ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:52 - ಕೊಡವ ಬೈಬಲ್

⁵² ಎನ್ನನೆ ಎಣ್ಣ್‌ಚೇಂಗಿ, ಇಕ್ಕಯಿಂಜ ಒರೇ ಮನೆಲ್ ಉಳ್ಳ ಅಂಜ್ ಜನ ಬೋರೆ ಬೋರೆ ಆಯಿತ್‌ಪ್ಪ. ದಂಡ್ ಜನಕ್ ವಿರೋದವಾಯಿತ್ ಮೂಂದ್ ಜನಳು, ಮೂಂದ್ ಜನಕ್ ವಿರೋದವಾಯಿತ್ ದಂಡ್ ಜನಳು,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:52 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:51

ನಾನ್ ಈ ಬೂಮಿಲ್ ಸಮಾದಾನ ಕೊಡ್‍ಪಕಾಯಿತ್ ಬಂದಿಯೇಂದ್ ನಿಂಗ ಗೇನ ಮಾಡ್‌ವಿರ? ಇಲ್ಲೇಂದ್ ಎಣ್ಣ್‌ವಿ. ಸಮಾದಾನಕಾಯಿತ್ ಅಲ್ಲ, ಆಚೇಂಗಿ ಜನಳ ಬೋರೆ ಬೋರೆ ಮಾಡ್‌ವಕಾಯಿತ್ ನಾನ್ ಬಂದಿಯೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:53

ಅಪ್ಪಂಗ್ ವಿರೋದವಾಯಿತ್ ಮೋಂವೊ, ಮೋಂವೊಂಗ್ ವಿರೋದವಾಯಿತ್ ಅಪ್ಪ, ಅವ್ವಂಗ್ ವಿರೋದವಾಯಿತ್ ಮೋವ, ಮೋವಕ್ ವಿರೋದವಾಯಿತ್ ಅವ್ವ, ಮಾಂವಿಕ್ ವಿರೋದವಾಯಿತ್ ಮೈಮ, ಮೈಮಕ್ ವಿರೋದವಾಯಿತ್ ಮಾಂವಿ ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಯೋಹಾನ 9:16

ಅಕ್ಕ ಚೆನ್ನ ಫರಿಸಾಯಂಗ: ಆ ಮನುಷ್ಯ ಸಬ್ಬತ್ ದಿವಸತ್‍ರ ಆಜ್ಞೆನ ಪಾ‌ಲನೆ ಮಾಡತೆಗುಂಡ್ ಅಂವೊ ದೇವಡಯಿಂಜ ಬಂದಂವೊನಲ್ಲಾಂದ್ ಎಣ್ಣ್‌ಚಿ. ಇಂಞು ಚೆನ್ನ ಜನ: ಪಾಪಿಯಾಯಿತುಳ್ಳ ಒಬ್ಬ ಈ ತರ ಅದ್ಬುತ ಕಾರ್ಯತ್‍ನ ಎನ್ನನೆ ಮಾಡ್‌ವಾಂದ್ ಕ್‍ೕಟತ್. ಇನ್ನನೆ ಅಯಿಂಗ ದಂಡ್ ಗುಂಪಾಯಿತ್ ಆಚಿ.

ಅಪೊಸ್ತಲ 28:24

ಅಂವೊ ಎಣ್ಣ್‌ನ ತಕ್ಕ್‌ನ ಚೆನ್ನ ಜನ ನಂಬ್‍ಚಿ; ಇಂಞು ಚೆನ್ನ ಜನ ನಂಬಿತ್‌ಲ್ಲೆ.