ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:28 - ಕೊಡವ ಬೈಬಲ್

²⁸ ಅಬ್ರಹಾಮ, ಇಸಾಕ, ಯಾಕೋಬ ಪಿಂಞ ಎಲ್ಲಾ ಪ್ರವಾದಿಯಳ ದೇವಡ ರಾಜ್ಯತ್‍ಲ್ ನಿಂಗ ಕಾಂಬಿರ. ಆಚೇಂಗಿ ನಿಂಗಳ ಪೊರಮೆ ಇಟ್ಟ್‌ರ್‍ವ ಅಕ್ಕ ನಿಂಗೆಲ್ಲಾರು ಮೊರಟಂಡ್, ಪಲ್ಲ್ ಕಡಿಚಂಡ್ ನರಳಿಯಂಡ್ ಕೂತ್‌ಕೊಡ್‌ಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:28 ပူးပေါင်းရင်းမြစ်များ

ಮತ್ತಾಯ 13:42

ತಿತ್ತ್‌ರ ನರಕಕ್ ಚಾಡ್‍ವ. ಅಲ್ಲಿ ಅಯಿಂಗ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 13:50

ಅಯಿಂಗಳ ತಿತ್ತ್‌ರ ಗುಡ್ಡೆಕ್ ಚಾಡ್‍ವ. ಅಲ್ಲಿ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 22:13

ಅಕ್ಕ ರಾಜ ಅಂವೊಂಡ ಆಳ್‍ವಕ್, ಅಂವೊಂಡ ಕೈಕಾಲ್ ಕೆಟ್ಟ್‌ವಂಜಿ ಅಂವೊನ ಪೊರಮೆ ಇರ್‌ಟ್‌ಲ್ ಇಡಿ, ಅಲ್ಲಿ ಅಂವೊ ಪಲ್ಲ್‌ಕಡ್‌ಚಂಡ್ ಗೋಳಾಡಿಯಂಡ್ ಇಪ್ಪಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 24:51

ಬಂದಿತ್ ಆ ಆಳ್‍ಕ್ ಕಠಿಣವಾಯಿತ್ ಶಿಕ್ಷೆ ಕೊಡ್‌ತಿತ್, ಕಪಟಿಯಂಗ ಉಳ್ಳ ಜಾಗತ್‍ಲ್ ಅಂವೊನ ಸಹ ಇಟ್ಟ್‌ರ್‍ವ. ಅಲ್ಲಿ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 25:30

ಈ ಕೆಲಸಕ್ ಆಕತ ಆಳ್‌ನ ಪೊರಮೆ ಇರ್‌ಟ್‌ಲ್ ಇಡೀಂದ್ ಎಜಮಾನ ಎಣ್ಣ್‌ಚಿ. ಅಲ್ಲಿ ಗೋಳಾಟವು ಪಲ್ಲ್ ಕಡಿಪದು ಇಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:15

ಬಾನಕತ್ತನೆ ಪೋಪೀಂದ್ ಗೇನ ಮಾಡಿಯಂಡುಳ್ಳ ಕಪೆರ್ನೌಮ್ ಪಟ್ಟಣವೇ, ನೀನ್ ಅನ್ನನೆ ಆಪುಲೆ, ನಿಂಗ ಪಾತಾಳತ್‌ರಚ್ಚಕ್ ಅಡಿಕ್ ಪೋಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:15

ಯೇಸು ಇನ್ನನೆ ಎಣ್ಣ್‌ನ ಪಿಂಞ, ಉಂಬಕ್ ಅಳ್‌ತಿತ್ಂಜ ಒರ್ ಮನುಷ್ಯ, ದೇವಡ ರಾಜ್ಯತ್‍ಲ್ ಉಂಬಂವೊ ಆಶೀರ್ವಾದ ಪಡ್ಂದವೋಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:23

ಅಂವೊ ನರಕಕ್ ಪೋಯಿತ್ ದುಂಬ ವೇದನೆ ಅನುಬವಿಚಿಟ್ಟಂಡಿಂಜತ್. ಅಂವೊ ದೂರತ್ಂಜ ನೋಟುವಕ, ಅಬ್ರಹಾಮ ಪಿಂಞ ಅಂವೊಂಡ ಕೂಡೆ ಲಾಜರ ಇಪ್ಪದ್‍ನ ಕಂಡತ್.

2 ಥೆಸಲೊನೀಕ 1:5

ನಿಂಗ ದೇವಡ ರಾಜ್ಯಕಾಯಿತ್ ಹಿಂಸೆನ ಸಹಿಸಿಯಂಡ್ ಉಳ್ಳಾಂಗ್, ಆ ರಾಜ್ಯಕ್ ನಿಂಗ ಯೋಗ್ಯವಾಯಿತ್ ಉಳ್ಳಿರಾಂದ್ ಪಿಂಞ ದೇವ ನ್ಯಾಯವಾನ ತೀರ್ಪ್ ತಪ್ಪಾಂದ್ ಎಣ್ಣ್‌ವಕ್ ನಿಂಗಡ ಸಹಿಸುವ ಗುಣವೇ ಸಾಕ್ಷಿಯಾಯಿತ್ ಉಂಡ್.

2 ಪೇತ್ರ 1:11

ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.

ಪ್ರಕಟನೆ 22:15

ನಾಯಿಂಗ, ಮಾಟಮಂತ್ರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ಕೊಲೆಮಾಡ್‍ವಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ಪೊಟ್ಟ್ ಪರಿಯುವಕ್ ಕುಶಿಪಟ್ಟಿತ್, ಅದ್ಂಡ ಪ್ರಕಾರ ಮಾಡ್‌ವಯಿಂಗ ಎಲ್ಲಾರು ಪಟ್ಟಣತ್‍ರ ಪೊರಮೆ ಇಪ್ಪ.