ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:25 - ಕೊಡವ ಬೈಬಲ್

²⁵ ಮನೆರ ಎಜಮಾನ ಎದ್ದಿತ್ ಪಡಿನ ಮುಚ್ಚ್‌ನ ಪಿಂಞ ಒಳ್‍ಕ್ ಪೋಪಕ್ ಕಯ್ಯುಲೆ. ನಿಂಗ ಪೊರಮೆ ನಿಂದಿತ್: ಒಡೆಯನೇ ಒಡೆಯನೇಂದ್ ಪಡಿನ ತಟ್ಟ್‌ವಿರ, ನಂಗಕ್ ಪಡಿ ತೊರ್‌ಂದ್ ಎಣ್ಣುವಿರ, ಆಚೇಂಗಿ ಮನೆರ ಎಜಮಾನ, ನಿಂಗ ದಾರ್‍ೕಂದ್ ನಾಕ್ ಗೊತ್ತ್‌ಲ್ಲೇಂದ್ ಎಣ್ಣುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:25 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 7:16

ದೇವ ನೋಹಂಗ್‌ ಆಜ್ಞೆ ಮಾಡ್‌ನನೆಕೆ ಎಲ್ಲಾ ಪ್ರಾಣಿಯ, ಒರ್‌ ಅಣ್‍ ಒರ್‌ ಪೊಣ್ಣಾಯಿತ್‌ ಒಳ್‌ಕ್‌ ಪೋಚಿ. ಪಿಂಞ ಯೆಹೋವ ಅಯಿಂಗಳೆಲ್ಲಾರ್‌ನು ಒಳ್‌ಲ್‌ ಅಯಿಚ್ಚಿತ್‌ ಪಡಿ ಇಟ್ಟತ್.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:27

ಅದ್ಂಗ್ ಅಂವೊ: ನಾಕ್ ನಿಂಗಳ ಗೊತ್ತ್‌ಲ್ಲೆ, ಪಾಪಿಯಳೇ ಎಲ್ಲಾರು ನನ್ನ ಬುಟ್ಟಿತ್ ಇಲ್ಲಿಂಜ ಪೋಯಿರೀಂದ್ ಎಣ್ಣುವಾಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:8

ಆಚೇಂಗಿ ನಿಂಗ ನೇರಾಯಿತ್ ಪಶ್ಚಾತಾಪ ಪಟ್ಟಿತ್ ಬದ್‍ಲಾಯಿತ್ ಉಳ್ಳಿರಾಂದ್, ನಿಂಗಡ ಬದ್‍ಕ್‍ಲ್ ಪಿಂಞ ಕ್ರಿಯೇಲ್ ಕಾಟಿ; ಅಬ್ರಹಾಮ ನಂಗಡ ಅಪ್ಪಾಂದ್ ನಿಂಗ ಎಣ್ಣುವಕ್ ಸುರು ಮಾಡತಿ; ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:46

ಒಡೆಯನೇ, ಒಡೆಯನೇಂದ್ ನನ್ನ ನಿಂಗ ಕಾಕ್‍ಚೇಂಗಿಯು, ನಾನ್ ಎಣ್ಣ್‌ನದ್‍ನ ನಿಂಗ ಎನ್ನಂಗ್ ಮಾಡತ ಪೋಪಿರ?

2 ಕೊರಿಂಥ 6:2

ನಾಡ ಸರಿಯಾನ ಕಾಲತ್‍ಲ್ ನೀಕ್ ಕೆಮಿ ಕೊಡ್‌ತಿತ್, ರಕ್ಷಣೆ ಮಾಡ್‌ವ ದಿವಸತ್‍ಲ್ ನಾನ್ ನೀಕ್ ಸಹಾಯ ಮಾಡಿಯೇಂದ್ ಅಂವೊ ಎಣ್ಣಿತುಂಡಲ್ಲ! ನೋಟಿ, ಇಕ್ಕಲೆ ಸರಿಯಾನ ಕಾಲ, ಇಕ್ಕಲೆ ರಕ್ಷಣೆರ ಸಮಯ.

ಇಬ್ರಿಯ 12:17

ಎನ್ನಂಗೆಣ್ಣ್‌ಚೇಂಗಿ, ಬಯ್ಯಕ್ ಅಂವೊ ಈ ಆಶೀರ್ವಾದತ್‍ನ ಪಡೆಯುವಕ್ ಕುಶಿಪಟ್ಟತೇಂಗಿಯು ಅಂವೊನ ತಿರಸ್ಕಾರ ಮಾಡಿರ್‌ತ್. ಕಣ್ಣೀರ್ ಬುಟ್ಟಿತ್ ಆ ಆಶೀರ್ವಾದತ್‍ನ ತ್‍ೕಡ್‍ಚೇಂಗಿಯು, ಪಶ್ಚಾತಾಪ ಪಡುವಕ್ ಬಟ್ಟೆ ಇಲ್ಲತೆ ಪೋಚಿ.