ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:11 - ಕೊಡವ ಬೈಬಲ್

¹¹ ಇನ್ನನೆ ಇಪ್ಪಕಾಪಕ, ಈ ಲೋಕತ್‍ರ ಆಸ್ತಿಲ್ ನಂಬಿಕಸ್ತನಾಯಿತ್ ಇರತೆಪೋನಕ ನೇರಾನ ಆಸ್ತಿರ ವಿಷಯತ್‍ಲ್ ನಿಂಗಳ ದಾರ್ ನಂಬುವ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:11 ပူးပေါင်းရင်းမြစ်များ

ಮತ್ತಾಯ 6:24

ದಾರೂ ದಂಡ್ ಎಜಮಾನಂಗ್ ಸೇವೆ ಮಾಡ್‌ವಕ್ ಕಯ್ಯುಲೆ. ಅಂವೊ ಒಬ್ಬನ ಕುಶಿಪಡ್‌ತ್‌ವ, ಇಂಞೊಬ್ಬನ ದ್ವೇಶ ಮಾಡ್‌ವ. ಅಥವ ಒಬ್ಬನ ಪ್ರೀತಿ ಮಾಡಿಯಂಡ್ ಇಂಞೊಬ್ಬನ ದೂರ್‌ವ. ನಿಂಗ ದೇವನ ಪಿಂಞ ಪಣತ್‍ನ ಒಕ್ಕಚೆ ಸೇವೆ ಮಾಡ್‌ವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:33

ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್‍ನ ಮಾರಿತ್, ಬಂದ ಪಣತ್‍ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್‍ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್‍ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್‍ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:12

ಇಂಞೊಬ್ಬಂಡ ಆಸ್ತಿರ ವಿಷಯತ್‍ಲ್ ನಂಬಿಕೆ ಕಾಟತೆ ಪೋನಕ, ನಿಂಗಕ್ ಸ್ವಂತವಾಯಿತ್ ಉಳ್ಳದ್‍ನ ನಿಂಗಕ್ ದಾರ್ ತಪ್ಪಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:9

ಆನಗುಂಡ್ ನಾನ್ ನಿಂಗಕ್ ಎಣ್ಣ್‌ವಿ: ಈ ಲೋಕತ್‍ಲ್ ಉಳ್ಳ ಪಾಳಾಯಿ ಪೋಪ ನಿಂಗಡ ದುಡ್ಡ್ ಪಿಂಞ ಐಶ್ವರ್ಯತ್‍ರ ಮೂಲಕ ಬೋರೆಯಿಂಗಕ್ ಪ್ರಯೋಜನ ಆಪನೆಕೆ ಮಾಡಿತ್, ಸ್ನೇಹಿತಂಗಳ ಕೂಟಿಯೊಳಿ. ಈ ಲೋಕತ್‍ರ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ಅಯಿಂಗ ನಿಂಗಳ ನಿತ್ಯ ವಾಸ ಮಾಡ್‍ವಕ್ಕುಳ್ಳ ಜಾಗತ್‍ಲ್ ಸ್ವೀಕಾರ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:22

ಯೇಸು ಇದ್‍ನೆಲ್ಲ ಕ್‍ೕಪದು: ಇಂಞು ಒಂದ್ ನೀನ್ ಮಾಡ್‌ವಕುಂಡ್. ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.