ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:17 - ಕೊಡವ ಬೈಬಲ್

¹⁷ ಅಕ್ಕ ಅಂವೊ: ನಾನ್ ಎಂತ ಮಾಡಡ್? ನಾಕ್ ಬೊಳ್ಂದ ಎಲ್ಲಾ ಬೊಳೆನ ಬೆಪ್ಪಕ್ ಜಾಗ ಇಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:17 ပူးပေါင်းရင်းမြစ်များ

ಮತ್ತಾಯ 16:7

ಇದ್‍ನ ಶಿಷ್ಯಂಗ ಕ್‍ೕಪಕ: ನಂಗ ಒಟ್ಟಿ ಎಡ್‌ತ ಬರತಾಂಗ್ ಯೇಸು ಇನ್ನನೆ ತಕ್ಕ್ ಪರ್ಂದಿಯೆ ಎಣ್ಣಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಮತ್ತಾಯ 5:42

ನೀಡ ಪಕ್ಕ ಉಳ್ಳದ್‍ನ ಬೋಂಡೂಂದ್ ಕ್‍ೕಪಂವೊಂಗ್ ಕೊಡ್, ಸಾಲ ಕ್‍ೕಪಯಿಂಗಕ್ ಒಂದು ಗೇನ ಮಾಡತೆ ಸಾಲ ಕೊಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:25

ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ: ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:41

ನಿಂಗ ನಿಂಗಡದ್‍ೕಂದ್ ಗೇನಮಾಡಿಯಂಡುಳ್ಳದ್‍ನ ಗರೀಬಂಗಕ್ ಕೊಡಿ, ಅಕ್ಕ ಎಲ್ಲಾ ನಿಂಗಕ್ ಶುದ್ದ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:16

ಯೇಸು ಅಲ್ಲಿಯತ್‍ರ ಜನಕ್ ಒರ್ ಕಥೇರ ರೂಪತ್‍ನ ಎಣ್ಣಿ ಕೊಡ್‍ತತ್. ಐಶ್ವರ್ಯ ಉಳ್ಳ ಒರ್ ಮನುಷ್ಯಂಡ ಬೂಮಿಲ್ ಚಾಯಿ ಬೊಳೆ ಬೊಳ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:18

ಇಕ್ಕ ಒಂದ್ ಮಾಡ್‌ವಿ, ನಾನ್ ನಾಡ ಈ ಚೆರಿಯ ಪತ್ತಾಯತ್‌ನ ಒಡ್‌ಪಂಜಿ ಬಲ್ಯೊರ್ ಪತ್ತಾಯ ಕೆಟ್ಟ್‌ವಿ, ಅಲ್ಲಿ ನಾಡ ಬೊಳೆರ ಕಾಳ್‌ನ ಪಿಂಞ ನಾಡ ಎಲ್ಲಾ ವಸ್ತುನ ಬೆಪ್ಪಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:22

ಪಿಂಞ ಯೇಸು ಅಂವೊಂಡ ಶಿಷ್ಯಂಗಳ ನೋಟಿತ್: ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಉಡ್‌ಪಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:29

ಆನಗುಂಡ್, ಎಂತ ತಿಂಬ, ಎಂತ ಕುಡಿಪಾಂದ್ ಗೇನ ಮಾಡತಿ. ನಿಂಗ ಒಂದಂಗೂ ದುಃಖ ಪಡತಿ, ದೇವಡ ಮೇಲೆ ನಂಬಿಕೆ ಉಳ್ಳಯಿಂಗಳಾಯಿತಿರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:33

ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್‍ನ ಮಾರಿತ್, ಬಂದ ಪಣತ್‍ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್‍ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್‍ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್‍ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:3

ಆ ಅದಿಕಾರಿ: ನಾನ್ ಇಂಞು ಮಿಂಞಕ್ ಎಂತ ಮಾಡಡ್. ನನ್ನ ಈ ಕೆಲಸತ್ಂಜ ಎಡ್‌ತ್‌ರ್‌ವ. ನಾಕ್ ಕುಂಡ್ ಕಳ್‌ಪ್‌ಕ್ ಬಲ ಇಲ್ಲೆ, ಬೋಡ್‍ವಕ್ ನಾಕ್ ಞಾಣ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:9

