ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:35 - ಕೊಡವ ಬೈಬಲ್

³⁵ ಆನಗುಂಡ್, ನಿಂಗಡ ದೇವಾಲಯ ದಾರೂ ಪೋಪಕ್ಕಾಗತ ಜಾಗ ಆಯಿಪೋಪ. ಒಡೆಯಂಡ ಪೆದತ್‍ಲ್ ಬಪ್ಪಂವೊ ಆಶೀರ್ವಾದ ಮಾಡ್‍ನಂವೋಂದ್ ನಿಂಗ ಎಣ್ಣ್‌ವಕತ್ತನೆ ನನ್ನ ನಿಂಗ ಕಾಂಬ್‍ಲೇಂದ್ ನೇರಾಯಿತ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:35 ပူးပေါင်းရင်းမြစ်များ

ಮತ್ತಾಯ 21:9

ಅಂವೊಂಡ ಸುತ್ತ್‌ಲ್ ಇಂಜ ಜನ ಇನ್ನನೆ ಕೂತ್ ಕೊಡ್‍ತತ್. ದಾವೀದಂಡ ಮೋಂವೊಂಗ್ ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಪ್ಪಂವೊಂಗ್ ಆಶೀರ್ವಾದ! ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್.

ಮತ್ತಾಯ 23:37

ಓ ಯೆರೂಸಲೇಮೇ, ಯೆರೂಸಲೇಮೇ, ಪ್ರವಾದಿಯಂಗಳ ಕೊಂದಿತ್ ದೇವ ಅಯಿಚ ಜನಳ ಕಲ್ಲ್ ಕನ್‍ಚಿತ್ ಕೊಲ್ಲುವ ಜನಳೇ, ಕೋಳಿ ತಾಂಡ ಕುಂಞಿಯಳ ರೆಕ್ಕೆರ ಒಳ್‍ಕ್ ಕೂಟಿಯಂಡ್ ಇಪ್ಪನೆಕೆ, ನೀಡ ಮಕ್ಕಳ ನಾನ್ ಸಹ ಕೂಟಿತ್ ರಕ್ಷಣೆ ಮಾಡ್‌ವಕ್ ಎಚ್ಚಕೋ ಕುರಿ ನಾಕ್ ಮನಸ್ಸ್ ಇಂಜತ್, ಆಚೇಂಗಿ ನಿಂಗಕ್ ನಾನ್ ಅನ್ನನೆ ಮಾಡ್‍ವದ್ ಕುಶಿಯಿಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:41

ಪಟ್ಟಣತ್‍ರ ಪಕ್ಕ ಬಪ್ಪಕ, ಯೆರೂಸಲೇಮ್‍ನ ನೋಟ್‌ವಕಾಪಕ, ಅದ್ಂಗಾಯಿತ್ ಯೇಸು ಮೊರಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:24

ಚೆನ್ನ ಜನಳ ಬಾಳ್‍ಕತ್ತಿಯಿಂಜ ಕೊಂದ್‌ರ್‌ವ. ಚೆನ್ನ ಜನಳ ಬೋರೆ ದೇಶಕ್ ಪುಡ್‍ಚಂಡ್ ಪೋಪ. ಯೆಹೂದ್ಯ ಅಲ್ಲತಯಿಂಗಡ ಕಾಲ ಕಡೆ ಅಪಕತ್ತೆನೆ, ಯೆರೂಸಲೇಮ್ ಅನ್ಯ ಜನತ್‍ರ ಅಳುವೆರಗುಂಡ್ ಪಾಳಾಯಿ ಪೋಪ.

ಯೋಹಾನ 12:13

ಆನಗುಂಡ್, ಅಯಿಂಗ ಎಲ್ಲಾರು ಖರ್ಜೂರ ಪಣ್ಣ್ ಮರತ್‍ರ ಕೊಂಬ್‍ನ ಎಡ್‍ತಂಡ್ ಯೇಸುನ ಕಾಂಬಕಾಯಿತ್ ಪಟ್ಟಣತ್‍ರ ಪೊರಮೆ ಪೋಚಿ. ಪಿಂಞ ಅಯಿಂಗ: ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ. ಇಸ್ರಾಯೇಲ್ ಜನತ್‍ರ ರಾಜ ಆಶೀರ್ವಾದ ಪಡ್ಂದವೋಂದ್ ಜನಯೆಲ್ಲಾ ಜೋರಾಯಿತ್ ಕೂತ್ ಕೊಡ್‍ತಂಡಿಂಜತ್.