ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:37 - ಕೊಡವ ಬೈಬಲ್

³⁷ ಅದ್ಂಗ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ: ದಾರ್ ಅಂವೊಂಗ್ ಕನಿಕರ ಕಾಟ್‍ಚಿ ಅಂವೊನೇಂದ್ ಯೇಸುಕ್ ಎಣ್ಣ್‌ಚಿ. ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನದ್ ಸರಿ, ನೀನ್ ಸಹ ಪೋಯಿತ್ ಅನ್ನನೆ ಮಾಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:37 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:21

ನೆರೆಮನೆಕಾರನ ಮರ್ಯಾದಿಯಿಲ್ಲತೆ ನಡ್‌ತ್‌ವಂವೊ ಪಾಪ ಮಾಡಿಯಂಡುಂಡ್. ಆಚೇಂಗಿ ಗರೀಬಂಗಕ್‌ ಕರುಣೆ ಕಾಟ್‌ವಂವೊ ಆಶೀರ್ವಾದ ಪಡೆಯುವ.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 23:23

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ, ನಿಂಗಕ್ ಅಯ್ಯೋ, ನಿಂಗ ಪುದಿನ ತೊಪ್ಪು, ತೊಳ್‌ಸಿ ಪಿಂಞ ಜೀರಿಗೆನ ಪತ್ತ್‌ಲ್ ಒರ್ ಪಾಲ್ ಕೊಡ್‍ಪಿರ, ಆಚೇಂಗಿ ದರ್ಮಶಾಸ್ತ್ರ ಪುಸ್ತಕತ್‍ಲ್ ದುಂಬ ಮುಕ್ಯವಾನ ನೀತಿನ, ಕನಿಕರತ್‍ನ, ನಂಬಿಕೇನ ಬುಟ್ಟಿತುಳ್ಳಿರ. ಇದ್‍ನೆಲ್ಲಾ ನಿಂಗ ಮಾಡಂಡು, ಅದ್‍ನೂ ಬುಡ್‌ವಕ್ಕಾಗ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:36

ಇನ್ನನೆ ಇಪ್ಪಕ, ಕಳ್ಳಂಗಡ ಕೈಕ್ ಕ್‍ಟ್ಟ್‌ನ ಅಂವೊಂಗ್, ಈ ಮೂಂದಾಳ್‌ರ ಕೂಟ್‌ಲ್ ದಾರ್ ನೆರಮನೆಕಾರಾಂದ್ ನಿಂಗ ಗೇನ ಮಾಡ್‌ವಿರಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:38

ಅಲ್ಲಿಂಜ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಪ್ರಯಾಣ ಮಾಡಿಯಂಡಿಪ್ಪಕ, ಒರ್ ಊರ್‌ಕ್ ಪೋಚಿ. ಅಲ್ಲಿ ಮಾರ್ಥ ಎಣ್ಣುವ ಒರ್ ಪೊಣ್ಣಾಳ್ ಯೇಸುನ ಅವಡ ಮನೆಕ್ ಸ್ವಾಗತ ಮಾಡ್‍ಚಿ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,