ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:16 - ಕೊಡವ ಬೈಬಲ್

¹⁶ ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಎಣ್ಣ್‌ನನೆಕೆ ಜನ ನಡ್‍ಕಂಡೂಂದ್ ಆಜ್ಞೆ ಮಾಡಿತ್ಂಜತ್. ಯೋಹಾನಂಡ ಸಮಯಕತ್ತನೆ ಇನ್ನನೆ ಆಯಂಡಿಂಜತ್. ಆಚೇಂಗಿ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಸಮಯತ್ಂಜ ದೇವಡ ರಾಜ್ಯತ್‍ರ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್. ದುಂಬ ಜನ ದೇವಡ ರಾಜ್ಯತ್‍ರ ಒಳ್‍ಕ್ ಪೋಪಕ್ ಪ್ರಯತ್ನಪಟ್ಟಂಡುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:16 ပူးပေါင်းရင်းမြစ်များ

ಮತ್ತಾಯ 10:7

ಅಲ್ಲಿಕ್ ಪೋಯಿತ್, ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಎಣ್ಣಿ.

ಮತ್ತಾಯ 15:11

ಒಬ್ಬಂಡ ಬಾಯಿರ ಒಳ್‍ಕ್ ಪೋಪದ್ ಅಂವೊನ ಅಶುದ್ದ ಮಾಡುಲೆ, ಬಾಯಿಂಜ ಪೊರಮೆ ಬಪ್ಪದೇ ಅಂವೊನ ಅಶುದ್ದ ಮಾಡ್‌ವಾಂದ್ ಎಣ್ಣ್‌ಚಿ.

ಮತ್ತಾಯ 21:32

ದೀಕ್ಷಾಸ್ನಾನ ತಪ್ಪ ಯೋಹಾನ ನಿಂಗಕ್ ನೀತಿರ ಬಟ್ಟೇನ ಕಾಟ್‍ಚಿ, ನಿಂಗ ಅಂವೊನ ನಂಬಿತ್‌ಲ್ಲೆ. ಆಚೇಂಗಿ, ಕಂದಾಯ ಎಡ್‍ಪಯಿಂಗ, ವೇಶಿಯ ಅಂವೊಂಡ ಬೋದನೆನ ನಂಬ್‍ಚಿ. ಇದ್‍ನೆಲ್ಲಾ ನಿಂಗ ಕಂಡಿತ್ ಉಂಡೇಂಗಿಯು ನಿಂಗ ನಂಬಿತು ಇಲ್ಲೆ ದೇವಡ ಪಕ್ಕ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ತಿರ್‌ಗಿತು ಇಲ್ಲೆ.

ಮತ್ತಾಯ 3:2

ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಎನ್ನಂಗೆಣ್ಣ್‌ಚೇಂಗಿ ಪರಲೋಕ ರಾಜ್ಯ ಬೆರಿಯ ಬಪ್ಪಾಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 4:17

ಅಕ್ಕಯಿಂಜ ಯೇಸು: ನಿಂಗ ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಾರಿ, ಪರಲೋಕ ರಾಜ್ಯ ಬೆರಿಯ ಬಂದಂಡುಂಡ್‍ೕಂದ್ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮಾರ್ಕ 1:14

ಯೋಹಾನನ ಜೈಲ್‌ಕ್ ಇಟ್ಟ ಪಿಂಞ ಯೇಸು ಗಲಿಲಾಯಕ್ ಪೋಯಿತ್, ಅಲ್ಲಿ ಜನಕ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚಿ.

ಮಾರ್ಕ 1:45

ಆಚೇಂಗಿ ಯೇಸು ಎಣ್ಣ್‌ನ ಪ್ರಕಾರ ಅಂವೊಂಡ ತಕ್ಕ್ ಕ್‍ೕಕತೆ ಈ ನಲ್ಲ ವಿಷಯತ್‍ನ ಎಲ್ಲಾ ಜಾಗತ್‍ಲು ಎಣ್ಣಿಯಂಡ್ ಪೋಚಿ. ಅದ್ಂಗಾಯಿತ್ ಯೇಸುಕ್ ಪೊರಮೆ ಪೋಪಕ್ ಕಯ್ಯತಾಚಿ. ಆನಗುಂಡ್ ಯೇಸು ದಾರೂ ಇಲ್ಲತ ಜಾಗತ್‍ಲ್ ಇಂಜತ್. ಆಚೇಂಗಿಯು ಯೇಸುರ ಪಕ್ಕ ದುಂಬ ಜನ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:11

ನಂಗಡ ಕಾಲ್‌ಲ್ ಉಳ್ಳ ಈ ಪಟ್ಟಣತ್‍ರ ದೂಳ್‍ನ ಸಹ ನಿಂಗಕ್ ಎಚ್ಚರಿಕೆಯಾಯಿತ್ ಕೊಡ್‍ಕುವಿ. ಆಚೇಂಗಿಯು ದೇವಡ ರಾಜ್ಯ ಬೆರಿಯ ಬಪ್ಪಾಂದ್ ನಿಂಗಕ್ ಗೊತ್ತಿರಡ್‍ೕಂದ್ ಎಣ್ಣಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:9

