ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:24 - ಕೊಡವ ಬೈಬಲ್

²⁴ ನಾಡ ಈ ಕುಂಞಿ ಇಚ್ಚಕ್ ದಿವಸ ಚತ್ತ್ ಪೋಯಿತ್ಂಜತ್, ಆಚೇಂಗಿ ಪುನಃ ಜೀವವಾಯಿತ್ ಬಂದತ್, ಇಕ್ಕಣಕೆ ಕಾಂಗತೆ ಪೋಯಿತ್ಂಜತ್, ಇಕ್ಕ ಇಂವೊ ಕ್‍ಟ್ಟ್‌ಚೀಂದ್ ಅಪ್ಪ ಎಣ್ಣಿತ್, ಗದ್ದಾಳ ಮಾಡ್‌ವಕು, ಆಟ್‌ಪಾಟ್ ನಡ್‍ಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 45:28

ಅಕ್ಕ ಇಸ್ರಾಯೇಲ್: ನಾಡ ಮೋಂವೊನಾನ ಯೋಸೇಫ ಇಂಞು ಬದ್‌ಕಿಯಂಡುಂಡಲ್ಲಾ, ಇದ್‌ ಮದಿ ನಾಕ್; ನಾನ್‌ ಚಾವಕ್‌ ಮಿಂಞ ಅಂವೊನ ಪೋಯಿತ್‌ ಕಾಂಬೀಂದ್‌ ಎಣ್ಣ್‌ಚಿ.

ಮತ್ತಾಯ 8:22

ಅಕ್ಕ ಯೇಸು, ಚತ್ತಯಿಂಗ ಚತ್ತಯಿಂಗಳ ಪೂಕಡ್, ನೀನ್ ನಾಡ ಬಯ್ಯ ಬಾಂದ್ ಎಣ್ಣ್‌ಚಿ.

ಮಾರ್ಕ 8:22

ಅಯಿಂಗ ಬೇತ್ಸಾಯಿದ ಎಣ್ಣುವಲ್ಲಿಕ್ ಬಾತ್; ಅಲ್ಲಿಕ್ ಒರ್ ಕುರ್‌ಡನ ಯೇಸುರ ಪಕ್ಕ ಕಾಕಿಯಂಡ್ ಬಂತ್, ಯೇಸುನ ಅಂವೊಂಡ ಮೇಲೆ ಕೈ ಬೆಪ್ಪಕಾಯಿತ್ ಬೋಡಿಯಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:19

ಇದಾ, ನಿಂಗ ಪಾಂಬ್ ಪಿಂಞ ಚೇಳ್‌ರ ಮೇಲೆ ಚೌಟ್‍ವಕು, ವಿರೋದಿಯಾನ ಸೈತಾನಂಡ ಎಲ್ಲಾ ಶಕ್ತಿನ ಚೋಪ್‌ಚಿಡ್‌ವಕು ನಾನ್ ನಿಂಗಕ್ ಅದಿಕಾರ ತಪ್ಪಿ; ಏದು ನಿಂಗಳ ಒಂದು ಮಾಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:23

ನಿಂಗಡ ಕೂಟ್‌ಲ್ ಉಳ್ಳ ಪುಷ್ಟಿಯುಳ್ಳ ಕಡ್‍ಚಿನ ಕೊಲ್ಲಿ, ಸಂತೋಷ ಪಟ್ಟಿತ್ ಗದ್ದಾಳ ಮಾಡನ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:25

ಅಂವೊಂಡ ಪೆರಿಯ ಮೋಂವೊ ಬೇಲ್‍ರ ಪಣಿ ತ್‍ೕತಂಡ್ ಮನೆರ ಪಕ್ಕಪಕ್ಕ ಎತ್ತ್‌ವಕ ಆಟ್‌ಪಾಟ್ ಕ್‍ೕಟಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:4

ನಿಂಗಡಲ್ಲಿ ಒಬ್ಬಂಗ್ ನೂರ್ ಕೊರಿಯ ಇಪ್ಪಕ, ಅದ್‍ಲ್ ಒಂದ್ ಕಾಂಗದಾಚೇಂಗಿ, ಅಕ್ಕ ತೊಂಬತೊಯಿಂಬದ್ ಕೊರಿಯಳ ಬೇಲ್‌ಲ್ ಬುಟ್ಟಿತ್, ಕಾಂಗತ ಪೋನ ಒಂದ್‌ನ ಕಂಡ್‍ಪುಡಿಪಕ‍ತ್ತನೆ ತ್‍ೕಡಿಯಂಡ್ ಪೋಪ್‍ಲೆಯಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:10

ಪಾಳಾಯಿ ಪೋನದ್‍ನ ತ್‍ೕಡ್‍ವಕು ಅದ್‍ನ ಕಾಪಾಡ್‌ವಕು ಮನುಷ್ಯಕುಮಾರ ಬಾತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:60

ಅದ್ಂಗ್ ಯೇಸು: ಚತ್ತಯಿಂಗ ಚತ್ತಯಿಂಗಳ ಪೂತಡ್; ನೀನ್ ಪೋಯಿತ್ ದೇವಡ ರಾಜ್ಯತ್‍ರ ವಿಷಯತ್‍ನ ಪ್ರಚಾರ ಮಾಡ್‍ೕಂದ್ ಎಣ್ಣ್‌ಚಿ.

