ಯೂದ ಒಳ್‍ದ್‍ನ ಕಾಗದ 1:7 - ಕೊಡವ ಬೈಬಲ್

⁷ ಅನ್ನನೆ ಸೊದೋಮ್ ಗೊಮೋರ ಪಟ್ಟಣತ್‍ರ ಜನ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಇಂಜ ಪಟ್ಟಣತ್‍ರ ಜನಳು ಅಯಿಂಗಡನೆಕೆ ಲೈಂಗಿಕ ಪಾಪತ್‍ನ ಮಾಡಿತ್, ಮನುಷ್ಯಂಗಡ ಸರಿಯಾನ ಆಸೇನ ಅಯಿಂಗಡ ಆಸೆರನೆಕೆ ತಿರಿಕಿತ್ ಪೋಚಿ. ದೇವ ಈ ಪಟ್ಟಣತ್‍ನ ತಿತ್ತ್‌ಕ್ ಇಟ್ಟಿತ್ ನಾಶ ಮಾಡ್‍ಚಿ. ಅನ್ನನೆ ಈಂಗ ದೇವ ತಪ್ಪ ನಿತ್ಯ ತಿತ್ತ್‌ರ ದಂಡೆನೆಕ್ ಉದಾರಣೆಯಾಯಿತ್ ಉಂಡ್.

ಯೂದ ಒಳ್‍ದ್‍ನ ಕಾಗದ 1:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:13

ಆಚೇಂಗಿ ಸೊದೋಮ್‌ ಪಟ್ಟಣತ್‌ರ ಜನ ಯೆಹೋವಂಡ ಮಿಂಞತ್‌ ಬಾರಿ ದುಷ್ಟಂಗಳು ಪಿಂಞ ಪಾಪ ಮಾಡುವಯಿಂಗಳಾಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 18:20

ಇದಲ್ಲತೆ ಯೆಹೋವ: ಸೊದೋಮ್‌ ಗೊಮೋರತ್‌ರ ಜನ ಬಾರೀ ಮೋಸವಾನಯಿಂಗಾಂದು, ಅಯಿಂಗಡ ಪಾಪ ಬಾರಿ ಕ್ರೂರವಾನದ್‍ೕಂದು ನಾಕ್‍ ಗೊತ್ತಾಚಿ.

ಆದ್ಯತ್‌ರ ಪುಸ್ತಕ 19:5

ಅಯಿಂಗೆಲ್ಲಾರು ಲೋಟನ ಜೋರಾಯಿತ್‌ ಕಾಕಿತ್: ಇಂದ್‌ ಬಯಿಟ್ ನೀಡ ಮನೆಲ್ ಒಳಿಯೊಕ್‌ ಬಂದಿತುಳ್ಳ ಆಣಾಳ್‌ವ ಎಲ್ಲಿ? ಅಯಿಂಗಳ ಪೊರಮೆ ಕಾಕಿಯಂಡ್‌ ಬಾ, ಅಯಿಂಗಡ ಕೂಡೆ ನಂಗ ಬುದ್ದಂಡೂಂದ್‌ ಎಣ್ಣ್‌ಚಿ.

ಮತ್ತಾಯ 10:15

ದೇವ ತೀರ್ಪ್ ತಪ್ಪ ದಿವಸತ್‍ಲ್, ಈ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ, ಸೊದೋಮ್ ಗೊಮೋರ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತಿಪ್ಪಾಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 11:24

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ: ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ಸೊದೋಮ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:29

ಆಚೇಂಗಿ ಲೋಟ ಸೊದೋಮ್ ಊರ್‌ನ ಬುಟ್ಟಿತ್ ಪೋನ ಅದೇ ದಿವಸತ್‍ಲ್ ಬಾನತ್ಂಜ ತಿತ್ತ್ ಪಿಂಞ ಗಂಧಕ, ಸೊದೋಮ್ ಊರ್‌ರ ಮೇಲೆ ಬುದ್ದಿತ್ ಎಲ್ಲಾರ್‌ನ ಕೊಂದ್‍ರ್‌ತ್.

