ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:13 - ಕೊಡವ ಬೈಬಲ್

¹³ ಚೆನ್ನ ದಿವಸ ಆನ ಪಿಂಞ ಅಂವೊ ತಾಂಡ ಎಲ್ಲಾ ಆಸ್ತಿನ ಎಡ್‍ತಂಡ್ ದೂರ ದೇಶಕ್ ಪೋಯಿತ್ ಎಲ್ಲಾ ಪಣತ್‍ನ, ಮನಸ್ಸ್ ಬಂದನೆಕೆ ಖರ್ಚಿಮಾಡಿತ್ ಸೂರೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:13 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 18:9

ತಾಂಡ ಕೆಲಸತ್‌ ಮಂಕ್‌ ಆಯಿತ್‌ ಇಪ್ಪಂವೊನು ನಾಶ ಮಾಡುವಂವೊನು ಅಣ್ಣತಮ್ಮಣಂಗಳೇ.

ಜ್ಞಾನತ್‌ರ ಪಡಿಮ 21:17

ಸುಕಬೋಗತ್‌ನ ಪ್ರೀತಿ ಮಾಡ್‌ವಂವೊ ಗರೀಬನಾಪ. ಕಳ್ಳ್‌ನೆ ಪಿಂಞ ಎಣ್ಣೆ ಪ್ರೀತಿ ಮಾಡ್‌ವಂವೊ ಐಶ್ವರ್ಯವಂತಂವೊನಾಪುಲೆ.

ಜ್ಞಾನತ್‌ರ ಪಡಿಮ 21:20

ಜ್ಞಾನಿಯಾನಂವೊಂಡ ಮನೆಲ್ ಬೋಂಡಿಯಾನ ಸಂಪತು ಎಣ್ಣೆಯು ಇಪ್ಪ. ಆಚೇಂಗಿ ಮೂಡನಾನಂವೊ ತಾಂಡ ಪಕ್ಕ ಉಳ್ಳ ಎಲ್ಲಾನ ಮುಗ್ಗಿರುವ.

ಜ್ಞಾನತ್‌ರ ಪಡಿಮ 27:8

ತಾಂಡ ಗೂಡ್‌ನ ಬುಟ್ಟಿತ್‌ ತಿರ್‌ಗಾಡುವ ಪಕ್ಷಿ ಎನ್ನನೆ ಇಪ್ಪೊ, ಅನ್ನನೆ ತಾಂಡ ಮನೆನ ಬುಟ್ಟಿತ್‌ ತಿರ್‌ಗಾಡುವ ಮನುಷ್ಯನು ಇಪ್ಪ.

ಜ್ಞಾನತ್‌ರ ಪಡಿಮ 28:7

ದೇವಡ ನ್ಯಾಯಪ್ರಮಾಣಕ್‌ ತಗ್ಗಿತ್‌ ನಡ್‌ಪಂವೊ ವಿವೇಕ ಉಳ್ಳ ಪುತ್‌ರ. ಹೊಟ್ಟೆಬಾಕೆಂಡ ಸಹವಾಸ ಬೆಪ್ಪಂವೊ ತಾಂಡ ಅಪ್ಪನ ಅವಮಾನ ಪಡ್‌ತುವ.

ಜ್ಞಾನತ್‌ರ ಪಡಿಮ 29:3

ಜ್ಞಾನತ್‌ನ ಪ್ರೀತಿ ಮಾಡುವಂವೊ ತಾಂಡ ಅಪ್ಪನ ಕುಶಿಪಡ್‌ತುವ. ಆಚೇಂಗಿ ವೇಶಿಯಡಕೂಡೆ ಸಹವಾಸ ಉಳ್ಳಂವೊ ತಾಂಡ ಆಸ್ತಿನ ನಾಶ ಮಾಡಿರುವ.

ಜ್ಞಾನತ್‌ರ ಪಡಿಮ 6:26

ಎನ್ನಂಗೆಣ್ಣ್‌ಚೇಂಗಿ ವೇಶಿರಗುಂಡ್‌ ಒರ್‌ ತುಂಡ್‌ ಒಟ್ಟಿನ ಸಹ ಇಲ್ಲತನೆಕೆ ನೀನ್‌ ಕಳ್‌ಂದ್‌ರ್‌ವಿಯ. ಆಚೇಂಗಿ ಒರ್‌ ವ್ಯಬಿಚಾರಿ ಬೆಲೆ ಕೊಡ್‌ಪಕಯ್ಯತ ನೀಡ ಜೀವತ್‌ನೇ ಬೋಟೆಯಾಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:12

ಅದ್‍ಲ್ ಎಳಿಯಂವೊ ಅಪ್ಪಂಗ್: ನಂಗಕ್ ಆಸ್ತಿನ ಪಾಲ್ ಮಾಡ್, ನಾಡ ಪಾಲ್‍ನ ತಾಂದ್ ಕ್‍ೕಟತ್. ಅಕ್ಕ, ಅಪ್ಪ ಅಂವೊ ಕ್‍ೕಟನೆಕೆ ಆಸ್ತಿನ ಪಾಲ್ ಮಾಡಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:14

