ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:28 - ಕೊಡವ ಬೈಬಲ್

²⁸ ಇನ್ನನೆ ಇಪ್ಪಕ, ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟುವ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:28 ပူးပေါင်းရင်းမြစ်များ

ಮತ್ತಾಯ 14:31

ಯೇಸು ಒಡನೆ ಕೈಯಿನ ನೀಟುವಂಜಿ ಅಂವೊನ ಪುಡ್‌ಚಿತ್: ಓ ಅಲ್ಪ ನಂಬಿಕೆ ಉಳ್ಳಂವೊನೇ, ಎನ್ನಂಗ್ ನಾಡ ಮೇಲೆ ಅನುಮಾನ ಪಟ್ಟಿಯಾಂದ್ ಕ್‍ೕಟತ್.

ಮತ್ತಾಯ 16:8

ಯೇಸುಕ್ ಇದ್ ಗೊತ್ತಾಯಿ ಪೋಚಿ. ಅಂವೊ ಅಯಿಂಗಳ ನೋಟಿತ್: ಅಪನಂಬಿಕೆಕಾರಳೇ, ನಿಂಗ ಎನ್ನಂಗ್ ಒಟ್ಟಿ ಎಡ್‌ತ ಬರತಾಂಗ್ ತಕ್ಕ್ ಪರಿವಿರ?

ಮತ್ತಾಯ 17:17

ಯೇಸು ಅಲ್ಲಿ ಕೂಡಿತ್ಂಜ ಜನಳ ನೋಟಿತ್: ನಂಬಿಕೆ ಇಲ್ಲತ ಮೋಸವಾನ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮತ್ತಾಯ 17:20

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 6:30

ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟ್‌ವ?

ಮತ್ತಾಯ 8:26

ಅದ್ಂಗ್ ಯೇಸು: ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಎನ್ನಂಗ್ ನಿಂಗಕ್ ಅಚ್ಚಕ್ ಪೋಡಿ ಆಚೀಂದ್ ಕ್‍ೕಟಿತ್, ಏವಂಜಿ, ಗಾಳಿಕೂ ಅಲೆಕೂ ಮುಂಡತ್‌ಪ್ಪಕ್ ಆಜ್ಞೆ ಮಾಡ್‍ಚಿ. ಬಯ್ಯ ದುಂಬ ಶಾಂತವಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:25

ಯೇಸು ಅಯಿಂಗಳ ನೋಟಿತ್: ನಿಂಗಡ ನಂಬಿಕೆ ಎಲ್ಲೀಂದ್ ಕ್‍ೕಟತ್. ಅಯಿಂಗ ಬೊತ್ತಿತ್, ಆಶ್ಚರ್ಯ ಆಯಿತ್: ಗಾಳಿಯು ಅಲೆಯು ಇಂವೊಂಗ್ ಬಗ್ಗಿತ್ ನಡ್‍ಂದಂಡುಂಡಲ್ಲ, ಈ ಮನುಷ್ಯ ದಾರಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡಿಂಜ‌ತ್.

ಇಬ್ರಿಯ 6:7

ಎನ್ನನೆ ಎಣ್ಣ್‌ಚೇಂಗಿ, ನೆಲತ್‌ಲ್ ಅಕ್ಕಕ್ಕ ಮಳೆ ಪೊಜ್ಜಂಡಿಪ್ಪಕ, ಆ ಮಣ್ಣ್ ಮಳೆ ನೀರ್‌ನ ಕುಡಿಚಿತ್, ಆ ನೆಲತ್‌ಲ್ ಎತ್ತ್ ಬಿತ್ತ್ ಕೆಲಸ ಮಾಡ್‌ವಯಿಂಗಕ್ ಬೋಂಡಿಯಾನ ಬೊಳೆನೆ ಕೊಡ್‍ಪದಾಚೇಂಗಿ, ಅದ್‍ನ ದೇವ ಆಶೀರ್ವಾದ ಮಾಡ್‌ವ.

1 ಪೇತ್ರ 1:24

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಮನುಷ್ಯಂಗಳು ಪಿಲ್ಲ್‌ರನೆಕೆ, ಅಯಿಂಗಡ ಮಹಿಮೆಯೆಲ್ಲ ಕಾಡ್‍ಲ್ ಉಳ್ಳ ಪೂವ್‍ರನೆಕೆ; ಪಿಲ್ಲ್ ಬಾಡಿ ಪೋಪ, ಪೂ ಬುದ್ದ್ ಪೋಪ.