ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:32 - ಕೊಡವ ಬೈಬಲ್

³² ನ್ಯಾಯತೀರ್ಪ್ ದಿವಸತ್‍ಲ್ ನಿನೆವೆ ಪಟ್ಟಣತ್‍ರ ಜನ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ. ಎನ್ನಂಗೆಣ್ಣ್‌ಚೇಂಗಿ, ಯೋನಂಡ ಬೋದನೆನ ಕ್‍ೕಟಿತ್ ನಿನವೆ ಪಟ್ಟಣತ್‍ರ ಜನ ದೇವಡ ಪಕ್ಕ ತಿರ್‍ಗ್‍ಚಿ. ಇಕ್ಕ, ಯೋನಕಿಂಜ ಬಲ್ಯಂವೊ ಇಲ್ಲಿ ಉಂಡ್ ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:32 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:4

ಯೋನ ಆ ಬಲ್ಯ ಪಟ್ಟಣತ್‌ಲ್‌ ಪ್ರವೇಷ ಮಾಡಿತ್, ಒರ್‌ ದಿನ ಪ್ರಯಾಣ ಮಾಡಿತ್: ಇಂಞು ನಾಪ್ಪದ್‌ ದಿವಸತ್‌ಲ್‌ ನಿನೆವೆ ಪಟ್ಟಣ ನಾಶ ಆಪಾಂದ್‌ ಪ್ರಚಾರ ಮಾಡ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:5

ಇದನ ಕ್‍ೕಟ ನಿನೆವೆ ಜನ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಒಂದೂ ತಿಂಗತೆ ಪಟ್ಟಣಿ ನಿಕ್ಕಂಡೂಂದ್‌ ಎಣ್ಣ್‌ಚಿ. ಪೆರಿಯಯಿಂಗಯಿಂಜ ಸುರು ಮಾಡಿತ್‌ ಚೆರಿಯಯಿಂಗತ್ತನೆ ಎಲ್ಲಾರು ಗೋಣಿಚೀಲತ್‌ರ ಬಟ್ಟೇನ ಕೆಟ್ಟಿಯಂಡತ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 4:9

ಅಕ್ಕ, ದೇವ ಯೋನನ ನೋಟಿತ್: ನೀನ್‌ ಅಣಕೆ ಗಿಡಕಾಯಿತ್‌ ಚೆಡಿ ಮಾಡ್‌ವದ್‌ ಸೆರಿಯಾಂದ್‌ ಕ್‍ೕಟತ್. ಅದ್‌ಂಗ್‌ ಯೋನ: ಅಕ್ಕು, ನಾಕ್‍ ಚಾವಚ್ಚಕ್‌ ಚೆಡಿ ಬಂದದ್‌ ಸೆರಿಯೇಂದ್‌ ಉತ್ತರ ಕೊಡ್‌ತತ್.

ಮತ್ತಾಯ 12:39

ಅದ್ಂಗ್ ಯೇಸು: ದೇವಡ ಮೇಲೆ ನಂಬಿಕೆ ಇಲ್ಲತ, ಕೆಟ್ಟ ಗುಣ ದುಂಬಿತುಳ್ಳ ಈ ಸಂತಾನಕಾರಂಗ ಒರ್ ಗುರ್‌ತ್ ಬೋಂಡೂಂದ್ ತ್‍ೕಡಿಯಂಡುಂಡ್; ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಅಯಿಂಗಕ್ ಕಾಟಿತಪ್ಪುಲೆ.

ಮತ್ತಾಯ 12:41

ನ್ಯಾಯತೀರ್ಪ್ ದಿವಸತ್‍ಲ್ ನಿನೆವೆ ಪಟ್ಟಣತ್‍ರ ಜನ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ. ಎನ್ನಂಗೆಣ್ಣ್‌ಚೇಂಗಿ, ಯೋನಂಡ ಬೋದನೆನ ಕ್‍ೕಟಿತ್ ನಿನವೆ ಪಟ್ಟಣತ್‍ರ ಜನ ದೇವಡ ಪಕ್ಕ ತಿರ್‍ಗ್‍ಚಿ. ಇಕ್ಕ, ಯೋನಕಿಂಜ ಬಲ್ಯಂವೊ ಇಲ್ಲಿ ಉಂಡ್ ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:31

ತೆಕ್ಕ್ ದಿಕ್ಕ್‌ಂಜ ಬಂದ ಶೀಬ ರಾಜ್ಯತ್‍ರ ರಾಣಿ, ಸೊಲೊಮೋನ ರಾಜಂಡ ಜ್ಞಾನತ್‍ನ ಕ್‍ೕಪಕಾಯಿತ್ ಈ ಲೋಕತ್‍ರ ಕಡೇಯಿಂಜ ಪ್ರಯಾಣ ಮಾಡಿತ್ ಬಾತ್. ಇಕ್ಕ ಸೊಲೊಮೋನ ರಾಜಕಿಂಜ ಬಲ್ಯಂವೊ ಇಲ್ಲಿ ಉಂಡ್. ಆಚೇಂಗಿ ನಿಂಗ ಅಂವೊಂಡ ಬೋದನೆನ ಕ್‍ೕಟಿತ್‌ಲ್ಲೆ. ಆನಗುಂಡ್, ನ್ಯಾಯತೀರ್ಪ್ ದಿನತ್‌ಲ್ ಶೀಬ ರಾಜ್ಯತ್‍ರ ರಾಣಿ ಈ ಸಂತಾನಕಾರಡ ಕೂಡೆ ನಿಂದಿತ್ ಈಂಗಳ ಕುತ್ತ ಪರಿಯುವ.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.