ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:20 - ಕೊಡವ ಬೈಬಲ್

²⁰ ಆಚೇಂಗಿ ದೇವ ಅಂವೊಂಗ್: ಮುಠಾಳನೇ! ಈ ಬೈಟ್ ನೀನ್ ಚತ್ತ್ ಪೋಪಿಯ. ಅಕ್ಕ ನೀ ಕೂಟಿ ಬೆಚ್ಚದೆಲ್ಲ ದಾರ್‌ಕ್ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:20 ပူးပေါင်းရင်းမြစ်များ

ಎಸ್ತೆರ್‌ 5:11

ಹಾಮಾನ ಅಯಿಂಗಡ ಮಿಂಞತ್‌ ಅಂವೊಂಡ ಐಶ್ವರ್ಯತ್‌ರ ವಿಷಯತ್, ಅಂವೊಂಗ್‌ ಉಳ್ಳ ಅನೇಕ ಕ್‌ಣ್ಣ ಮಕ್ಕಡ ವಿಷಯತ್, ರಾಜ ಅಂವೊನ ಗೌರವ ಪಡ್‌ತ್‌ನ ವಿಷಯತ್‌ ಪಿಂಞ ರಾಜ ಎನ್ನನೆ ಅಂವೊಂಗ್‌ ಎಲ್ಲಾ ಪ್ರಬುವಯಿಂಗ ಪಿಂಞ ಸೇವಕಂಗಕಿಂಜ ಬಲ್ಯ ಸ್ಥಾನತ್‌ನ ಕೊಡ್‌ತ ವಿಷಯತ್‌ ಎಣ್ಣಿತ್‌ ವಿವರಿಚಿಟ್ಟಂಡಿಂಜತ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 10:2

ಅನ್ಯಾಯತ್‌ರ ಬಟ್ಟೆಲ್‌ ಪಡ್‌ಂದ ಐಶ್ವರ್ಯ ಒಂದಂಗು ಪ್ರಯೋಜನ ಆಪುಲೆ. ಆಚೇಂಗಿ ನೀತಿರ ಬದ್‌ಕ್‌ ಚಾವ್ಯಿಂಜ ನಿನ್ನ ಕಾಪಾಡುವ.

ಜ್ಞಾನತ್‌ರ ಪಡಿಮ 11:4

ದೇವಡ ಚೆಡಿ ಬಪ್ಪಕ ನೀಡ ಐಶ್ವರ್ಯ ಒಂದಂಗು ಪ್ರಯೋಜನ ಆಪುಲೆ, ಆಚೇಂಗಿ ನೀತಿರ ಬದ್‌ಕ್‌ ಚಾವ್ಯಿಂಜ ಕಾಪಾಡುವ.

ಜ್ಞಾನತ್‌ರ ಪಡಿಮ 13:7

ಒಂದು ಇಲ್ಲತಂವೊ ತನ್ನ ಐಶ್ವರ್ಯವಂತಂವೊನಾಯಿತ್‌ ಕಾಂಬ್‌ಚಿಡುವಂವೊನು ಉಂಡ್; ದುಂಬ ಐಶ್ವರ್ಯವ ಉಳ್ಳಂವೊ ತನ್ನ ಗರಿಬಂಡನೆಕೆ ಕಾಂಬ್‌ಚಿಡುವಂವೊನು ಉಂಡ್.

ಜ್ಞಾನತ್‌ರ ಪಡಿಮ 27:1

ನಾಳೆರ ವಿಷಯತ್‌ ಕೊಚ್ಚಿಯೊತೆ. ಒರ್‌ ದಿನಕು ಎಂತ ಆಪ ಎಣ್ಣಿಯಂಡ್‌ ನೀಕ್‌ ಗೊತ್ತ್‌ಲೆಲ್ಲಾ.

ಜ್ಞಾನತ್‌ರ ಪಡಿಮ 28:8

ಅನ್ಯಾಯ ಬಡ್ಡಿ ಪಿಂಞ ಆದಾಯತ್‌ಂಜ ತಾಂಡ ಆಸ್ತಿನ ಜಾಸ್ತಿ ಮಾಡುವಂವೊ, ಗರೀಬಂಗಕ್‌ ದಯೆ ಕಾಟ್‌ವವೊಂಗಾಯಿತ್‌ ಅದ್‌ನ ಕೂಟಿತ್‌ ಬೆಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:40

ಮುಠಾಳಂಗಳೇ! ಪೊರ ಅಂಷತ್‍ನ ಮಾಡ್‍ನ ದೇವನೇ ಒಳ ಅಂಷತನೂ ಮಾಡಿತಲ್ಲ?

1 ಥೆಸಲೊನೀಕ 5:3

ಜನ ಸಮಾದಾನ ಉಂಡ್‍ೕಂದು, ಒರ್ ತೊಂದರೆಯು ಇಲ್ಲೇಂದು ಎಣ್ಣುವಕ, ಒರ್ ಪೊಣ್ಣಾಳ್‌ಕ್ ಪೆರುವ ನೊಂಬಲ ಎನ್ನನೆ ಒಮ್ಮಕೆ ಬಪ್ಪ, ಅನ್ನನೆ ಅಯಿಂಗಡ ಮೇಲೆ ನಾಶ ಬಪ್ಪ; ಅಕ್ಕ ದಾರೂ ತಪ್ಪ್‌ಚಿಡ್‌ವಕ್ ಕಯ್ಯುಲೆ.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

1 ತಿಮೊಥೆಯ 6:7

ನಂಗ ಈ ಲೋಕಕ್ ಬಪ್ಪಕ ಒಂದು ಎಡ್‍ತಂಡ್ ಬಂದಿತ್‌ಲ್ಲೆ ಅನ್ನನೆ ನಂಗ ಇಲ್ಲಿಂಜ ಪೋಪಕ ಒಂದು ಎಡ್‍ತಂಡ್ ಪೋಪ್‌ಲೇಂದ್ ಎಣ್ಣ್‌ವದ್ ನೇರ್.

ಯಾಕೋಬ 4:14

ನಾಳೆ ಎಂತ ಆಪಾಂದ್ ನಿಂಗಕ್ ಗೊತ್ತ್‌ಲ್ಲೆ ಅಲ್ಲ? ನಿಂಗಡ ಬದ್‍ಕ್ ಎಂತ? ಪೊಲಾಕತ್‍ರ ಮಂಜ್ ಚೆನ್ನ ಗಳಿಗೆಲ್ ಮಾಯ ಆಯಿತ್ ಕಾಂಗತೆ ಪೋಪನೆಕೆ ನಿಂಗ ಉಳ್ಳಿರ.