎಂತ ವರ ಕೊಡ್‍ತಿತುಂಡೋ ಅದ್ಂಡರನೆಕೆ ನಲ್ಲ ಜವಾಬ್ದಾರಂಗಳಾಯಿತ್ ಪಾಲ್ ಮಾಡಿತ್, ಸತ್ಯವಂತಂವೊನಾಯಿತ್, ಅಂವೊಂಡ ಕೃಪೇರ ನಾನಾ ತರತ್‍ರ ಪ್ರಕಾರ ಮಾಡಂಡು.

1 ಪೇತ್ರ 4:5

ಆಚೇಂಗಿ, ಅನ್ನನೆ ಬದ್‍ಕಿಯಂಡ್ ಉಳ್ಳಯಿಂಗಕ್ ಪಿಂಞ ಚತ್ತಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪಕ್ ತಯಾರಾಯಿತ್ ಉಳ್ಳಂವೊಂಗ್ ಅಯಿಂಗ ಲೆಕ್ಕ ಕೊಡ್‍ಕಂಡು.

ಪ್ರಕಟನೆ 20:12

ಚತ್ತಯಿಂಗಳಾನ ಚೆರಿಯಯಿಂಗಳ, ಬಲ್ಯಯಿಂಗಳ, ದೇವಡ ಸಿಂಹಾಸನತ್‍ರ ಎದ್‍ಕೆ ನಿಂದಿತುಳ್ಳಾನ ಕಂಡಿಯೆ. ಅಕ್ಕ ಪುಸ್ತಕ ಎಲ್ಲಾ ತೊರ್ಂದತ್, ಅಲ್ಲಿಂಜ ಜೀವ ಪುಸ್ತಕ ಎಣ್ಣುವ ಬೋರೆ ಒರ್ ಪುಸ್ತಕವು ತೊರ್ಂದತ್; ಅಕ್ಕ ಆ ಪುಸ್ತಕತ್‍ಲ್ ಒಳ್‍ದಿತುಳ್ಳನೆಕೆ, ಚತ್ತಯಿಂಗಕ್ ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.