ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:78 - ಕೊಡವ ಬೈಬಲ್

⁷⁸ ನಂಗಡ ದೇವಡ ಹೃದಯ ಕರುಣೇಲ್ ದುಂಬಿತುಳ್ಳಗುಂಡ್, ಪೊಲಾಕತ್‍ರ ಸೂರ್ಯನ ಪರಲೋಕತ್ಂಜ ನಂಗಡ ಮೇಲೆ ಇಳಿಂಜಿತ್ ಬಪ್ಪನೆಕೆ ಅಂವೊ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:78 ပူးပေါင်းရင်းမြစ်များ

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಎಫೆಸ 5:14

ಆನಗುಂಡ್, ವರಿಯಂಡ್ ಉಳ್ಳ ನೀ, ಎಚ್ಚರ ಎಡ್‌ತ, ಚತ್ತಯಿಂಗಡ ಮದ್ಯತ್ಂಜ ಏಳ್, ಅಕ್ಕ, ನೀಡ ಮೇಲೆ ಕ್ರಿಸ್ತಂಡ ಬೊಳಿ ಮಿನ್ನುವಾಂದ್ ಎಣ್ಣಿತುಂಡ್.

ಫಿಲಿಪ್ಪಿ 1:8

ಕ್ರಿಸ್ತ ಯೇಸುರ ಪಕ್ಕ ಉಳ್ಳ ಕನಿಕರತ್ಂಜ ನಿಂಗಡ ಮೇಲೆ ನಾಕ್ ಎಚ್ಚಕ್ ಪ್ರೀತಿ ಉಂಡ್‍ೕಂದ್ ದೇವನೇ ನಾಕ್ ಸಾಕ್ಷಿ.

ಫಿಲಿಪ್ಪಿ 2:1

ಕ್ರಿಸ್ತನ ನಂಬಿತ್ ಅಂವೊಂಡ ಕೂಟ್‌ಲ್ ಕೂಡ್‍ನಗುಂಡ್ ನಿಂಗಕ್ ಎಂತೇಂಗಿ ಒತ್ತಾಸೆ ಉಂಡಾ? ಅಂವೊಂಡ ಪ್ರೀತಿಲ್ ನಿಂಗಕ್ ಎಂತೇಂಗಿ ಸುಕ ಉಂಡಾ? ಪವಿತ್ರಾತ್ಮತ್‍ರ ಶಕ್ತಿ ಕ್‍ಟ್ಟಿತ್ ನಿಂಗಕ್ ಎಂತೇಂಗಿ ಐಕ್ಯ ಉಂಡಾ? ನಿಂಗಡ ಮನಸ್ಸ್‌ಲ್ ಎಂತೇಂಗಿ ಕನಿಕರ, ದಯೆ ಉಂಡಾ?

ಕೊಲೊಸ್ಸೆ 3:12

ಆನಗುಂಡ್ ನಿಂಗ, ದೇವ ಗೊತ್ತ್ ಮಾಡ್‍ನ ಅಂವೊಂಡ ಮಕ್ಕಳಾಯಿತ್ ಪಿಂಞ ಅಂವೊ ಪ್ರೀತಿ ಮಾಡ್‌ವಯಿಂಗಳಾಯಿತ್ ಉಳ್ಳಾಂಗ್, ನಿಂಗ ಕರುಣೆ, ದಯೆ, ತಾಳ್ಮೆ, ಶಾಂತ ಗುಣ ಪಿಂಞ ಪೊರುಮೆ ಎಣ್ಣುವ ಗುಣತ್‍ನೆಲ್ಲ ನಿಂಗ ಇಟ್ಟೊಳಿ.

2 ಪೇತ್ರ 1:19

ಈ ಅನುಬವ ನಂಗಕ್ ಕ್‍ಟ್ಟ್‌ನಗುಂಡ್, ಪ್ರವಾದಿಯಂಗ ಪ್ರವಾದನೆ ಮಾಡ್‍ನ ವಿಷಯತ್‍ಲ್ ನಂಗಕ್ ದುಂಬ ನಂಬಿಕೆ ಉಂಡ್. ಅಯಿಂಗ ಒಳ್‍ದಿ ಬೆಚ್ಚಿತುಳ್ಳದ್‍ನ ನಿಂಗ ಚಾಯಿ ನೋಟಂಡು. ಅಯಿಂಗಡ ವಾಕ್ಯವೆಲ್ಲ, ಇರ್‌ಟ್‌ಲ್ ಬೊಳಿ ತಪ್ಪ ಬೊಳ್‌ಚತ್‍ರನೆಕೆ ಉಂಡ್. ಪೊಲಾಕ ಆಪಕ ಬೊಳ್ಳಿ ಮೀನ್ ಬಪ್ಪನೆಕೆ, ಅಯಿಂಗಡ ವಾಕ್ಯ ನಿಂಗಡ ಹೃದಯತ್‍ಲ್ ಬೊಳಿಯುವಕತ್ತನೆ ಅದ್‍ನ ನೋಟಿಯಂಡ್ ಇಪ್ಪದ್ ನಲ್ಲದಾಯಿತಿಪ್ಪ.

1 ಯೋಹಾನ 3:17

ಈ ಲೋಕತ್‍ಲ್ ದುಂಬ ಸಂಪತ್ ಉಂಡೇಂಗಿಯು, ತಾಂಡ ಅಣ್ಣತಮ್ಮಣಂಗ ಕಷ್ಟತ್‍ಲ್ ಉಳ್ಳದ್‍ನ ನೋಟಿತ್, ದಯೆ ಕಾಟತೆ ಪೋನಕ, ದೇವಡ ಪ್ರೀತಿ ಅಂವೊಂಡೊಳ್‌ಲ್ ಉಂಡ್‍ೕಂದ್ ನಂಗ ಎನ್ನನೆ ಎಣ್ಣುವಕಯ್ಯು?

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.