ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:9 - ಕೊಡವ ಬೈಬಲ್

⁹ ಆಚೇಂಗಿ ದಾರ್ ಮನುಷ್ಯಂಗಡ ಮಿಂಞತ್ ನನ್ನ ತ್‍ಕ್ಕಾರ ಮಾಡ್‌ವ, ಅಂವೊನ ಮನುಷ್ಯಕುಮಾರ ಸಹ ದೇವದೂತಂಗಡ ಮಿಂಞತ್ ತ್‍ಕ್ಕಾರ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:9 ပူးပေါင်းရင်းမြစ်များ

ಮತ್ತಾಯ 10:33

ಆಚೇಂಗಿ ದಾರ್ ಮನುಷ್ಯಂಗಡ ಮಿಂಞತ್ ನನ್ನ ತ್‍ಕ್ಕಾರ ಮಾಡ್‌ವ, ಅಂವೊನ ನಾನು ಸಹ ಪರಲೋಕತ್‍ಲ್ ಉಳ್ಳ ದೇವಡ ಮಿಂಞತ್ ತ್‍ಕ್ಕಾರ ಮಾಡ್‌ವಿ.

ಮತ್ತಾಯ 25:12

ಅಕ್ಕ ಮಂಗಲಕಾರ: ನಾಕ್ ನಿಂಗಳ ಗೊತ್ತಿಲ್ಲೇಂದ್ ನಿಂಗಕ್ ನೇರಾಯಿತು ಎಣ್ಣ್‌ವೀಂದ್ ಎಣ್ಣ್‌ಚಿ.

ಮತ್ತಾಯ 25:31

ಮನುಷ್ಯಕುಮಾರ ತಾಂಡ ಮಹಿಮೆಲ್ ಅಂವೊಂಡ ದೂತಂಗಡ ಕೂಡೆ ಬಪ್ಪಕ, ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ತಿತ್‌ಪ್ಪ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮತ್ತಾಯ 7:23

ಅಕ್ಕ ನಾನ್ ಅಯಿಂಗಕ್, ನಿಂಗಳ ನಾಕ್ ಗೊತ್ತಿಲ್ಲೆ, ಪಾಪಿಯಳೇ ಎಲ್ಲಾರು ನನ್ನ ಬುಟ್ಟಿತ್ ಇಲ್ಲಿಂಜ ಪೋಯಿರೀಂದ್ ಎಣ್ಣ್‌ವಿ.

ಮಾರ್ಕ 8:38

ಪಾಪ ಪಿಂಞ ವ್ಯಬಿಚಾರ ದುಂಬ್‍ನ ಈ ಲೋಕತ್‍ಲ್, ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಸಹ ತಾಂಡ ಅಪ್ಪಂಡ ಮಹಿಮೆಲ್ ತಾಂಡ ಪವಿತ್ರ ದೂತಂಗಡ ಕೂಡೆ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‍ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:57

ಅದ್ಂಗ್ ಪೇತ್ರ: ಮೂಡಿ, ನಾಕ್ ಅಂವೊನ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:26

ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಅಂವೊಂಡ ಮಹಿಮೆಲ್, ಅಂವೊಂಡ ಅಪ್ಪಂಡ ಕೀರ್ತಿಲ್ ಪಿಂಞ ಅಂವೊಂಡ ಪವಿತ್ರ ದೂತಂಗಡ ಕೀರ್ತಿಲ್ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‌ಪಾಂದ್ ಎಣ್ಣ್‌ಚಿ.

2 ತಿಮೊಥೆಯ 2:12

ನಂಗ ಅಂವೊಂಡ ಕೂಡೆ ಕಷ್ಟಪಟ್ಟತೇಂಗಿ ನಂಗ ಸಹ ಅಂವೊಂಡ ಕೂಡೆ ಆಳು‍ವೆ ಮಾಡ್‌ವ, ನಂಗ ಯೇಸುನ ಗೊತ್ತ್‌ಲ್ಲೇಂದ್ ಎಣ್ಣ್‌ಚೇಂಗಿ ಅಂವೊ ಸಹ ನಂಗಳ ಗೊತ್ತ್‌ಲ್ಲೇಂದ್ ಎಣ್ಣುವ.

1 ಯೋಹಾನ 2:23

ದಾರ್ ಮೋಂವೊನ ಅಲ್ಲಗೆಳೆಯುವ ಅಂವೊ ಅಪ್ಪನ ಅಲ್ಲಗೆಳೆಯುವ. ದಾರ್ ಮೋಂವೊನ ಸ್ವೀಕಾರ ಮಾಡ್‌ವ ಅಂವೊಂಡ ಕೂಡೆ ಅಪ್ಪ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 2:28

ಇಕ್ಕ, ನಾಡ ಪ್ರೀತಿರ ಚೆರಿಯ ಮಕ್ಕಳೇ, ಅಂವೊ ಈ ಲೋಕಕ್ ಪ್ರತ್ಯಕ್ಷ ಆಪ ದಿವಸತ್‍ಲ್ ನಂಗ ಅಂವೊಂಡ ಮಿಂಞತ್‍ಲ್ ಒರ್ ಞಾಣ ಇಲ್ಲತೆ ದೈರ್ಯತ್‍ಲ್ ನಿಪ್ಪಕ್ ಅಂವೊಂಡ ಕೂಡೆ ಒಂದಾಯಿತ್ ಇರಂಡು.

ಪ್ರಕಟನೆ 3:8

ನೀಡ ಕ್ರಿಯೆ ನಾಕ್ ಗೊತ್ತುಂಡ್. ಇದಾ, ನಾನ್ ನೀಡ ಮಿಂಞತ್ ದಾರೂ ಮುಚ್ಚ್‌ವಕ್ ಕಯ್ಯತೆ ಒರ್ ತೊರ್‌ಂದ ಪಡಿನ ಬೆಚ್ಚಿತುಳ್ಳ. ಎನ್ನಂಗೆಣ್ಣ್‌ಚೇಂಗಿ, ನೀಕ್ ಚೆನ್ನಂಗೇ ಬಲ ಇಂಜತೇಂಗಿಯು, ನೀನ್ ನಾಡ ತಕ್ಕ್‌ಕ್ ಬಗ್ಗಿತ್, ನನ್ನ ಅಲ್ಲಗೆಳೆಯತೆ ಇಂಜಿಯ.