ಆನಗುಂಡ್ ನಾನ್ ನಿಂಗಕ್ ಎಣ್ಣ್‌ವಿ: ಈ ಲೋಕತ್‍ಲ್ ಉಳ್ಳ ಪಾಳಾಯಿ ಪೋಪ ನಿಂಗಡ ದುಡ್ಡ್ ಪಿಂಞ ಐಶ್ವರ್ಯತ್‍ರ ಮೂಲಕ ಬೋರೆಯಿಂಗಕ್ ಪ್ರಯೋಜನ ಆಪನೆಕೆ ಮಾಡಿತ್, ಸ್ನೇಹಿತಂಗಳ ಕೂಟಿಯೊಳಿ. ಈ ಲೋಕತ್‍ರ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ಅಯಿಂಗ ನಿಂಗಳ ನಿತ್ಯ ವಾಸ ಮಾಡ್‍ವಕ್ಕುಳ್ಳ ಜಾಗತ್‍ಲ್ ಸ್ವೀಕಾರ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:22

ಯೇಸು ಇದ್‍ನೆಲ್ಲ ಕ್‍ೕಪದು: ಇಂಞು ಒಂದ್ ನೀನ್ ಮಾಡ್‌ವಕುಂಡ್. ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:17

ಅಂವೊಂಡ ಎಜಮಾನ ಅಂವೊನ ನೋಟಿತ್: ನಲ್ಲದ್ ಆಚಿ, ನೀನ್ ನಂಬಿಕೆಯುಳ್ಳ ಆಳ್, ಚೆರಿಯ ವಿಷಯತ್‍ಲ್ ನೀನ್ ನಂಬಿಕಸ್ತನಾಯಿತ್ ಇಂಜಗುಂಡ್, ನಿನ್ನ ಪತ್ತ್ ಪಟ್ಟಣಕ್ ಅದಿಕಾರಿಯಾಯಿತ್ ಮಾಡ್‌ವೀಂದ್ ರಾಜ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:11

ಅಯಿಂಗಕ್ ಅಂವೊ: ದಾರ್‌ಕ್ ದಂಡ್ ಬಟ್ಟೆ ಉಂಡೋ ಅಯಿಂಗ ಇಲ್ಲತಂವೊಂಗ್ ಒಂದ್ ಕೊಡುಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 16:30

ಅಲ್ಲಿಂಜ ಅಯಿಂಗಳ ಅಂವೊ ಪೊರಮೆ ಕಾಕಿಯಂಡ್ ಬಂದಿತ್: ಸ್ವಾಮಿಯಳೇ, ನಂಗಕ್ ರಕ್ಷಣೆ ಕ್‍ಟ್ಟ್‌ವಕ್ ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ಅಪೊಸ್ತಲ 2:37

ಇದ್‍ನೆಲ್ಲ ಕ್‍ೕಟಂಡಿಪ್ಪಕ, ಅಲ್ಲಿ ಇಂಜ ಜನಕ್, ಅಯಿಂಗಡ ಹೃದಯತ್‍ಲ್ ಕುತ್ತ್‌ವನೆಕೆ ಆಚಿ. ಅಕ್ಕ ಅಯಿಂಗ ಪೇತ್ರನ ಪಿಂಞ ಬಾಕಿಯುಳ್ಳ ಅಪೊಸ್ತಲಂಗಕ್, ಅಣ್ಣತಮ್ಮಣಂಗಳೇ, ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

1 ಯೋಹಾನ 3:16

ಕ್ರಿಸ್ತ ನಂಗಕಾಯಿತ್ ತಾಂಡ ಜೀವತ್‍ನ ತಂದಗುಂಡ್, ಪ್ರೀತಿ ಎಣ್ಣುವದ್ ಎಂತದ್‍ೕಂದ್ ನಂಗಕೆಲ್ಲ ಗೊತ್ತಾಚಿ. ಆನಗುಂಡ್ ನಂಗಳು ಸಹ ನಂಗಡ ಅಣ್ಣತಮ್ಮಣಂಗಕಾಯಿತ್ ಜೀವತ್‍ನ ಕೊಡ್‍ಕಂಡು!