ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10 - ಕೊಡವ ಬೈಬಲ್

¹⁰ ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10 ပူးပေါင်းရင်းမြစ်များ

ಮತ್ತಾಯ 10:32

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರೆಲ್ಲಾ ಮನುಷ್ಯಂಗಡ ಮಿಂಞತ್, ಅಂವೊ ನಾಡ ಬಕ್ತಾಂದ್ ಎಣ್ಣುವ, ನಾನ್ ಸಹ ಅಂವೊನ ಪರಲೋಕತ್‍ಲ್ ಉಳ್ಳ ನಾಡ ಅಪ್ಪಂಡ ಮಿಂಞತ್‍ಲ್ ನಾಡಂವೋಂದ್ ಎಣ್ಣ್‌ವಿ.

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮತ್ತಾಯ 18:14

ಅನ್ನನೆ, ಈ ಚೆರಿಯಯಿಂಗಡಡೆಲ್ ಒಬ್ಬ ಕೂಡೆ ಬಟ್ಟೆ ತಪ್ಪಿ ಪೋಪದ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪಂಡ ಚಿತ್ತ ಅಲ್ಲ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:8

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರ್ ಮನುಷ್ಯಂಗಡ ಮಿಂಞತ್ ಅಂವೊ ನಾಡಂವೋಂದ್ ಎಣ್ಣ್‌ವ, ಮನುಷ್ಯಕುಮಾರ, ಅಂವೊನ ದೇವದೂತಂಗಡ ಮಿಂಞತ್ ನಾಡಂವೋಂದ್ ಎಣ್ಣುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:9

ಆಚೇಂಗಿ ದಾರ್ ಮನುಷ್ಯಂಗಡ ಮಿಂಞತ್ ನನ್ನ ತ್‍ಕ್ಕಾರ ಮಾಡ್‌ವ, ಅಂವೊನ ಮನುಷ್ಯಕುಮಾರ ಸಹ ದೇವದೂತಂಗಡ ಮಿಂಞತ್ ತ್‍ಕ್ಕಾರ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:5

ಇಲ್ಲೆ, ಆಚೇಂಗಿ ನಿಂಗಡ ಪಾಪಕಾಯಿತ್ ನಿಂಗ ಪಶ್ಚಾತಾಪ ಪಟ್ಟಿತ್‌ಲ್ಲೇಂಗಿ, ನಿಂಗಳು ಪಾಳಾಯಿ ಪೋಪಿರಾಂದ್ ನಾನ್ ಪುನಃ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:11

ಯೇಸು ಇಂಞು ಎಣ್ಣಿಯಂಡ್ ಪೋಚಿ. ಒರ್ ಮನುಷ್ಯಂಗ್ ದಂಡ್ ಮಕ್ಕ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:7

ಅನ್ನನೆ, ಪಶ್ಚಾತಾಪ ಪಡಂಡೂಂದ್ ಇಲ್ಲತ ತೊಂಬತ್‌ತೊಯಿಂಬದ್ ನೀತಿವಂತಯಿಂಗಕಿಂಜ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ತಿರ್‌ಗ್‌ವ ಒರ್ ಪಾಪಿರ ವಿಷಯತ್ ಪರಲೋಕತ್‍ಲ್ ದುಂಬ ಕುಶಿ ಇಪ್ಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:9

ಆ ನಾಣ್ಯ ಕ್‍ಟ್ಟ್‌ನ ಪಿಂಞ ಅವಡ ಸ್ನೇಹಿತಳ ಪಿಂಞ ನೆರೆಮನೆಕಾರಳ ಕಾಕಿತ್, ಕಾಂಗತ ಪೋನ ನಾಡ ನಾಣ್ಯ ಕ್‍ಟ್ಟ್‌ಚಿ, ಬಾರಿ! ನಾಡ ಕೂಡೆ ಕುಶಿ ಪಡಿರೀಂದ್ ಎಣ್ಣ್‌ವಲ್ಲಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:47

ಆನಗುಂಡ್ ನಾನ್ ನೀಕ್ ಎಣ್ಣ್‌ವಿ: ಇವ ಮಾಡ್‍ನ ಪಾಪಕೆಲ್ಲ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಇವ ಕಾಂಬ್‍ಚಿಟ್ಟ ಪ್ರೀತಿಯಿಂಜ ಗೊತ್ತಾಪ. ದಾರ್‍ಕೆಲ್ಲ ಚೆನ್ನ ಮನ್ನಿಪ್ಪ್ ಕ್‍ಟ್ಟ್‌ಚೋ, ಅಯಿಂಗೆಲ್ಲ ಚೆನ್ನ ಮಾತ್ರ ಪ್ರೀತಿ ಮಾಡ್‌ವಾಂದ್ ಎಣ್ಣ್‌ಚಿ.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 5:19

ಆಚೇಂಗಿ ಒಡೆಯಂಡ ದೂತ, ಬಯಿಟ್ ಸೆರೆಮನೇರ ಪಡಿನ ತೊರಂದಿತ್ ಅಯಿಂಗಳ ಪೊರಮೆ ಕಾಕಿಯಂಡ್ ಬಾತ್.

2 ಕೊರಿಂಥ 7:10

ದೇವಕಾಯಿತ್ ಉಳ್ಳ ದುಃಖ ಪಶ್ಚಾತಾಪ ಪಡುವನೆಕೆ ಮಾಡಿತ್ ರಕ್ಷಣೆನ ತಪ್ಪ. ಅದ್‍ಲ್ ದುಃಖ ಪಡುವನೆಕೆ ಒಂದು ಇಲ್ಲೆ. ಆಚೇಂಗಿ ಲೋಕತ್‍ರ ದುಃಖ ಚಾವ್‍ನ ಉಂಟ್ ಮಾಡ್‌ವ.

ಫಿಲೆಮೋನ 1:15

ಅಂವೊ ಎಕ್ಕಲೂ ನೀಡಂವೊನಾಯಿತ್ ಇಪ್ಪಕು, ಆಚೇಂಗಿ ಇಂಞು ಮಿಂಞಕ್ ಒರ್ ಅಡಿಯಾಳಾಯಿತ್ ಅಲ್ಲ ಅಡಿಯಾಳ್‍ಕಿಂಜ ಬಲ್ಯಂವೊನಾಯಿತ್, ನೀಡ ಪ್ರೀತಿಯುಳ್ಳ ತಮ್ಮಣನಾಯಿತ್ ಇಕ್ಕಂಡೂಂದ್ ಚೆನ್ನ ಕಾಲ ನಿನ್ನ ಬುಟ್ಟಿತ್ ಪೋಪಕ್ ದೇವ ಮಾಡ್‍ಚೀಂದ್ ನಾನ್ ಗೇನ ಮಾಡ್‌ವಿ.

ಇಬ್ರಿಯ 1:14

ಆನಗುಂಡ್, ರಕ್ಷಣೆ ಕ್‍ಟ್ಟ್‌ವಯಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವದೂತಂಗ ಎಲ್ಲಾರು, ದೇವ ಅಯಿಚ ಸೇವೇರ ಆತ್ಮವಾಯಿತುಂಡಲ್ಲಾ?