ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:18 - ಕೊಡವ ಬೈಬಲ್

¹⁸ ಅನ್ನನೆ ಇಪ್ಪಕ, ಸೈತಾನ ಅಂವೊಂಗ್ ವಿರೋದವಾಯಿತ್ ಅಂವೊಂಡ ಗುಂಪ್‌ಲ್ ಜಗಳ ಮಾಡಿಯಂಡಿಂಜತೇಂಗಿ ಅಂವೊಂಡ ರಾಜ್ಯ ಎನ್ನನೆ ನಿಪ್ಪ? ಅಕ್ಕ, ನಾನ್ ಬೆಲ್ಜೆಬೂಲನಗುಂಡ್ ಕೂಳಿಯಳ ಬುಡ್‌ತಿಯಂಡುಂಡ್‍ೕಂದ್ ನಿಂಗ ಎನ್ನನೆ ಎಣ್ಣುವಿರಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:18 ပူးပေါင်းရင်းမြစ်များ

ಮತ್ತಾಯ 10:25

ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್‍ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?

ಮತ್ತಾಯ 12:26

ಅನ್ನನೆ ಸೈತಾನೇ ಸೈತಾನನ ದೌತ್‌ಚೇಂಗಿ, ಅಂವೊ ಅಂವೊಂಗ್ ವಿರೋದವಾಯಿತ್ ಬಾಗ ಮಾಡ್‌ವನೆಕೆ; ಅನ್ನನೆ ಮಾಡ್‍ಚೇಂಗಿ ಅಂವೊಂಡ ರಾಜ್ಯ ಎನ್ನನೆ ಕಡೇಕತ್ತನೆ ನಿಪ್ಪ?

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 4:24

ಅಂವೊಂಡ ಕೀರ್ತಿ ಸಿರಿಯ ನಾಡ್‍ಲೆಲ್ಲಾ ಪಬ್ಬ್‌ಚಿ. ಅಕ್ಕ ಬೋರೆ ಬೋರೆ ಕಾಯಿಲೆ ಪಿಂಞ ನೊಂಬಲತ್‍ಲ್ ಉಳ್ಳ ಎಲ್ಲಾ ರೋಗಿಯಳ, ಕೂಳಿ ಪುಡ್‌ಚಿತ್ಂಜಯಿಂಗಳ ಪಿಂಞ ಮೂರ್ಛೆ ರೋಗಿಯಳ, ಪಾರ್ಶವಾಯು ಕಾಯಿಲೆಯಿಂಜ ನರಳಿಯಂಡುಳ್ಳಯಿಂಗಳ ಅಂವೊಂಡ ಪಕ್ಕ ಕೊಂಡ್ ಬಾತ್. ಯೇಸು ಅಯಿಂಗಳ ವಾಸಿ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:15

ಆಚೇಂಗಿ, ಅಲ್ಲಿ ಉಳ್ಳ ಚೆನ್ನ ಜನ: ಇಂವೊ ಕೂಳಿಯಡ ಮುಕ್ಯಸ್ತ ಬೆಲ್ಜೆಬೂಲನಗುಂಡ್ ಕೂಳಿ ಬುಡ್‌ತಿಯಂಡುಂಡ್‍ೕಂದ್ ಎಣ್ಣ್‌ಚಿ.