ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:11 - ಕೊಡವ ಬೈಬಲ್

¹¹ ನಿಂಗ, ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:11 ပူးပေါင်းရင်းမြစ်များ

ಎಸ್ತೆರ್‌ 6:10

ಅಕ್ಕ ರಾಜ ಹಾಮಾನನ ನೋಟಿತ್: ನೀನ್‌ ಬೆರಿಯ ರಾಜ ಉಡ್‌ಪ್‌ನ ಪಿಂಞ ಕುದುರೆನ ಎಡ್‌ತಂಡ್‌ ಪೋಯಿತ್, ನೀನ್‌ ಎಣ್ಣ್‌ನನೆಕೆ ರಾಜಂಡ ಅರಮನೆರ ಪಡಿಲ್‌ ಅಳ್‌ತಂಡುಳ್ಳ ಯೆಹೂದ್ಯನಾನ ಮೊರ್ದಿಕೈಕ್‌ ಮಾಡ್. ನೀನ್‌ ಎಣ್ಣ್‌ನ ಒಂದನ ಸಹ ಬುಡತೆ ಮಾಡ್‍ೕಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 15:33

ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ, ಅದ್‌ ಜ್ಞಾನತ್‌ನ ಬೋದನೆ ಮಾಡುವ; ಗನಪಡ್‌ವಕ್‌ ಮಿಂಞ ತಗ್ಗಿತ್‌ ನಡ್‌ಕಂಡು.

ಜ್ಞಾನತ್‌ರ ಪಡಿಮ 18:12

ನಾಶ ಬಪ್ಪಕ್‌ ಮಿಂಞ ಬಲ್ಯರಿಕೆ ಬಪ್ಪ; ತಗ್ಗಿತ್‌ ನಡ್‌ಪ್ಪದ್‌ ಗನಪಡ್‌ವಕ್‌ ಮಾಡುವ.

ಜ್ಞಾನತ್‌ರ ಪಡಿಮ 25:27

ತೇನ್ನ ಮಿತಿಮೀರಿತ್‌ ತಿಂಬದ್‌ ನಲ್ಲದಿಲ್ಲೆ. ಅನ್ನನೆ ಜನ ತನ್ನ ಮೆಚ್ಚಿಯಂಡೂಂದ್‌ ಪೇಚಾಡ್‌ವದ್‌ ನಲ್ಲದಿಲ್ಲೆ.

ಜ್ಞಾನತ್‌ರ ಪಡಿಮ 29:23

ಮನುಷ್ಯಂಡ ಆಂಗಾರ ಅಂವೊನ ತಗ್ಗ್‌ಚಿಡುವ. ಆಚೇಂಗಿ ಮನಸ್ಸ್‌ ತಗ್ಗಿತ್‌ ಉಳ್ಳಂವೊಂಗ್‌ ಗೌರವ ಕ್‌ಟ್ಟುವ.

ಮತ್ತಾಯ 23:12

ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ವಂವೊ ಅಡಿಕ್ ಬಪ್ಪ, ಆಚೇಂಗಿ ಬಗ್ಗಿತ್ ನಡ್‌ಪಂವೊ ಮಿಂಞಕ್ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:51

ಅಂವೊ ತಾಂಡ ಶಕ್ತಿಯುಳ್ಳ ಕೈಯಿಂಜ ಬಲ್ಯ ಅದ್ಬುತ ಮಾಡ್‍ಚಿ. ಹೃದಯತ್‍ಲ್ ಚೊಕ್ಕ್ ಉಳ್ಳಯಿಂಗಳ ಚಿಲ್ಲಾಪಿಲ್ಲಿ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:52

ಪ್ರಭುವಳ ಸಿಂಹಾಸನತ್ಂಜ ಅಡಿಕ್ ಕೊಂಡ್ ಬಪ್ಪಂಜಿ ಗರೀಬಂಗಳ ಕೊಡಿಕ್ ಕೊಂಡ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:12

ಯೇಸು ಅಂವೊನ ಉಂಬಕ್ ಕಾಕ್‌ನಂವೊಂಡ ಪಕ್ಕ: ನೀನ್ ನೀಡ ಮನೆಕ್ ಗದ್ದಾಳಕ್ ಕಾಕ್‍ವಕ ನೀಡ ಸ್ನೇಹಿತಂಗಳ, ನೀಡ ಅಣ್ಣತಮ್ಮಣಂಗಳ, ನೀಡ ಬೆಂದ್‌ಕಯಿಂಗಳ, ಐಶ್ವರ್ಯವಂತ ನೆರೆಮನೆಕಾರಳ ದಾರ್‌ನು ಕಾಕತೆ; ನೀನ್ ಕಾಕ್‍ಚೇಂಗಿ, ನಿನ್ನ ಸಹ ಅಯಿಂಗ ಕಾಕುವ ಅದ್ ನೀನ್ ಮಾಡ್‍ನಾಂಗೆಲ್ಲಾ ಅಯಿಂಗ ಪುನಃ ನೀಕ್ ಮಾಡ್‍ನನೆಕೆ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:14

ಫರಿಸಾಯ ಅಲ್ಲ, ಕಂದಾಯ ಎಡ್‍ಪಂವೊನೇ ದೇವಡಯಿಂಜ ಪಾಪ ಕ್ಷೆಮೆ ಕ್‍ಟ್ಟಿತ್ ನೀತಿವಂತಂವೊನಾಯಿತ್ ಅಂವೊಂಡ ಮನೆಕ್ ಪೋಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪಾಂದ್ ಎಣ್ಣ್‌ಚಿ.

ಯಾಕೋಬ 1:9

ಒರ್ ಗರೀಬನ, ದೇವ ಬಲ್ಯ ಸ್ತಾನತ್‍ಲ್ ಬೆಚ್ಚಿತುಳ್ಳಗುಂಡ್ ಅಂವೊ ಕುಶಿ ಪಡಂಡು.

ಯಾಕೋಬ 4:10

ದೇವಡ ಮಿಂಞತ್‍ಲ್ ತಾಳ್ಮೆಲ್ ಇರಿ, ಅಕ್ಕ ನಿಂಗಳ ದೇವ ಮಿಂಞಕ್ ಎಡ್‌ತ ಪೋಪ.

ಯಾಕೋಬ 4:6

ಅಂವೊ ನಂಗಕ್ ಇಂಞು ದುಂಬ ಕರುಣೆ ಕಾಟಿಯಂಡುಂಡಲ್ಲ. ಅದ್ಂಗಾಯಿತೇ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕೃಪೆ ತಪ್ಪಾಂದ್ ದೇವಡ ವಾಕ್ಯ ಎಣ್ಣಿತುಂಡ್.

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.

1 ಪೇತ್ರ 5:6

ಆನಗುಂಡ್, ತಕ್ಕ ಸಮಯತ್‍ಲ್, ದೇವ ನಿಂಗಳ ಕೊಡಿಕ್ ಕೊಂಡ್ ಪೋಪನೆಕೆ, ದೇವಡ ಶಕ್ತಿರ ಕೈಕ್ ಅಡಿಲ್ ಅಡಕತ್‍ಲ್ ಇರಿ.