ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:37 - ಕೊಡವ ಬೈಬಲ್

³⁷ ಅನ್ನನೆ ಅಂವೊ ಬಪ್ಪಕ, ಪಾರಾಕಾತಂಡ್ ತಯಾರಾಯಿತುಳ್ಳಯಿಂಗಕ್ ವಿಶೇಷ ದಯೆ ಕಾಟುವ. ಅಂವೊನೇ ಅಯಿಂಗಳ ಅಳ್‍ಪ್‍ಚಿಟ್ಟಿತ್, ಊಟೋಪಚಾರ ಮಾಡ್‌ವಕ್ ಉಳ್ಳ ಬಟ್ಟೆ ಇಟ್ಟಂಡ್, ಅಯಿಂಗ ಅಳ್‌ತಿತ್ ಉಂಬಕ, ಅಂವೊನೇ ಅಯಿಂಗಕ್ ಸೇವೆ ಮಾಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:37 ပူးပေါင်းရင်းမြစ်များ

ಮತ್ತಾಯ 24:42

ನಿಂಗಡ ಒಡೆಯ ಎಕ್ಕ ಬಪ್ಪಾಂದ್ ಗೊತ್ತಿಲ್ಲತಗುಂಡ್, ಎಚ್ಚರವಾಯಿತಿರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:36

ಅನ್ನನೆ, ಮನೆರ ಎಜಮಾನ ಮಂಗಲತ್‍ರ ಮನೆಕ್ ಪೋಯಿತ್ ಬಯ್ಯಕ್ ಬಂದಿತ್ ಪಡಿನ ತಟ್ಟುವಕ, ಪಡಿನ ಬೆರಿಯ ತೊರ್‌ಪಕಾಯಿತ್ ಎನ್ನನೆ ಆಳ್‍ಕಾರಂಗ ಪಾರಕಾತಂಡ್ ಇಪ್ಪ, ಅನ್ನನೆ ನಿಂಗಳು ತಯಾರಾಯಿತಿರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:43

ಎಜಮಾನ ಬಪ್ಪಕ ಏದ್ ಒರ್ ಆಳ್ ಇನ್ನನೆ ಮಾಡ್‌ವಾನ ಅಂವೊ ಕಾಂಬ, ಆ ಆಳ್‍ಕಾರನೇ ಆಶೀರ್ವಾದ ಪಡ್ಂದಂವೊ. ಅಂವೊನ ಆ ಎಜಮಾನ ತಾಂಡ ಎಲ್ಲಾ ಆಸ್ತಿಕೂ ಜವಾಬ್ದಾರನಾಯಿತ್ ನೇಮಿಚಿಡ್‍ವಾಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:8

ಇಲ್ಲೆ, ನಿಂಗ ಅನ್ನನೆ ಎಣ್ಣುಲೆ! ಅದ್ಂಡ ಬದ್‍ಲ್, ನೀನ್ ನಾಕ್ ಅಡಿಗೆ ಮಾಡಿತ್, ನಾಕ್ ಉಪಚಾರ ಮಾಡ್, ನಾನ್ ಉಂಡಿತ್ ಕುಡಿಚಿತಾನ ಪಿಂಞ ನೀನ್ ಉಂಡಿತ್ ಕುಡಿಕಲೂಂದ್ ಎಣ್ಣುವಿರಲ್ಲ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:36

ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:27

ದಾರ್ ಬಲ್ಯಂವೊ? ಉಂಬಕ್ ಅಳ್‍ಪಂವೊನಾ ಅಥವ ಸೇವ ಮಾಡ್‍ವಂವೊನಾ? ಉಂಬಕ್ ಅಳ್‍ಪಂವೊ ತಾನೆ! ಅನ್ನನೆ ಇಂಜಿತು ನಾನ್ ನಿಂಗಡ ಮದ್ಯತ್‍ಲ್ ಪಣಿಕಾರನಾಯಿತ್ ಉಂಡಲ್ಲ!

