ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:19 - ಕೊಡವ ಬೈಬಲ್

¹⁹ ಇಕ್ಕ ನಾನ್ ಕೂಳಿಯಳ ಬೆಲ್ಜೆಬೂಲ್‌ರ ಶಕ್ತಿಯಿಂಜ ಬುಡ್‌ತ್‌ಚೇಂಗಿ, ನಿಂಗಡ ಶಿಷ್ಯಂಗ ದಾಡ ಶಕ್ತಿಯಿಂಜ ಕೂಳಿಯಳ ಬುಡ್‌ತಿಯಂಡುಂಡ್? ಆನಗುಂಡ್, ಅಯಿಂಗಳೇ ನಿಂಗಕ್ ತೀರ್ಪ್ ತಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:19 ပူးပေါင်းရင်းမြစ်များ

ಮತ್ತಾಯ 10:25

ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್‍ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:22

ಅದ್ಂಗ್ ರಾಜ: ನೀನ್ ಒಂದಂಗೂ ಪ್ರಯೋಜನ ಇಲ್ಲತ ಆಳ್, ನಾಡದಲ್ಲತ್‍ದ್‍ನ ನಾನ್ ಎಡ್‍ಪೀಂದು, ನಾನ್ ಬಿತ್ತತ್‍ದ್‍ನ ಕೊಯ್ಯುವೀಂದು ನೀಕ್ ಗೊತ್ತ್ಂಜತಲ್ಲ? ಪಿಂಞ ಎನ್ನಂಗ್ ನೀನ್ ನಾಡ ಪಣತ್‍ನ ಬಡ್ಡಿಕ್ ಕೊಡ್‍ತಿತ್‌ಲ್ಲೆ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:49

ಉಪಾದ್ಯನೇ, ನೀಡ ಪೆದ ಎಣ್ಣಿಯಂಡ್ ಒಬ್ಬ ಕೂಳಿ ಬುಡ್‍ತಿಯಂಡಿಂಜದ್‍ನ ನಂಗ ಕಂಡತ್, ಆಚೇಂಗಿ ಅಂವೊ ನಂಗಡ ಗುಂಪ್‌ಲ್ ಇಲ್ಲತಗುಂಡ್ ನಂಗ ಅಂವೊನ ನಿಪ್ಪ್‌ಚಿಟ್ಟತ್‍ೕಂದ್ ಯೋಹಾನ ಎಣ್ಣ್‌ಚಿ.

ಅಪೊಸ್ತಲ 19:13

ಊರ್ ಊರ್‌ಕ್ ಪೋಯಿತ್ ಕೂಳಿಯಳ ಬುಡ್‌ತ್‌ವ ಯೆಹೂದ್ಯಂಗಳಾನ ಚೆನ್ನ ಜನ ಇದ್‍ನ ನೋಟಿತ್, ಒಡೆಯನಾನ ಯೇಸುರ ಪೆದತ್‍ನ ಅಯಿಂಗಳು ಎಣ್ಣ್‌ವಕ್‌ ದೈರ್ಯ ಎಡ್‍ತಂಡ್: ಅಯಿಂಗ ಕೂಳಿ ಪುಡ್‍ಚಯಿಂಗಡ ಪಕ್ಕ ಪೋಯಿತ್: ಪೌಲ ಬೋದನೆ ಮಾಡ್‌ವ ಯೇಸುರ ಪೆದತ್‍ಲ್ ನಿಂಗಕ್ ಆಜ್ಞೆ ಮಾಡ್‌ವೀಂದ್ ಎಣ್ಣ್‌ಚಿ.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.