ಅಲ್ಲಿ ಕಾಯಿಲಸ್ತಂಗಕ್ ಕಾಯಿಲೆನ ವಾಸಿ ಮಾಡಿತ್, ದೇವಡ ರಾಜ್ಯ ಬೆರಿಯ ಬಪ್ಪಾಂದ್ ಎಲ್ಲಾರ್‌ಕು ಎಣ್ಣಿ ಕೊಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:29

ಆಚೇಂಗಿ ಅಬ್ರಹಾಮ ಅಂವೊಂಗ್: ಅಲ್ಲಿ ಮೋಶೆ ಪಿಂಞ ಪ್ರವಾದಿಯಂಗ ಎಚ್ಚರ ಮಾಡಿಯಂಡುಂಡ್. ಅಯಿಂಗಕ್ ಅಯಿಂಗ ಕೆಮಿ ಕೊಡ್‍ಕಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:31

ಅದ್ಂಗ್ ಅಬ್ರಹಾಮ, ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣ್‌ವಾನ ಅಯಿಂಗ ನಂಬತೆಪೋನಕ, ಚತ್ತಂವೊ ಒಬ್ಬ ಎದ್ದಿತ್ ಬಂದಿತ್ ಎಣ್ಣ್‌ವಾನ ಸಹ ಅಯಿಂಗ ಕ್‍ೕಪುಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:2

ದೇವಡ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕು ಕಾಯಿಲಸ್ತಂಗಳ ವಾಸಿ ಮಾಡ್‌ವಕು ಅಯಿಂಗಳ ಅಯಿಚತ್.

ಯೋಹಾನ 1:45

ಅಲ್ಲಿ ಫಿಲಿಪ್ಪ, ನತಾನಯೇಲನ ತ್‍ೕಡಿ ಕಂಡ್‍ಪುಡ್‌ಚಿತ್, ನಂಗ ನ್ಯಾಯಪ್ರಮಾಣಾತ್‍ಲ್ ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣಿಯಂಡಿಂಜ ಕ್ರಿಸ್ತನ ಕಂಡತ್. ಅಂವೊ, ನಜರೇತ್ ಊರ್‍ಕಾರನಾನ ಯೋಸೇಫ ಎಣ್ಣ್‌ವಂವೊಂಡ ಮೋಂವೊನಾನ ಯೇಸುವೇಂದ್ ಎಣ್ಣ್‌ಚಿ.

ಯೋಹಾನ 11:48

ಇಂವೊನ ನಂಗ ಇನ್ನನೆ ಬುಟ್ಟತೇಂಗಿ, ಎಲ್ಲಾರು ಅಂವೊನ ನಂಬುವ; ಅಕ್ಕ ರೋಮ್ ರಾಜ್ಯತ್‍ರ ಜನ ನಂಗಡ ದೇವಾಲಯತ್‍ನ, ನಂಗಡ ಜಾಗತ್‍ನ ಒತ್ತಾಯ ಮಾಡಿತ್ ಎಡ್‌ತ್‌ರ್‍ವಾಂದ್ ಎಣ್ಣಿಯಂಡ್ ಇಂಜತ್.

ಯೋಹಾನ 12:19

ಅಕ್ಕ, ಫರಿಸಾಯಂಗ: ನಿಂಗ ನೋಟಿರ, ನಿಂಗಡ ಪ್ರಯತ್ನ ಎಲ್ಲಾ ಒಂದಾಂಗು ಪ್ರಯೋಜನ ಇಲ್ಲೇಂದ್ ಗೊತ್ತ್‌ಲ್ಲೆಯಾ? ಈ ಲೋಕವೇ ಯೇಸುರ ಬಯ್ಯಕ್ ಪೋಯಂಡುಂಡ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡ್ ಇಂಜತ್.

ಯೋಹಾನ 5:4

ಓರೊಮ್ಮ, ದೇವದೂತ ಒಬ್ಬ ಬಂದಿತ್, ಆ ಗುಂಡಿಲ್ ಇಳಿಂಜಿತ್, ನೀರ್‌ನ ಕಲಕುವ; ಅನ್ನನೆ ನೀರ್ ಕಲ್‌ಂಗ್‍ನ ಪಿಂಞ, ದಾರ್ ಆದ್ಯವಾಯಿತ್ ಇಳಿಯುವ, ಅಯಿಂಗಕ್ ಏದ್ ತರ ಕಾಯಿಲೆ ಇಂಜತೇಂಗಿಯು ಅದ್ ವಾಸಿ ಆಪಕಿಂಜತ್.

ಅಪೊಸ್ತಲ 3:18

ಆಚೇಂಗಿಯು, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇನ್ನನೆ ಕಷ್ಟಪಡಂಡೂಂದ್ ದೇವ ತಾಂಡ ಎಲ್ಲಾ ಪ್ರವಾದಿಯಂಗಡ ಮೂಲಕ ಮಿಂಞಲೇ ಎಣ್ಣ್‌ನಾನ ಪೂರೈಚಿಡ್‌ವಕ್ ಇನ್ನನೆ ಮಾಡ್‍ಚಿ.