ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:51 - ಕೊಡವ ಬೈಬಲ್

⁵¹ ಕೊಲೆಯಾನ ಹಾಬೇಲಂಡ ಚೋರೆಯಿಂಜ ಪುಡ್‌ಚಿತ್, ಬಲಿಪೀಠಕು ದೇವಾಲಯಕು ಮದ್ಯತ್‍ಲ್ ಕೊಲೆಯಾನ ಜಕರಿಯಂಡ ಚೋರೆಕತ್ತನೆ ಆನ ಪ್ರವಾದಿಯಂಗಳಾನ ಎಲ್ಲಾ ಕೊಲೆಕ್ ಕಂಡಿತವಾಯಿತ್ ನಿಂಗಕ್ ಶಿಕ್ಷೆ ಕ್‍ಟ್ಟುವ, ನೇರಾಯಿತು ಈ ಸಂತಾನತ್‍ರಯಿಂಗಳ ನ್ಯಾಯ ಕ್‍ೕಪಾಂದ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:51 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:2

ಅಲ್ಲಿಂಜ ಅವ ಅಂವೊಂಡ ತಮ್ಮಣನಾನ ಹೇಬೆಲನ ಪೆತ್ತತ್. ಹೇಬೆಲ ಕೊರಿಕಾಪಂವೊನಾಚಿ. ಕಾಯಿನ ವ್ಯವಸಾಯ ಮಾಡ್‌ವಂವೊನಾಚಿ.

ಮತ್ತಾಯ 23:35

ನೀತಿವಂತಂವೊನಾನ ಕೊಲೆಯಾನ ಹಾಬೇಲಂಡ ಚೋರೆಯಿಂಜ ಪುಡ್‌ಚಿತ್, ಬಲಿ ಕೊಡ್‍ಪ ಜಾಗಕು ದೇವಾಲಯಕು ಮದ್ಯತ್‍ಲ್ ಕೊಲೆಯಾನ ಬರಕೀಯಂಡ ಮೋಂವೊನಾನ ಜಕರಿಯಂಡ ಚೋರೆಕತ್ತನೆ ಈ ಲೋಕತ್‍ರ ಮೇಲೆ ಚೆಲ್ಲ್‌ನ ಎಲ್ಲಾ ನೀತಿವಂತಯಿಂಗಡ ಚೋರೆಯಿಂಜ ಬಪ್ಪಂತ ಅಪರಾದ ನಿಂಗಡ ಮೇಲೆ ಬೂವ.

ಇಬ್ರಿಯ 11:4

ನಂಬಿಕೇರ ಮೂಲಕ, ಹೇಬೆಲ ತಾಂಡ ಅಣ್ಣ ಕಾಯಿನ ಮಾಡ್‍ನ ಬಲಿಕಿಂಜ ವಿಶೇಷವಾನ ಬಿಲೀನ ದೇವಕ್ ಅರ್ಪಣೆ ಮಾಡ್‍ಚಿ; ಅದ್ಂಗಾಯಿತ್ ಅಂವೊಂಗ್ ನೀತಿವಂತಂವೋಂದ್ ಸಾಕ್ಷಿ ಕ್‍ಟ್ಟ್‌ಚಿ; ಹೇಬೆಲಂಡ ಕಾಣಿಕೆರ ವಿಷಯತ್ ದೇವ ಸಹ ಸಾಕ್ಷಿ ಕೊಡ್‍ತತ್, ಅಂವೊ ಚತ್ತ್ ಪೋಚೇಂಗಿಯು ಇಂದ್ ಸಹ ತಕ್ಕ್ ಪರ್ಂದಂಡುಂಡ್.

ಇಬ್ರಿಯ 12:24

ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.

1 ಯೋಹಾನ 3:12

ತಾಂಡ ತಮ್ಮಣನೇ ಕೊಂದ ಕೇಡ್ ಮಾಡ್‌ವ ಸೈತಾನಂಗ್ ಸ್ವಂತವಾನ ಕಾಯಿನ ಎಣ್ಣ್‌ವಂವೊನೆಕೆ ನಂಗ ಇಪ್ಪಕ್ಕಾಗ. ಕಾಯಿನ ಎನ್ನಂಗ್ ತಾಂಡ ತಮ್ಮಣನಾನ ಹೇಬೆಲನ ಕೊಂದತ್? ತಾನ್ ಮಾಡ್‌ವ ಕೆಲಸ ಕೆಟ್ಟದ್, ತಾಂಡ ತಮ್ಮಣ ಮಾಡ್‌ವ ಕೆಲಸ ನಲ್ಲದ್‍ೕಂದ್ ಗೊತ್ತಾನಗುಂಡ್ ತಮ್ಮಣನ ಕೊಂದತ್.