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

1 ಕೊರಿಂಥ 2:9

ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ: ದೇವ, ಅಂವೊಂಡ ಮೇಲೆ ಪ್ರೀತಿ ಉಳ್ಳಯಿಂಗಕ್ ತಯಾರ್ ಮಾಡಿತುಳ್ಳದ್‍ನ, ಒರ್ ಕಣ್ಣ್ ಕಂಡಿತು ಇಲ್ಲೆ, ಕೆಮಿ ಕ್‍ೕಟಿತು ಇಲ್ಲೆ, ಅದ್ಂಡ ಗೇನ ಮನುಷ್ಯಂಡ ಹೃದಯತ್‍ಲ್ ಪುಟ್ಟಿತು ಇಲ್ಲೆ.

ಫಿಲಿಪ್ಪಿ 1:21

ನಾನ್ ಬದ್‍ಕಿಯಂಡುಳ್ಳೇಂಗಿ ಅದ್ ಕ್ರಿಸ್ತಂಗಾಯಿತ್, ಚತ್ತತೇಂಗಿ ಇಂಞು ನಾಕ್ ನಲ್ಲದ್.

ಫಿಲಿಪ್ಪಿ 1:23

ಎನ್ನಂಗೆಣ್ಣ್‌ಚೇಂಗಿ ಈ ದಂಡ್ ಆಸೆರ ಮದ್ಯತ್‍ಲ್ ನಾನ್ ಚಿಕ್ಕಿಪೋಯಿತುಳ್ಳ.

2 ಪೇತ್ರ 1:11

ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.

ಪ್ರಕಟನೆ 14:13

ಪಿಂಞ ಪರಲೋಕತ್ಂಜ ಬಪ್ಪ ಒರ್ ವಾಣಿ ನಾಕ್ ಕ್‍ೕಟತ್; ಅದ್: ಒಡೆಯಂಡಲ್ಲಿ ಚಾವಯಿಂಗ ಇಕ್ಕಯಿಂಜ ಆಶೀರ್ವಾದ ಪಡ್ಂದಯಿಂಗಾಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ; ಅಯಿಂಗ ಅಯಿಂಗಡ ಪ್ರಯತ್ನತ್‌ನೆಲ್ಲ ಬುಟ್ಟಿತ್, ಆರಾಮ್ ಮಾಡ್‌ವ; ಅಯಿಂಗಡ ಕ್ರಿಯೆ ಅಯಿಂಗಡ ಕೂಡೆ ಪೋಪ; ಪವಿತ್ರಾತ್ಮ ಸಹ ಅಕ್ಕೂಂದ್ ಎಣ್ಣಿಯಂಡುಂಡ್.

ಪ್ರಕಟನೆ 16:15

ನೋಟಿ! ನಾನ್ ಕಳ್ಳ ಬಪ್ಪನೆಕೆ ಬಪ್ಪಿ. ಞಾಣ ಆಪನೆಕೆ, ಬೆತ್ತಲೆಯಾಯಿತ್ ಇಕ್ಕತೆ, ಎಚ್ಚರತ್‍ಲ್ ಇಂಜಂಡ್ ತಾಂಡ ಬಟ್ಟೇನ ಕಾಪಾಡ್‌ವಂವೊ ಆಶೀರ್ವಾದ ಪಡ್ಂದಂವೊ.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.

ಪ್ರಕಟನೆ 7:17

ಸಿಂಹಾಸನತ್‍ರ ಮದ್ಯತ್‍ಲ್ ಉಳ್ಳ ಕೊರಿಕುಟ್ಟಯಾನಂವೊನೇ ಈಂಗಳ ಚಾಕಿತ್, ಅಯಿಂಗಳ ಜೀವತ್‍ರ ಜಲ ಉಕ್ಕಿ ಬಪ್ಪ ಜಾಗಕ್ ಕಾಕಿಯಂಡ್ ಪೋಪ; ದೇವ ತಾನೆ ಅಯಿಂಗಡ ಕಣ್ಣ್‌ಂಜ ಕಣ್ಣೀರ್‌ನೆಲ್ಲಾ ತ್‍ೕಟ್‍ವಾಂದ್ ಎಣ್ಣ್‌ಚಿ.