ಅಂವೊಂಡ ಪಣ ಎಲ್ಲಾ ತ್‍ೕಂದ್ ಪೋನ ಪಿಂಞ, ಆ ದೇಶಕ್ ಬರಗಾಲ ಬಂದ್‌ರ್‌ತ್. ಅಂವೊಂಗ್ ಕೆಲ ಪೈಪಕಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:30

ಇಂವೊ ವೇಶಿಯಂಗಡ ಕೂಡೆ ಕೂಡಿಯಂಡ್, ನೀಡ ಆಸ್ತಿನೆಲ್ಲ ಪಾಳ್ ಮಾಡಿರ್‌ತ್. ಇನ್ನನೆ ಆಚೇಂಗಿಯು, ನೀಡ ಈ ಮೋಂವೊ ಬಪ್ಪಕ, ನೀನ್ ಚಾಯಿ ಕಡ್‍ಚಿನ ಕೊಂದಿತ್ ಕೊಡ್‌ತಿತುಳ್ಳಿಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:1

ಯೇಸು ಅಂವೊಂಡ ಶಿಷ್ಯಂಗಕ್ ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಒರ್ ಬಲ್ಯ ಮನುಷ್ಯಂಗ್ ಅಂವೊಂಡ ಆಳುವಡ ಕಣಕ್ ಒಳ್‍ದ್‍ವ ಅದಿಕಾರಿ ಇಂಜತ್. ಆ ಅದಿಕಾರಿ ಎಜಮಾನಂಡ ಆಸ್ತಿನ ಪಾಳ್ ಮಾಡಿಯಂಡ್ ಉಂಡ್‍ೕಂದ್ ದಾರೋ ಎಜಮಾನಂಗ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:19

ಇಂಞು ಯೇಸು ಎಣ್ಣ್‌ಚಿ: ದುಂಬ ಐಶ್ವರ್ಯ ಉಳ್ಳ ಒರ್ ಮನುಷ್ಯ ಇಂಜತ್. ಅಂವೊ ಎಕ್ಕಾಲು ನಲ್ಲ ಬೆಲೆ ಬಾಳುವ ಬಟ್ಟೆ ಇಟ್ಟಂಡ್, ಎಕ್ಕಾಲು ಐಶ್ವರ್ಯವಂತನಾಯಿತ್ ಬದ್‍ಕಿಯಂಡಿಂಜತ್.

ಎಫೆಸ 2:13

ಆಚೇಂಗಿ ಇಕ್ಕ, ದೂರವಾಯಿತ್ಂಜ ನಿಂಗ, ಕ್ರಿಸ್ತ ಯೇಸರಲ್ಲಿ ಕ್ರಿಸ್ತಂಡ ಚೋರೆರ ಮೂಲಕ ದೇವಡ ಪಕ್ಕ ಬಂದಿತುಳ್ಳಿರ.

ಎಫೆಸ 2:17

ಅದಲ್ಲತೆ, ಅಂವೊ ಬಂದಿತ್, ದೂರವಾಯಿತ್ಂಜ ನಿಂಗಕು, ಪಕ್ಕತ್‍ಲ್ ಇಂಜ ಯೆಹೂದ್ಯಂಗಕು ಸಮಾದಾನತ್‍ನ ದೇವಡ ನಲ್ಲ ಸುದ್ದಿಯಾಯಿತ್ ಅರಿಚಿಟ್ಟತ್.

2 ಪೇತ್ರ 2:13

ಅಯಿಂಗ ಮಾಡ್‍ನ ಕೇಡ್‍ಕ್ ಅಯಿಂಗಕ್ ಬಪ್ಪ ಕೇಡೇ ಫಲವಾಯಿತ್‌ಪ್ಪ. ಪೋಲ್‍ರ ಬೊಳಿಲ್ ಕೂಟ್‍ಕಳೀಲ್ ಮುಳ್‍ಗಿತ್ ಇಪ್ಪದ್ ಕುಶೀಂದ್ ಗೇನ ಮಾಡ್‌ವ. ಅಯಿಂಗ ನಿಂಗಡಲ್ಲಿ ಲೆಜ್ಜೆಯಾಯಿತ್, ಞಾಣವಾಯಿತ್ ಇಪ್ಪ. ಅಯಿಂಗ, ನಿಂಗಡ ಕೂಡೆ ಐಕ್ಯತ್‍ರ ಗಾದ್ದಾಳತ್‍ಲ್ ಉಂಬಕ ಸಹ ಅಯಿಂಗ ಮಾಡ್‌ವ ವಂಚನೆಲ್ ಕುಶಿಪಟ್ಟಂಡ್ ಇಪ್ಪ.