ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:21 - ಕೊಡವ ಬೈಬಲ್

²¹ ಅದ್ ಎನ್ನನೆ ಎಣ್ಣ್‌ಚೇಂಗಿ ಒರ್ ಪೊಣ್ಣಾಳ್, ಚೆನ್ನ ಈಸ್ಟ್‌ನ ದುಂಬ ಮುದ್ದೆಕ್ ಕಲ್‍ಕ್‍ನನೆಕೆ. ಕಡೇಕ್ ಎಲ್ಲಾ ಮುದ್ದೆಯು ಪುಳಿಯಾಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:21 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 4:18

ನೀತಿವಂತಂಯಿಂಗಡ ಬಟ್ಟೆ ಪೊಲಾಕತ್‌ರ ಬೊಳೀರನೆಕೆ ಇಪ್ಪ, ಅದ್‌ ಎನ್ನನೆ ಎಣ್ಣ್‌ಚೇಂಗಿ ಮಜ್ಜಣತ್‌ರ ಬೊಳಿ ಪ್ರಕಾಶ ಆಯಂಡೇ ಇಪ್ಪನೆಕೆ ಜಾಸ್ತಿ ಆಯಿತ್‌ ಇಪ್ಪ.

ಮತ್ತಾಯ 13:33

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಪೊಣ್ಣಾಳ್, ಮೂಂದ್ ಸೇರ್ ಪೊಡಿಕ್, ಚೆನ್ನ ಈಸ್ಟ್‌ನ ದುಂಬ ಮುದ್ದೆಕ್ ಕಲ್‍ಕ್‍ನನೆಕೆ. ಕಡೇಕ್ ಎಲ್ಲಾ ಮುದ್ದೆಯು ಪುಳಿಯಾಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:20

ಇಂಞು ನಾನ್ ಎಂತಾಂಗ್ ದೇವಡ ರಾಜ್ಯತ್‍ನ ಹೋಲಿಕೆ ಮಾಡಡ್.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

1 ಕೊರಿಂಥ 5:6

ನಿಂಗ ನಿಂಗಡ ಆತ್ಮೀಯ ವಿಷಯತ್‍ಲ್ ಆಂಗಾರತ್‍ಲ್ ಕಳಿಪದ್ ಸರಿ ಅಲ್ಲ. ಚೆನ್ನ ಈಸ್ಟ್ ಇಟ್ಟಕ ಪೂರ್ತಿ ಮುದ್ದೆ ಬೊಳಿಯುವಾಂದ್ ಎಣ್ಣುವ ತಕ್ಕ್ ನಿಂಗಕ್ ಗೊತ್ತ್‌ಲ್ಲೆಯಾ?

ಫಿಲಿಪ್ಪಿ 1:6

ದೇವ ನಿಂಗಡಲ್ಲಿ ಸುರು ಮಾಡ್‍ನ ನಲ್ಲ ಕೆಲಸತ್‍ನ ಪೂರ್ತಿ ಮಾಡ್‌ವಕಾಯಿತ್, ಕ್ರಿಸ್ತ ಯೇಸು ಪುನಃ ಈ ಬೂಮಿಕ್ ಬಪ್ಪಕತ್ತನೆ ಮಾಡಿಯಂಡಿಪ್ಪಾಂದ್ ನಾಕ್ ನಂಬಿಕೆ ಉಂಡ್.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.