ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:13 - ಕೊಡವ ಬೈಬಲ್

¹³ ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ, ಅಂವೊಂಡ ಪಕ್ಕ ಬೋಡ್‌ವಯಿಂಗಕ್ ಪವಿತ್ರಾತ್ಮತ್‍ನ ತಪ್ಪದ್ ಎಚ್ಚಕ್ ನೇರ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 8:21

ಬಲಿ ಕೊಡ್‌ತ ನಲ್ಲ ವಾಸನೆ ಯೆಹೋವನ ಕುಶಿ ಪಡ್‌ತ್‌ಚಿ. ಅಕ್ಕ ಯೆಹೋವ: ಮನುಷ್ಯಂಡ ಮನಸ್ಸ್‌ ಚೆರ್ಪತ್‌ಂಜಲೇ ಕೆಟ್ಟದಾಯಿತ್‌ ಇಂಜತೇಂಗಿಯು, ನಾನ್‌ ಇಂಞು ಮಿಂಞಕ್‌ ಮನುಷ್ಯನಗುಂಡ್‌ ಬೂಮಿಕ್‌ ಶಾಪ ಇಡುಲೆ; ನಾನ್‌ ಇಕ್ಕ ನಾಶಮಾಡ್‌ನನೆಕೆ ಇಂಞು ಮಿಂಞಕ್‌ ಎಲ್ಲಾ ಜೀವಿಯಳ ನಾಶ ಮಾಡುಲೆ.

ಜ್ಞಾನತ್‌ರ ಪಡಿಮ 1:23

ನಾಡ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡಿ; ಇದಾ, ನಾಡ ಆತ್ಮತ್‌ನ ನಾನ್‌ ನಿಂಗಡ ಮೇಲೆ ಬೂಕಿತ್, ನಾಡ ತಕ್ಕ್‌ ನಿಂಗಕ್‌ ಗೊತ್ತಾಪನೆಕೆ ಮಾಡುವಿ.

ಮತ್ತಾಯ 5:16

ಆನಗುಂಡ್ ನಿಂಗಡಲ್ಲಿ ಉಳ್ಳ ಬೊಳಿ, ಜನಡ ಮಿಂಞತ್ ಪ್ರಕಾಶವಾಯಿತ್ ಕಾಂಗಡ್, ನಿಂಗ ಮಾಡ್‌ವ ನಲ್ಲ ಕೆಲಸತ್‍ನ ಕಂಡಿತ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪನ ತುದಿಪಕ್ ಕಾರಣ ಆಪ.

ಮತ್ತಾಯ 5:45

ಅನ್ನನೆ ಮಾಡ್‍ಚೇಂಗಿ ನಿಂಗ ಪರಲೋಕತ್‍ಲ್ ಉಳ್ಳ ದೇವಡ ಮಕ್ಕಡನೆಕೆ ನಡ್‍ಪಿರ. ಅಂವೊ ನಲ್ಲಯಿಂಗಕು ಕೆಟ್ಟಯಿಂಗಕೂ ಸೂರ್ಯತ್‍ನ ಉದಿಪ್‍ಚಿಟ್ಟಿತ್ ಬೊಳಿನ ಕೊಡ್‍ಪ ಪಿಂಞ ನೀತಿವಂತಯಿಂಗಕು ಅನೀತಿವಂತಯಿಂಗಕು ಮಳೆ ತಪ್ಪ.

ಮತ್ತಾಯ 6:14

ನಿಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ಮನ್ನಿಚಿಟ್ಟತೇಂಗಿ, ನಿಂಗಡ ಪರಲೋಕತ್‍ರ ಅಪ್ಪ ನಿಂಗಳ ಮನ್ನಿಚಿಡ್‌ವ.

ಮತ್ತಾಯ 6:30

ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟ್‌ವ?

ಮತ್ತಾಯ 6:32

ದೇವಡ ಮೇಲೆ ನಂಬಿಕೆ ಇಲ್ಲತಯಿಂಗ ಇದ್‍ನೆಲ್ಲ ಗೇನ ಮಾಡಿಯಂಡ್, ಬೇಜಾರ್ ಮಾಡಿಯಂಡಿಪ್ಪ. ಇದೆಲ್ಲ ನಿಂಗಕ್ ಬೋಂಡೂಂದ್ ನಿಂಗಡ ಪರಲೋಕತ್‍ರ ಅಪ್ಪಂಗ್ ಗೊತ್ತುಂಡ್.

ಮತ್ತಾಯ 7:11

ಅಕ್ಕ, ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ ತಾಂಡ ಪಕ್ಕ ಕ್‍ೕಪಯಿಂಗಕ್ ಎಚ್ಚಕ್ ನಲ್ಲ ವಸ್ತುನ ತಪ್ಪ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:12

ಅಲ್ಲತೆ, ಮೊಟ್ಟೆನ ಕ್‍ೕಪಕ ಚೇಳ್‍ನ ತಪ್ಪ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:2

ಅದ್ಂಗ್ ಅಂವೊ: ನಿಂಗ ಪ್ರಾರ್ಥನೆ ಮಾಡ್‌ವಕ: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್; ನೀಡ ರಾಜ್ಯ ಬೂಲೋಕಕ್ ಬರಡ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:7

ಅನ್ನನೆ, ದೇವ ಗೊತ್ತ್ ಮಾಡ್‍ನಯಿಂಗಡಲ್ಲಿ ಪೋಲ್ ಬಯಿಟ್ ಮೊರೆ ಇಟ್ಟಂಡುಳ್ಳಯಿಂಗಡ ನ್ಯಾಯತ್‍ನ ಕ್‍ೕಟಿತ್ ಅದ್‍ನ ಎಡ್‍ಕತೆ ಇಪ್ಪ?

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ರೋಮ್ 5:17

ಒಬ್ಬಂಡ ಅಪರಾದತ್‍ರಗುಂಡ್ ಆ ಒಬ್ಬಂಡ ಮೂಲಕವೇ ಚಾವ್ ಎಲ್ಲಾರ್‌ನ ಆಳಿಯಂಡಿಂಜತೇಂಗಿ, ಕೃಪೇರ ಪಿಂಞ ನೀತಿರ ಪೂರ್ತಿ ಇನಾಮ್ ಕ್‍ಟ್ಟ್‌ವಯಿಂಗ ಯೇಸು ಕ್ರಿಸ್ತ ಎಣ್ಣುವ ಒಬ್ಬನಗುಂಡ್ ಜೀವ ಕ್‍ಟ್ಟಿತ್ ಆಳುವಾಂದ್ ಎಚ್ಚಕ್ ನಿಶ್ಚಯ.

ರೋಮ್ 7:18

ಎನ್ನಂಗೆಣ್ಣ್‌ಚೇಂಗಿ, ನಾಡಲ್ಲಿ, ಎಣ್ಣ್‌ಚೇಂಗಿ, ನಾಡ ತಡೀಲ್ ನಲ್ಲದ್ ವಾಸಮಾಡಿಯಂಡಿಲ್ಲೇಂದ್ ನಾಕ್ ಗೊತ್ತುಂಡ್; ಅದ್ ಪಾಪತ್‍ರ ಗುಣವೇ. ನಲ್ಲದ್ ಮಾಡಂಡೂಂದ್ ನಾಕ್ ಕುಶಿ ಉಂಡ್, ಆಚೇಂಗಿ ನಲ್ಲದ್‍ನ ಮಾಡ್‌ವಕ್ ನಾಕ್ ಕಯಿಂಜಂಡಿಲ್ಲೆ.

ರೋಮ್ 8:32

ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ?

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.