ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:47 - ಕೊಡವ ಬೈಬಲ್

⁴⁷ ತಾಂಡ ಒಡೆಯಂಡ ಮನಸ್ಸ್ ಗೊತ್ತ್ಂಜಿತು, ಅದ್‍ನ ಮಾಡ್‌ವಕ್ ಕುಶಿಯಿಲ್ಲತೆ, ತಾಂಡ ಜವಾಬ್ದಾರಿನ ಜಾಗ್ರತೆಲ್ ಮಾಡತೆ ಪೋನ ಆಳ್‍ಕ್ ಕಠಿಣ ದಂಡನೆ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:47 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:41

ಅಕ್ಕ ಪೇತ್ರ ಯೇಸುನ ನೋಟಿತ್: ಒಡೆಯ, ಈ ಕಥೇರ ರೂಪತ್‍ನ ನಿಂಗ ನಂಗಕ್ ಮಾತ್ರ ಎಣ್ಣಿಯಂಡುಳ್ಳಿರ ಅಥವ ಎಲ್ಲಾರ್‌ಕು ಎಣ್ಣಿಯಂಡುಳ್ಳದಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:46

ಅಕ್ಕ ಆ ಆಳ್‍ರ ಎಜಮಾನ ಗೇನ ಮಾಡತ ದಿವಸ ಗೊತ್ತಿಲ್ಲತ ಗಳಿಗೆಲ್ ಬಂದ್‍ರ್‍ವ. ಬಂದಿತ್ ಆ ಆಳ್‍ಕ್ ಕಠಿಣವಾಯಿತ್ ಶಿಕ್ಷೆ ಕೊಡ್‌ತಿತ್, ನಂಬಿಕಸ್ತಂಗಳಾಯಿತಿಲ್ಲತಯಿಂಗ ಉಳ್ಳ ಜಾಗತ್‍ಲ್ ಅಂವೊನ ಸಹ ಇಟ್ಟ್‌ರ್‍ವ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 9:41

ಯೇಸು ಅಯಿಂಗಕ್: ನಿಂಗ ಕುರ್‌ಡಂಗಳಾಯಿತ್ ಇಂಜತೇಂಗಿ ನಿಂಗಡಲ್ಲಿ ಪಾಪ ಇಪ್ಪುಲೆ; ಆಚೇಂಗಿ, ನಿಂಗಕ್ ಕಣ್ಣ್ ಕಾಂಬಾಂದ್ ನಿಂಗ ಎಣ್ಣಿಯಂಡುಳ್ಳಗುಂಡ್, ನಿಂಗಡ ಪಾಪ ಎಕ್ಕಾಲು ಇಪ್ಪ.

ಅಪೊಸ್ತಲ 17:30

ಜನಕ್ ನೇರಾಯಿತು ಗೊತ್ತಿಲ್ಲತ ಕಾಲತ್‍ಲ್ ಇನ್ನನೆ ಮಾಡ್‌ನಾನ ದೇವ ಲೆಕ್ಕ ಬೆಚ್ಚಿತ್‌ಲ್ಲೆ. ಆಚೇಂಗಿ ಇಕ್ಕ, ಎಲ್ಲಾ ಜಾಗತು, ಎಲ್ಲಾ ಜನಳು ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರ್‌ಗಂಡೂಂದ್ ಹುಕುಮ್ ಕೊಡ್‍ತಂಡುಂಡ್.

ಯಾಕೋಬ 4:17

ಅನ್ನನೆ ಆಚೇಂಗಿ, ಒಬ್ಬಂಗ್ ನಲ್ಲದ್ ಮಾಡ್‌ವಕ್ ಗೊತ್ತ್ಂಜತೇಂಗಿಯು ಅಂವೊ ಮಾಡತೆ ಪೋಚೇಂಗಿ, ಅದ್ ಅಂವೊ ಪಾಪ ಮಾಡ್‍ನನೆಕೆ.