1 ಕೊರಿಂಥ 6:9

ಅನೀತಿ ಮಾಡ್‌ವಯಿಂಗ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೇಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ನಿಂಗ ಮೋಸ ಪೋಕತಿ; ಕಳ್ಳ ಸಂಬಂದ ಉಳ್ಳಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವ ಆಣಾಳ್‌ಂಗ, ಆಣ್-ಆಣ್, ಪೊಣ್ಣಾಳ್-ಪೊಣ್ಣಾಳ್ ವ್ಯಬಿಚಾರ ಮಾಡ್‌ವಯಿಂಗ,

2 ಥೆಸಲೊನೀಕ 1:7

ಅಂವೊಂಗಾಯಿತ್ ಕಷ್ಟಪಟ್ಟಂಡ್ ಉಳ್ಳ ನಿಂಗಕ್, ನಂಗಡ ಕೂಡೆ ಆರಾಮ್ ತಪ್ಪ. ದೇವ ದಾರ್‍ೕಂದ್ ಗೊತ್ತಿಲ್ಲತಯಿಂಗಕ್ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗ್‌ಚಿಡತಯಿಂಗಕ್ ನ್ಯಾಯವಾನ ತೀರ್ಪ್ ತಪ್ಪ. ಆ ತೀರ್ಪ್‌ನ, ಒಡೆಯನಾನ ಯೇಸು ತಾಂಡ ಮಾಹಾ ಶಕ್ತಿರ ದೂತಂಗಡ ಕೂಡೆ, ಕತ್ತಿಯಂಡ್ ಇಪ್ಪ ತಿತ್ತ್‌ಲ್, ಪರಲೋಕತ್ಂಜ ಅಂವೊನ ಕಾಂಬ್‌ಚಿಡ್‌ವಕ ಮಾಡ್‌ವ.

2 ಪೇತ್ರ 2:2

ಈ ಕಳ್ಳ ಬೋದನೆಕಾರಡ ಕೆಟ್ಟ ನಡತೇಲ್ ದುಂಬ ಜನ ನಡ್‍ಪ, ಅನ್ನನೆ ಅಯಿಂಗಡಗುಂಡ್ ಸತ್ಯತ್‍ರ ಬಟ್ಟೇರ ಪೆದಕ್ ದೂಷಣೆ ಆಪ.

2 ಪೇತ್ರ 2:6

ಅದೇ ತರ, ಸೊದೋಮ್ ಪಿಂಞ ಗೊಮೋರ ಪಟ್ಟಣತ್‍ನ ತಿತ್ತ್‌ಕ್ ಇಟ್ಟಿತ್ ಬೂದಿಯಾಪನೆಕೆ ತೀರ್ಪ್ ಮಾಡಿತ್, ಬಪ್ಪಕುಳ್ಳ ಕಾಲತ್‍ಲ್ ದೇವಡ ಮೇಲೆ ಬಕ್ತಿ ಇಲ್ಲತೆ ಬದ್‍ಕ್‍ವಯಿಂಗಕ್ ಉದಾರಣೆಯಾಯಿತ್ ಮಾಡ್‍ಚಿ.

2 ಪೇತ್ರ 3:7

ಇಕ್ಕ ಉಳ್ಳ ಬಾನವು, ಬೂಮಿಯು, ಆ ತಕ್ಕ್‌ರಗುಂಡ್, ತಿತ್ತ್‌ಕಾಯಿತ್ ಬೆಚ್ಚಿತುಂಡ್, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟಿತ್ ನಾಶ ಆಪಕತ್ತನೆ ಬದ್ರವಾಯಿತ್ ಅದ್‍ನ ಕಾಪಾಡಿಯಂಡುಂಡ್.