ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:27 - ಕೊಡವ ಬೈಬಲ್

²⁷ ಅದ್ಂಗ್ ಅಂವೊ: ನಾಕ್ ನಿಂಗಳ ಗೊತ್ತ್‌ಲ್ಲೆ, ಪಾಪಿಯಳೇ ಎಲ್ಲಾರು ನನ್ನ ಬುಟ್ಟಿತ್ ಇಲ್ಲಿಂಜ ಪೋಯಿರೀಂದ್ ಎಣ್ಣುವಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:27 ပူးပေါင်းရင်းမြစ်များ

ಮತ್ತಾಯ 25:12

ಅಕ್ಕ ಮಂಗಲಕಾರ: ನಾಕ್ ನಿಂಗಳ ಗೊತ್ತಿಲ್ಲೇಂದ್ ನಿಂಗಕ್ ನೇರಾಯಿತು ಎಣ್ಣ್‌ವೀಂದ್ ಎಣ್ಣ್‌ಚಿ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:25

ಮನೆರ ಎಜಮಾನ ಎದ್ದಿತ್ ಪಡಿನ ಮುಚ್ಚ್‌ನ ಪಿಂಞ ಒಳ್‍ಕ್ ಪೋಪಕ್ ಕಯ್ಯುಲೆ. ನಿಂಗ ಪೊರಮೆ ನಿಂದಿತ್: ಒಡೆಯನೇ ಒಡೆಯನೇಂದ್ ಪಡಿನ ತಟ್ಟ್‌ವಿರ, ನಂಗಕ್ ಪಡಿ ತೊರ್‌ಂದ್ ಎಣ್ಣುವಿರ, ಆಚೇಂಗಿ ಮನೆರ ಎಜಮಾನ, ನಿಂಗ ದಾರ್‍ೕಂದ್ ನಾಕ್ ಗೊತ್ತ್‌ಲ್ಲೇಂದ್ ಎಣ್ಣುವ.

1 ಕೊರಿಂಥ 8:3

ಆಚೇಂಗಿ ದೇವನ ಪ್ರೀತಿ ಮಾಡ್‍ವಂವೊನ, ದೇವಕ್ ಗೊತ್ತಿಪ್ಪ.

ಗಲಾತ್ಯ 4:9

ಆಚೇಂಗಿ, ಇಕ್ಕ ನಿಂಗಕ್ ದೇವ ದಾರ್‍ೕಂದ್ ಗೊತ್ತುಂಡ್. ಇನ್ನನೆ ಎಣ್ಣ್‌ವಕ್ ಕಯ್ಯು, ನಿಂಗ ದಾರ್‍ೕಂದ್ ದೇವಕು ಗೊತ್ತುಂಡ್. ಪಿಂಞ ಎನ್ನಂಗ್ ನಿಂಗ ಬಯ್ಯಕ್ ಪೋಯಿತ್ ಪುನಃ ಶಕ್ತಿಯಿಲ್ಲತ, ಪ್ರಯೋಜನ ಇಲ್ಲತ ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಅಡಿಯಾಳಾಯಿತ್ ಇರಂಡು?

2 ತಿಮೊಥೆಯ 2:19

ಆಚೇಂಗಿಯು ದೇವಡ ವಾಕ್ಯತ್‍ರ ಅಡಿಪಾಯ ಗಟ್ಟಿಯಾಯಿತ್ ನಿಂದಿತುಂಡ್. ಅದ್‍ಲ್: ಒಡೆಯಂಗ್ ಅಂವೊಂಡ ಜನ ದಾರ್‍ೕಂದ್ ಗೊತ್ತುಂಡ್‍ೕಂದ್ ಪಿಂಞ ದೇವಡ ಪೆದತ್‍ನ ಎಣ್ಣುವ ಎಲ್ಲಾ ಜನಳು ಕೆಟ್ಟ ಕೆಲಸತ್‍ನ ಬುಟ್ಟಿತ್ ದೂರ ಆಂಡೂಂದ್ ದೇವಡ ವಾಕ್ಯತ್‍ಲ್ ಎಣ್ಣಿತುಂಡ್.