ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:22 - ಕೊಡವ ಬೈಬಲ್

²² ಆಚೇಂಗಿ ಅಂವೊಗಿಂಜ ಬಲಶಾಲಿಯಾನ ಮನುಷ್ಯ ಬಂದಿತ್ ಅಂವೊನ ಚೋಪ್‌ಚಿಟ್ಟತೇಂಗಿ, ಆ ಬಲಶಾಲಿ ನಂಬಿಕೆ ಬೆಚ್ಚಿತ್ಂಜ ಆ ಎಲ್ಲಾ ಆಯುದತ್‍ನ ಎಡ್‌ತ ಪೋಯಿತ್ ಪಿಂಞ ಆ ಎಲ್ಲಾ ವಸ್ತುನ ಬೋರೆಯಿಂಗಡ ಕೂಡೆ ಪಾಲ್ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:22 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:21

ಒರ್ ಗಟ್ಟಿಮುಟ್ಟಾನ ಮನುಷ್ಯ, ಅಂವೊಂಗ್ ಬೋಂಡಿಯಾನ ಎಲ್ಲಾ ಆಯುದತ್‍ನ ಇಟ್ಟಂಡ್ ತಾಂಡ ಮನೆನ ಕಾಪಕ, ಅಂವೊಂಡ ಎಲ್ಲಾ ವಸ್ತು ಬದ್ರವಾಯಿತ್‌ಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:23

ನಾಡ ಕೂಡೆ ಇಲ್ಲತಂವೊ ನಾಕ್ ವಿರೋದಿಯಾಯಿತ್‌ಪ್ಪ. ನಾಡ ಕೂಡೆ ಬೊಳೆನ ಕೂಟತಂವೊ ನಾಡದ್‌ನ ಚದ್‍ರಿಚಿಡುವ.

ಎಫೆಸ 6:11

ನಿಂಗ ಸೈತಾನಂಡ ತಂತ್ರಕ್ ಎದ್‍ರ್ ನಿಪ್ಪಕ್ ಶಕ್ತಿ ಉಳ್ಳಯಿಂಗಳಾಯಿತ್ ಇಪ್ಪಕ್ ದೇವಡ ಸರ್ವ ಆಯುದತ್‍ನ ಇಟ್ಟೊಳಿ.

ಎಫೆಸ 6:13

ಆನಗುಂಡ್ ಕೆಟ್ಟ ದಿವಸತ್‍ಲ್ ನಿಂಗ ಅಯಿಂಗಕ್ ಎದ್‍ರ್ ನಿಪ್ಪಕ, ಎಲ್ಲಾನ ಪೂರ್ತಿ ಮಾಡ್‍ನಯಿಂಗಳಾಯಿತ್ ನಿಪ್ಪಕ್ ಶಕ್ತಿ ಉಳ್ಳಯಿಂಗಳಾಯಿತ್ ಇಪ್ಪನೆಕೆ ದೇವಡ ಸರ್ವ ಆಯುದತ್‍ನ ಇಟ್ಟೊಳಿ.

ಕೊಲೊಸ್ಸೆ 2:15

ಆ ಶಿಲುಬೇಲ್, ಕ್ರಿಸ್ತ ಅಂವೊನ ಪುಡ್‍ಚಿ ಬೆಚ್ಚಿತ್ಂಜ ಎಲ್ಲಾ ಶಕ್ತಿನ, ದೆವ್ವತ್‍ರ ಅದಿಕಾರತ್‍ನ ಒರ್ ಶಕ್ತಿಯು ಇಲ್ಲತನೆಕೆ ಮಾಡಿರ್‌ತ್. ಅಂವೊ ಅದ್‍ನೆಲ್ಲಾ, ಅಂವೊಂಡ ಕೈಯಿಕ್ ಕ್‍ಟ್ಟ್‌ನನೆಕೆ ಎಲ್ಲಾಡ ಮಿಂಞ ಎಲ್ಲಾರು ಕಾಂಬನೆಕೆ ಅದ್‍ನೆಲ್ಲಾ ಕೊಂಡ್ ಬಂದಿತ್ ಶಿಲುಬೇರೆ ಮೇಲೆ ಅಯಿಂಗಳ ಗೆದ್ದತ್.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.