ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:59 - ಕೊಡವ ಬೈಬಲ್

⁵⁹ ಕುಂಞಿ ಪುಟ್ಟಿತ್ ಎಟ್ಟ್ ದಿನ ಆನ ಪಿಂಞ ಕುಂಞಿಕ್ ಸುನ್ನತಿ ಮಾಡಿತ್ ಪೆದ ಇಡ್‌ವಕ್ ಅಯಿಂಗೆಲ್ಲಾ ಅಲ್ಲಿಕ್ ಬಾತ್. ಕುಂಞಿಕ್ ಅಪ್ಪಂಡ ಪೆದ ಪ್ರಕಾರ ಜಕರಿಯಾಂದ್ ಇಡ್‌ವಕ್ ಎಲ್ಲಾರು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:59 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:12

ನಿಂಗಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕ್‌ ಪುಟ್ಟುವ ಪ್ರತಿಯೊರ್‌ ಆಣ್‍ ಕುಂಞಿಕು ಎಟ್ಟ್‌ನೆ ದಿವಸತ್‌ಲ್‌ ಸುನ್ನತಿ ಮಾಡ್‌ಚಿಡಂಡು. ನೀಡ ಮನೆತನತ್‌ಲ್‌ ಪುಟ್ಟ್‌ನ ಕುಂಞಿಯಿಂಜ ಪುಡ್‌ಚಿತ್‌ ನಿಂಗಡ ಸಂತಾನ ಅಲ್ಲತ ಕ್ರಯಕ್‌ ಕೊಂಡಬಂದ ಪರದೇಶಿ ಆಳ್‌ವಡ ಮಕ್ಕಳ ಸಹ ನಿಂಗ ಸುನ್ನತಿ ಮಾಡ್‌ಚಿಡಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:21

ಕುಂಞಿ ಪುಟ್ಟಿತ್ ಎಟ್ಟನೆ ದಿವಸತ್, ಸುನ್ನತಿರ ಸಮಯ ಬಪ್ಪಕ, ಅಂವೊ ಕೆಲತ್‌ಲ್ ಇಪ್ಪಕಿಂಜ ಮಿಂಞಲೇ ದೇವದೂತ ಎಣ್ಣ್‌ನ ಪ್ರಕಾರ ಅಂವೊಂಗ್ ಯೇಸೂಂದ್ ಪೆದ ಇಟ್ಟತ್.

ಅಪೊಸ್ತಲ 7:8

ಇಂಞು ದೇವ ಅಂವೊಂಡ ಕೂಡೆ ಮಾಡ್‍ನ ಒಪ್ಪಂದತ್‍ರ ಗುರ್‌ತಾಯಿತ್ ಆಣಾಳ್‌ಕ್ ಸುನ್ನತಿನ ಎಣ್ಣ್‌ಚಿ. ಅನ್ನನೆ ಅಬ್ರಹಾಮ, ಇಸಾಕಂಡ ಅಪ್ಪನಾಚಿ, ಪಿಂಞ ಅಂವೊ ಪುಟ್ಟ್‌ನ ಎಟ್ಟನೆ ದಿವಸತ್‍ಲ್ ಅಂವೊಂಗ್ ಸುನ್ನತಿ ಮಾಡ್‍ಚಿ. ಇಸಾಕ ಯಾಕೋಬಂಗ್, ಯಾಕೋಬ ಇಸ್ರಾಯೇಲ್ ದೇಶತ್‍ರ ಪನ್ನೆರಂಡ್ ಗೋತ್ರತ್‍ರ ಮುತ್ತಜ್ಜಂಗಕ್ ಅನ್ನನೆ ಮಾಡ್‍ಚಿ.

ಫಿಲಿಪ್ಪಿ 3:5

ಎನ್ನನೆ ಎಣ್ಣ್‌ಚೇಂಗಿ ನಾನ್ ಪುಟ್ಟ್‌ನ ಎಟ್ಟನೆ ದಿವಸತ್‍ಲ್ ನಾಕ್ ಸುನ್ನತಿ ಆಚಿ, ಇಸ್ರಾಯೇಲ್ ಜನತ್‍ರ ಸಂತಾನಕಾರ, ಬೆನ್ಯಾಮೀನಂಡ ಕುಲಕ್ ಕೂಡ್‍ನಂವೊ, ನಾನ್ ನೇರಾನ ಇಬ್ರಿಯ ಮನುಷ್ಯ, ನ್ಯಾಯಪ್ರಮಾಣತ್‍ರ ಪ್ರಕಾರ ನಾನ್ ಒರ್ ಫರಿಸಾಯ,