ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:4 - ಕೊಡವ ಬೈಬಲ್

⁴ ನಂಗಕ್ ವಿರೋದವಾಯಿತ್ ತಪ್ಪ್ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್; ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕ್‍ೕಡ್‌ಂಜ ಕಾಪಾಡ್‍ೕಂದ್ ಪ್ರಾರ್ಥನೆ ಮಾಡ್‌ವಕ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 48:16

ನನ್ನ ಎಲ್ಲಾ ಕ್‍ೕಡಿಂಜ ಕಾಪಾಡ್‌ನ ದೇವದೂತ ಈ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಡ್. ಈ ದಂಡ್‌ ಕ್‌ಣ್ಣ ಮಕ್ಕ ನಾಡ ಪೆದತ್‌ನ, ನಾಡ ಅಜ್ಜ ಅಬ್ರಹಾಮ ಪಿಂಞ ನಾಡ ಅಪ್ಪ ಇಸಾಕಂಡ ಪೆದತ್‌ನ ಕಾಪಾಡಡ್. ಇಯಿಂಗಡ ಸಂತಾನ ಬೂಮಿರ ಮೇಲೆ ಬೊಳ್‌ಂದಿತ್‌ ಬಲ್ಯದಾಡ್‌ಂದ್‌ ಎಣ್ಣ್‌ಚಿ.

ಮತ್ತಾಯ 18:35

ಇನ್ನನೆ ನಿಂಗಳು ಸಹ, ನಿಂಗಡ ಅಣ್ಣತಮ್ಮಣಂಗ ಮಾಡ್‍ನ ಪಾಪತ್‍ನ ನೇರಾಯಿತ್ ಮನ್ನಿಚಿಡತ ಪೋನಕ, ಪರಲೋಕತ್‍ಲ್ ಉಳ್ಳ ನಾಡ ಅಪ್ಪ ಇನ್ನನೆ ನಿಂಗಕ್ ಸಹ ಮಾಡ್‌ವಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 26:41

ನಿಂಗ ಪರಿಕ್ಷೇಕ್ ಒಳಪಡತನೆಕೆ ಎಚ್ಚರ ಎಡ್‍ತಂಡ್ ಪ್ರಾರ್ಥನೆ ಮಾಡಿ; ಆತ್ಮಕ್ ಕುಶಿ ಉಂಡ್ ಆಚೇಂಗಿ ತಡಿ ತಳ್ಂದಿತ್ ಉಂಡ್‍ೕಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:5

ಇಂಞು ಅಯಿಂಗಳ ನೋಟಿತ್: ನಿಂಗಡಲ್ಲಿ ಒಬ್ಬ ತಾಂಡ ಸ್ನೇಹಿತಂಡ ಮನೆಕ್ ನಡ್‌ಪಾದ್ರೆ ನೇರ‌ಕ್ ಪೋಯಿತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:4

ಅನ್ನನೆ: ಸಿಲೊವಾಮ್‌ಲ್ ಗೋಪುರ ಬುದ್ದಿತ್ ಪದನೆಟ್ಟ್ ಜನ ಚತ್ತ್ ಪೋಚಲ್ಲ! ಅದ್ಂಗ್ ಎಂತ ಎಣ್ಣುವಿರ? ಆ ಜನ ಯೆರೂಸಲೇಮ್‍ಲ್ ಉಳ್ಳ ಎಲ್ಲಾ ಜನಕಿಂಜ ದುಂಬ ಪಾಪ ಮಾಡ್‌ನಯಿಂಗಾಂದ್ ಗೇನ ಮಾಡ್‌ವಿರ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:46

ನಿಂಗ ಎನ್ನಂಗ್ ವರಿಯಂಡುಳ್ಳಿರ? ಸೋದನೆಲ್ ಬೂವತನೆಕೆ ಎದ್ದಿತ್ ಪ್ರಾರ್ಥನೆ ಮಾಡೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:13

ಪಾರೆಕಲ್ಲ್‌ರ ಮೇಲೆ ಬಿತ್ತ್‌ನ ಜನ, ದೇವಡ ವಾಕ್ಯತ್‍ನ ಕುಶೀಲ್ ಬೆರಿಯ ಸ್ವೀಕಾರ ಮಾಡ್‌ವ, ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಪುಡಿಕತಗುಂಡ್, ಚೆನ್ನ ಕಾಲ ಮಾತ್ರ ನಂಬುವ, ಸೋದನೆ ಬಪ್ಪಕ ಅಯಿಂಗ ಬುದ್ದ್ ಪೋಪ.