ಯೋಹಾನ 11:25

ಯೇಸು ಅವಳ ನೋಟಿತ್: ನಾನೇ ಚತ್ತ್ ಪೋನಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿಯುಳ್ಳಂವೊನು, ನಾನೇ ನಿತ್ಯ ಜೀವತ್‍ನ ತಪ್ಪಂವೊನೂ ಆಯಿತುಂಡ್. ನಾಡ ಮೇಲೆ ನಂಬಿಕೆ ಇಡ್‌ವಯಿಂಗ ಚತ್ತ್ ಪೋಚೇಂಗಿಯು ಪುನಃ ಬದ್‍ಕ್‍ವ.

ಯೋಹಾನ 5:21

ಅಪ್ಪ, ಚತ್ತ್ ಪೋನಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವನೆಕೆ, ಮೋಂವೊನು ಸಹ ಅಂವೊಂಗ್ ಕುಶಿಯುಳ್ಳಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವ.

ರೋಮ್ 11:15

ಅಯಿಂಗಳ ದೇವ ಬೋಂಡಾಂದ್ ತಿರಸ್ಕಾರ ಮಾಡ್‍ನದ್ ಮೂಲಕ, ಈ ಲೋಕತ್‍ನ ಅಂವೊಂಡ ಕೂಡೆ ಇಂಜ ವಿರೋದತ್‍ನ ಕಳೆಂಜಿತ್ ಸಮಾದಾನ ಮಾಡ್‌ವಕ್ ಅಂವೊಂಗ್ ಕುಶಿಯಾಚೇಂಗಿ, ಇಸ್ರಾಯೇಲ್ ಜನಳ ಸ್ವೀಕಾರ ಮಾಡ್‍ವದ್, ಇಂಞು ಎಚ್ಚಕ್ ಬಲ್ಯದಾಯಿತಿಪ್ಪ; ಅದ್ ಚತ್ತ್ ಪೋನಯಿಂಗ ಜೀವತ್‍ಲ್ ಬಂದನೆಕೆ ಇಪ್ಪ ಅಲ್ಲ?

ರೋಮ್ 12:15

ಕುಶೀಲ್ ಉಳ್ಳಯಿಂಗಡ ಕೂಡೆ ಕುಶೀಲ್ ಇರಿ, ಮೊರಟಂಡುಳ್ಳಯಿಂಗಡ ಕೂಡೆ ಮೊರಡಿ.

ರೋಮ್ 6:11

ಅನ್ನನೆ ನಿಂಗಳು, ನಿಂಗಳ ಪಾಪಕ್ ಚತ್ತಯಿಂಗಳಾಯಿತು, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಐಕ್ಯತ್‍ಲ್ ದೇವಕಾಯಿತ್ ಬದ್‍ಕಿಯಂಡುಳ್ಳಯಿಂಗಳಾಯಿತು ಗೇನ ಮಾಡಿಯೊಳಿ.

ರೋಮ್ 6:13

ನಿಂಗ ನಿಂಗಡ ತಡೀರ ಬಾಗತ್‍ನ ಅನೀತಿರ ಆಯುದವಾಯಿತ್ ಪಾಪಕ್ ಒಪ್ಪ್‌ಚಿಡತೆ, ನಿಂಗಳ ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಯಿಂಗಡನೆಕೆ, ದೇವಕ್ ಒಪ್ಪ್‌ಚಿಟ್ಟಿತ್ ನಿಂಗಡ ತಡೀರ ಬಾಗತ್‍ನ ನೀತಿರ ಆಯುದವಾಯಿತ್ ದೇವಕ್ ಅರ್ಪಣೆ ಮಾಡಿ.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

1 ಕೊರಿಂಥ 12:26

ಅಕ್ಕ, ತಡೀರ ಒರ್ ಬಾಗ ಕಷ್ಟಪಟ್ಟತೇಂಗಿ, ಅದ್ಂಡಕೂಡೆ ತಡೀರ ಎಲ್ಲಾ ಬಾಗವು ಕಷ್ಟಪಡ್‌ವ. ಒರ್ ಬಾಗ ಕುಶಿಪಟ್ಟತೇಂಗಿ ಬೋರೆ ಎಲ್ಲಾ ಬಾಗವು ಕುಶಿ ಪಡುವ.

