ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:18 - ಕೊಡವ ಬೈಬಲ್

¹⁸ ಅಂವೊ ಅಯಿಂಗಕ್: ಸೈತಾನ ಬಾನತ್ಂಜ ಮಿಂಚ್‍ರನೆಕೆ ಅಡಿಕ್ ಬೂವದ್‌ನ ನಾನ್ ಕಂಡಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:18 ပူးပေါင်းရင်းမြစ်များ

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 12:31

ದೇವ ಈ ಲೋಕಕ್ ನ್ಯಾಯತೀರ್ಪ್ ಮಾಡ್‌ವ ಸಮಯ ಇಕ್ಕಲೆ ಬಾತ್. ಈ ಲೋಕತ್‍ರ ಅದಿಪತಿನ ಇಕ್ಕಲೆ ದೇವ ಪೊರಮೆ ಚಾಡಿರ್‍ವ.

ಯೋಹಾನ 16:11

ಈ ಲೋಕಕ್ ನ್ಯಾಯತೀರ್ಪ್ ಕಂಡಿತವಾಯಿತ್ ಬಪ್ಪಾಂದ್ ಕಾಟಿತಪ್ಪ. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ರ ಅದಿಕಾರಿನ ದೇವ ಇಕ್ಕಲೆ ನ್ಯಾಯತೀರ್ಪ್ ಮಾಡಿಯತ್.

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.

ಪ್ರಕಟನೆ 20:2

ಪಿಶಾಚೀಂದ್ ಕಾಕುವ ಸೈತಾನನಾಯಿತ್ಂಜ ಪಳೆಯ ಪಾಂಬಾಯಿತುಳ್ಳ ಘಟಸರ್ಪತ್‍ನ ಪುಡ್‌ಚಿತ್, ಆಯಿರ ಕಾಲಕ್ ಅದ್‍ನ ಕೆಟ್ಟಿ ಬೆಚ್ಚತ್.

ಪ್ರಕಟನೆ 9:1

ಅಂಜನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಬಾನತ್ಂಜ ಒರ್ ನಕ್ಷತ್ರ ಬೂಮಿಕ್ ಬುದ್ದಾನ ನಾನ್ ಕಂಡಿಯೆ. ಅಂವೊಂಗ್ ಪಾತಾಳತ್‍ರ ಬೀತ್‌ಕೈನ ಕೊಡ್‌ತಿತ್ಂಜತ್.