ಯೋಹಾನ 17:15

ಈಂಗಳ ಈ ಲೋಕತ್ಂಜ ಎಡ್‌ತ ಪೋಯಿರ್‍ೕಂದ್ ನಾನ್ ನಿನ್ನ ಕ್‍ೕಟಂಡಿಲ್ಲೆ. ಕ್‍ೕಡ್ ಮಾಡ್‌ವ ಸೈತಾನಂಡ ಕೈಯಿಂಜ ತಪ್ಪ್‌ಚಿಟ್ಟಿತ್ ಈಂಗಳ ಕಾಪಾಡ್‍ೕಂದ್ ಕ್‍ೕಪಿ.

1 ಕೊರಿಂಥ 10:13

ಎಲ್ಲಾ ಮನುಷ್ಯಂಗಕ್ ಬಪ್ಪ ಸೋದನೆನ ಬುಟ್ಟಿತ್ ಬೋರೆ ಏದ್ ಸೋದನೆಯು ನಿಂಗಕ್ ಬಂದಿತ್ತ್‌ಲ್ಲೆ. ದೇವ ನಂಬಿಕಸ್ತನಾಯಿತುಂಡ್. ನಿಂಗಡ ಶಕ್ತಿಕ್ ಮೀರ್‍ನ ಸೋದನೆಕ್ ನಿಂಗ ಒಳಪಡ್‍ವಕ್ ಅಂವೊ ಬುಡುಲೆ. ಆಚೇಂಗಿ, ಆ ಸೋದನೆಯಿಂಜ ತಪ್ಪ್‌ಚಿಡ್‌ವಕ್ ಬಟ್ಟೆ ಕಾಟಿತಪ್ಪ.

ಕೊಲೊಸ್ಸೆ 3:13

ನಿಂಗ ಒಬ್ಬೊಬ್ಬನ ಸಹಿಸಿಯಂಡ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪುಕಾರ್‍ನ, ಕ್ರಿಸ್ತ ನಿಂಗಡ ಪಾಪತ್‍ನ ಮನ್ನಿಚಿಟ್ಟನೆಕೆ ನಿಂಗ ಒಬ್ಬೊಬ್ಬನ ಮನ್ನಿಚಿಡಂಡು.

2 ಥೆಸಲೊನೀಕ 3:3

ಆಚೇಂಗಿ, ನಂಗಡ ದೇವ ಸತ್ಯವಂತಂವೊ, ಆನಗುಂಡ್, ಅಂವೊ ನಿಂಗಳ ಸ್ತಿರಪಡ್‌ತಿತ್, ಮೋಸ ಮಾಡ್‌ವ ಸೈತಾನಂಡ ಕೈಯಿಂಜ ಕಾಪಾಡ್‌ವ.

2 ತಿಮೊಥೆಯ 4:18

ಅಕ್ಕು, ದೇವ ನನ್ನ ಎಲ್ಲಾ ಸೈತಾನಂಡ ಕ್‍ೕಡಿಂಜ ಕಾಪಾಡಿತ್, ಅಂವೊಂಡ ಪಕ್ಕ ಪರಲೋಕ ರಾಜ್ಯಕ್ ಕೂಟಿಯೊವ. ನಿತ್ಯ ನಿತ್ಯಕೂ ಅಂವೊಂಗ್ ಮಹಿಮೆ ಕ್‍ಟ್ಟಡ್.

ಯಾಕೋಬ 2:13

ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.