ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:8 - ಕೊಡವ ಬೈಬಲ್

⁸ ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ: ಒರ್ ಪೊಣ್ಣಾಳ್‍ರ ಕೈಯಿಂಜ ಪತ್ತ್ ಬೊಳ್ಳಿರ ನಾಣ್ಯತ್‌ಲ್ ಒರ್ ನಾಣ್ಯ ಕಾಂಗತ ಪೋನಕ, ಆ ಒರ್ ನಾಣ್ಯತ್‍ನ ತ್‍ೕಡ್‍ವಕಾಯಿತ್ ಬೊಳ್‌ಚತ್‍ನ ಕತ್ತಿಚಿಟ್ಟ್, ಮನೆನ ಒಡ್‌ಕಿತ್, ಕಂಡ್‍ಪುಡಿಪಕ‍ತ್ತನೆ ತ್‍ೕಡಿಯಂಡಿಪ್ಪಲ್ಲ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:8 ပူးပေါင်းရင်းမြစ်များ

ಮತ್ತಾಯ 5:15

ದಾರೂ ಬೊಳ್‌ಚತ್‍ನ ಕತ್ತ್‌ಚಿಡುವಂಜಿ ಒರ್ ಪಾತ್ರತ್‍ರ ಒಳ್‍ಲ್ ಮುಚ್ಚಿತ್ ಬೆಪ್ಪುಲೆ. ಅದ್‍ನ ಬೊಳ್‍ಚ ಕಂಬತ್‍ಲ್ ಬೆಪ್ಪ. ಅದ್ ಮನೆಲ್ ಉಳ್ಳಯಿಂಗಕೆಲ್ಲಾ ಬೊಳಿಯಾಯಿತ್ ಮಿನ್ನುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:7

ಅನ್ನನೆ, ಪಶ್ಚಾತಾಪ ಪಡಂಡೂಂದ್ ಇಲ್ಲತ ತೊಂಬತ್‌ತೊಯಿಂಬದ್ ನೀತಿವಂತಯಿಂಗಕಿಂಜ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ತಿರ್‌ಗ್‌ವ ಒರ್ ಪಾಪಿರ ವಿಷಯತ್ ಪರಲೋಕತ್‍ಲ್ ದುಂಬ ಕುಶಿ ಇಪ್ಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:9

ಆ ನಾಣ್ಯ ಕ್‍ಟ್ಟ್‌ನ ಪಿಂಞ ಅವಡ ಸ್ನೇಹಿತಳ ಪಿಂಞ ನೆರೆಮನೆಕಾರಳ ಕಾಕಿತ್, ಕಾಂಗತ ಪೋನ ನಾಡ ನಾಣ್ಯ ಕ್‍ಟ್ಟ್‌ಚಿ, ಬಾರಿ! ನಾಡ ಕೂಡೆ ಕುಶಿ ಪಡಿರೀಂದ್ ಎಣ್ಣ್‌ವಲ್ಲಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:10

ಪಾಳಾಯಿ ಪೋನದ್‍ನ ತ್‍ೕಡ್‍ವಕು ಅದ್‍ನ ಕಾಪಾಡ್‌ವಕು ಮನುಷ್ಯಕುಮಾರ ಬಾತ್‍ೕಂದ್ ಎಣ್ಣ್‌ಚಿ.

ಯೋಹಾನ 10:16

ಈ ಕೊರಿಕೊಟ್ಟ್‌ರ ಕೊರಿಯ ಅಲ್ಲತೆ, ಬೋರೆ ಕೊರಿಯಳು ನಾಕ್ ಉಂಡ್; ಅಯಿಂಗಳ ಸಹ ನಾನ್ ಕೂಟಿಯಂಡ್ ಬರಂಡು; ಆ ಕೊರಿಯ ನಾಡ ತಕ್ಕ್‌ನ ಕ್‍ೕಪ, ಅಕ್ಕ ಈಂಗ ದಂಡಾಳು ಒರೇ ಗುಂಪಾಯಿತ್, ಒರೇ ಕೊರಿಕಾಪಂವೊಂಡ ಅಡಿಕ್ ಬಪ್ಪ.

ಯೋಹಾನ 11:52

ಯೆಹೂದ್ಯ ಜನಕಾಯಿತ್ ಮಾತ್ರ ಅಲ್ಲ, ಚದ್‌ರಿ ಪೋನ ದೇವಡ ಮಕ್ಕಳ ಒಟ್ಟ್ ಕೂಟಿತ್ ಒಂದಾಯಿತ್ ಮಾಡ್‌ವಕಾಯಿತ್ ಚಾವಾಂದು ಪ್ರವಾದನೆಯಾಯಿತ್ ಎಣ್ಣ್‌ಚಿ.

ಅಪೊಸ್ತಲ 19:19

ಇದ್‍ಲ್ಲತೆ ಮಾಟಮಂತ್ರ ಮಾಡಿಯಂಡಿಂಜ ದುಂಬ ಜನ ತಂಗಡ ಪುಸ್ತಕತ್‍ನ ಕೊಂಡ್‌ಬಂತ್, ಗುಡ್ಡೆ ಕೂಟಿತ್ ಎಲ್ಲಾಡ ಮಿಂಞತ್ ತಿತ್ತ್‌ಕ್ ಇಟ್ಟತ್; ಅದ್ಂಡ ಕ್ರಯತ್‍ನ ಲೆಕ್ಕಮಾಡ್‍ವಕ ಸುಮಾರ್ ಐಂಬದಾಯಿರ ಬೊಳ್ಳಿ ನ್ಯಾಣ ಆಯಿತಿಕ್ಕೂಂದ್ ಗೊತ್ತಾಚಿ.

ಎಫೆಸ 2:17

ಅದಲ್ಲತೆ, ಅಂವೊ ಬಂದಿತ್, ದೂರವಾಯಿತ್ಂಜ ನಿಂಗಕು, ಪಕ್ಕತ್‍ಲ್ ಇಂಜ ಯೆಹೂದ್ಯಂಗಕು ಸಮಾದಾನತ್‍ನ ದೇವಡ ನಲ್ಲ ಸುದ್ದಿಯಾಯಿತ್ ಅರಿಚಿಟ್ಟತ್.