ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:14 - ಕೊಡವ ಬೈಬಲ್

¹⁴ ದೇವ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕ್‍ಟ್ಟುವ ಶಿಕ್ಷೆಕಿಂಜ ತೀರ್ ಸೀದೋನ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತಿಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:14 ပူးပေါင်းရင်းမြစ်များ

ಮತ್ತಾಯ 10:15

ದೇವ ತೀರ್ಪ್ ತಪ್ಪ ದಿವಸತ್‍ಲ್, ಈ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ, ಸೊದೋಮ್ ಗೊಮೋರ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತಿಪ್ಪಾಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 11:21

ಅಂವೊ ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ: ಖೊರಾಜಿನೇ ನೀಕ್ ಅಯ್ಯೋ! ಬೆತ್ಸಾಯಿದವೇ ನೀಕ್ ಅಯ್ಯೋ! ನಿಂಗಡ ಮದ್ಯತ್‍ಲ್ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನ ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅಕ್ಕಲೆ ಅಯಿಂಗ ಗೋಣಿಚೀಲತ್‍ರ ಬಟ್ಟೆ ಇಟ್ಟಂಡ್, ಬೂದಿರ ಮೇಲೆ ಅಳ್‌ತಿತ್ ಅಯಿಂಗಡ ಪಾಪತ್ಂಜ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರುವಕಿಂಜತ್.

ಯೋಹಾನ 3:19

ಅಯಿಂಗಕ್ ಶಿಕ್ಷೇರ ತೀರ್ಪ್ ಕ್‍ಟ್ಟುವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊ ಈ ಲೋಕಕ್ ಬೊಳಿಯಾಯಿತ್ ಬಾತ್, ಆಚೇಂಗಿ ಜನಡ ಕ್ರಿಯೆ ಕೆಟ್ಟದಾಯಿತ್ಂಜಗುಂಡ್, ಅಯಿಂಗ ಆ ಬೊಳಿಕಿಂಜ ಇರ್‌ಟ್‌ನ ಪ್ರೀತಿ ಮಾಡ್‍ಚಿ.

ರೋಮ್ 2:1

ಆನಗುಂಡ್, ಬೋರೆಯಿಂಗಳ ತೀರ್ಪ್ ಮಾಡ್‌ವ ನಿಂಗ ದಾರಾಯಿತ್ ಇಂಜತೇಂಗಿಯು, ನಿಂಗ ಮಾಡ್‍ನದ್ ಸರೀಂದ್ ಎಣ್ಣ್‌ವಕ್ ಕಯ್ಯುಲೆ; ನಿಂಗ ಪಾಪಾಂದ್ ತೀರ್ಪ್ ಮಾಡ್‌ವ ವಿಷಯತ್‍ನ ನಿಂಗಳೇ ಮಾಡ್‌ವಗುಂಡ್, ನಿಂಗ ಮಾಡ್‌ವ ತೀರ್‌ಪಿಂಜ, ನಿಂಗಳ ನಿಂಗಳೇ ಪಾಪ ಮಾಡ್‌ನಯಿಂಗಾಂದ್ ತೀರ್ಪ್ ಮಾಡ್‌ವಿರ.

ರೋಮ್ 2:27

ತಡೀಲ್ ಸುನ್ನತಿ ಮಾಡತಯಿಂಗಳಾಯಿತ್ ಇಂಜತೇಂಗಿಯು, ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಯಿಂಗಳಾಯಿತ್ಂಜತೇಂಗಿ, ನ್ಯಾಯಪ್ರಮಾಣ ಗೊತ್ತುಳ್ಳಯಿಂಗಳಾಯಿತು, ಸುನ್ನತಿ ಮಾಡ್‍ನಯಿಂಗಳಾಯಿತು ಉಳ್ಳ ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್‍ಪಕ, ಅಯಿಂಗ ನಿಂಗಳ ತೀರ್ಪ್ ಮಾಡ್‌ವ ಅಲ್ಲ?