ಎಫೆಸ 2:1

ಪಂಡ್ ನಿಂಗ ನಿಂಗಡ ಅಪರಾದತ್‍ಲ್ ಪಿಂಞ ಪಾಪತ್‍ಲ್ ಚತ್ತ್ ಪೋಯಿತ್ಂಜಿರ.

ಎಫೆಸ 2:5

ಅಪರಾದತ್‍ಲ್ ಚತ್ತ್ ಪೋಯಿತ್ಂಜ ನಂಗಳ ಕ್ರಿಸ್ತಂಡ ಕೂಡೆ ಜೀವವಾಯಿತ್ ಎಪ್ಪ್‌ಚಿಟ್ಟತ್; ಕೃಪೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ.

ಎಫೆಸ 5:14

ಆನಗುಂಡ್, ವರಿಯಂಡ್ ಉಳ್ಳ ನೀ, ಎಚ್ಚರ ಎಡ್‌ತ, ಚತ್ತಯಿಂಗಡ ಮದ್ಯತ್ಂಜ ಏಳ್, ಅಕ್ಕ, ನೀಡ ಮೇಲೆ ಕ್ರಿಸ್ತಂಡ ಬೊಳಿ ಮಿನ್ನುವಾಂದ್ ಎಣ್ಣಿತುಂಡ್.

ಕೊಲೊಸ್ಸೆ 2:13

ನಿಂಗ, ನಿಂಗಡ ಪಾಪತ್‍ರಗುಂಡ್ ಪಿಂಞ ನಿಂಗಡ ಪಾಪತ್‍ರ ಗುಣ ನಿಂಗಳ ಬುಟ್ಟಿತ್ ಪೋಕತಗುಂಡ್ ಆತ್ಮೀಯ ಸುನ್ನತಿ ಮಾಡತಯಿಂಗಳಾಯಿತ್ ಚತ್ತ್ ಪೋಯಿತ್ಂಜಿರ. ಆಚೇಂಗಿ, ಕ್ರಿಸ್ತಂಡ ಕೂಡೆ ದೇವ ನಿಂಗಳ ಎಪ್ಪಿತ್ ಬದ್‍ಕ್‍ವಕ್ ಮಾಡಿತ್, ನಿಂಗಡ ಎಲ್ಲಾ ಪಾಪತ್‍ನ ಮನ್ನಿಚಿಟ್ಟಿತ್,

1 ತಿಮೊಥೆಯ 5:6

ಆಚೇಂಗಿ ಸುಕ ಬೋಗತ್‍ಲ್ ಬದ್‍ಕ್‍ವಕ್ ಕುಶಿ ಪಡುವ ಒರ್ ವಿದವೆ ಜೀವವಾಯಿತ್ ಉಂಡೇಂಗಿಯು, ಆತ್ಮೀಯ ಬದ್‍ಕ್‍ಲ್, ಅವ ಚತ್ತನೆಕೆ.

ಯೂದ ಒಳ್‍ದ್‍ನ ಕಾಗದ 1:12

ಈಂಗ ನಿಂಗಡ ಕೂಡೆ ಅಳ್‌ತಂಡ್ ದೇವಡ ಗದ್ದಾಳತ್‍ಲ್ ತಿಂಬಕ ಅದ್ಂಡ ಪವಿತ್ರತ್‍ನ ಅಶುದ್ದ ಮಾಡಿತ್, ಞಾಣ ಇಲ್ಲತ ಕೊರಿ ಕಾಪಂವೊಂಡನೆಕೆ ಅಯಿಂಗಳ ಮಾತ್ರ ನೋಟಿಯೊವ. ಅಯಿಂಗ ನೆಲಕ್ ಮಳೆ ಕೊಡ್‍ಕತ ಬೀಜುವ ಮೋಡತ್‍ರನೆಕೆ ಪಿಂಞ ಫಲ ಕೊಡ್‍ಕತ ದಂಡ್ ಕುರಿ ಚತ್ತಿತ್ ಬೇರೋಡೆ ಒಣಂಗಿ ಪೋನ ಮರತ್‌ರನೆಕೆ ಆಯಿತುಂಡ್.

ಪ್ರಕಟನೆ 3:1

ಸಾರ್ದಿಸಿ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದೇವಡ ಏಳ್ ಆತ್ಮತ್‌ನ ಪಿಂಞ ಏಳ್ ನಕ್ಷತ್ರತ್‍ನ ಪುಡ್‌ಚಂಡುಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ. ನೀಡ ಕ್ರಿಯೆ ನಾಕ್ ಗೊತ್ತುಂಡ್, ನೀನ್ ಬದ್‍ಕಿಯಂಡ್ ಉಂಡ್‍ೕಂದ್‌ ಎಲ್ಲಾರು ಎಣ್ಣಿಯಂಡಿಂಜತೇಂಗಿಯು ನೀನ್ ಚತ್ತ್ ಪೋನಂವೊಂಡನೆಕೆ ಉಳ್ಳಿಯ.