ಯೂದ ಒಳ್‍ದ್‍ನ ಕಾಗದ 1:3 - ಕೊಡವ ಬೈಬಲ್

³ ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.

ಯೂದ ಒಳ್‍ದ್‍ನ ಕಾಗದ 1:3 ပူးပေါင်းရင်းမြစ်များ

ಅಪೊಸ್ತಲ 17:3

ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಕಷ್ಟತ್‍ನ ಅನುಬವಿಚಿಟ್ಟಿತ್, ಚತ್ತಿತ್, ಜೀವವಾಯಿತ್ ಎದ್ದಿತ್ ಬರಂಡೂಂದ್ ಉಳ್ಳದ್‍ನ ಎಣ್ಣಿಯಂಡ್, ನಾನ್ ಇಕ್ಕ ಎಣ್ಣುವ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ದೃಡವಾಯಿತ್ ನಿರೂಬಿಚಿಟ್ಟತ್.

ಅಪೊಸ್ತಲ 18:28

ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್, ಅಲ್ಲಿಯತ್‍ರ ಯೆಹೂದ್ಯಂಗಕ್, ಎಲ್ಲಾಡ ಮಿಂಞತ್ ಅಯಿಂಗಕ್ ಏದು ಎಣ್ಣ್‌ವಕ್ ಕಯ್ಯತನೆಕೆ ಬಲ್ಯ ಆವೇಶತ್‍ಲ್ ದೇವಡ ವಾಕ್ಯತ್ಂಜ ಕಾಟಿಕೊಡ್‍ತತ್.

ಅಪೊಸ್ತಲ 20:27

ನಾನ್ ಒರ್ ವಿಷಯತ್‍ನ ಸಹ ಮುಚ್ಚಿತ್ ಬೆಕ್ಕತೆ ದೇವಡ ಚಿತ್ತತ್‍ನ ಪೂರ್ತಿಯಾಯಿತ್ ನಿಂಗಕ್ ಅರಿಚಿಟ್ಟೆಯೆ.

ಅಪೊಸ್ತಲ 28:28

ಆನಗುಂಡ್ ದೇವಡ ರಕ್ಷಣೆರ ವಿಷಯತ್ ದೇವಡ ವಾಕ್ಯ ಯೆಹೂದ್ಯಂಗ ಅಲ್ಲತ ಬೋರೆ ಜಾತಿ ಜನಕ್ ಪೋಯಂಡುಂಡ್‍ೕಂದ್ ನಿಂಗಕ್ ಚಾಯಿತೆ ಗೊತ್ತಿರಡ್; ಅಯಿಂಗ ಇದ್‍ನ ಕ್‍ೕಟಿತ್ ಅದ್ಂಗ್ ಕೆಮಿ ಕೊಡ್‍ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 4:12

ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ನಂಗಳ ರಕ್ಷಣೆ ಮಾಡ್‌ವಕ್ ಕಯ್ಯುಲೆ. ಬಾನತ್‍ರ ಅಡಿಲ್, ಮನುಷ್ಯಂಗಡ ಮದ್ಯತ್‍ಲ್ ಯೇಸುರ ಪೆದತ್‍ನ ಬುಟ್ಟಿತ್ ಬೋರೆ ಒರ್ ಪೆದವು ನಂಗಡ ರಕ್ಷಣೆಕ್ ಕೊಡ್‍ತಿತ್‌ಲ್ಲೆ.

ಅಪೊಸ್ತಲ 6:7

ದೇವಡ ವಾಕ್ಯ ಎಲ್ಲಾ ಜಾಗಕ್ ಪಬ್ಬಿಯಂಡಿಂಜತ್; ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಯೆರೂಸಲೇಮ್‍ಲ್ ದುಂಬ ಆಯಂಡಿಂಜತ್; ದುಂಬ ಯಾಜಕಂಗಳು ಕ್ರಿಸ್ತಂಡ ನಂಬಿಕೇಕ್ ಬಾತ್.

ಅಪೊಸ್ತಲ 9:13

ಅದ್ಂಗ್ ಅನನೀಯ: ಒಡೆಯನೇ, ಆ ಮನುಷ್ಯ ಯೆರೂಸಲೇಮ್‍ಲ್ ನಿನ್ನ ನಂಬುವ ದೇವಡ ಮಕ್ಕಕ್ ಎಚ್ಚಕೋ ಕೆಟ್ಟದ್‍ನ ಮಾಡಿತುಂಡ್‍ೕಂದ್ ಅಂವೊಂಡ ವಿಷಯತ್ ದುಂಬ ಜನ ಎಣ್ಣ್‌ವಾನ ಕ್‍ೕಟಿಯೆ.

ಅಪೊಸ್ತಲ 9:22

ಆಚೇಂಗಿ ಸೌಲ ಇಂಞು ದುಂಬ ದೃಡವಾಯಿತ್ ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ. ಅಕ್ಕ ದಮಸ್ಕತ್‍ಲ್ ವಾಸಯಿಂಜ ಯೆಹೂದ್ಯಂಗಕ್ ಅಂವೊ ಎಣ್ಣ್‌ವದ್ ತಪ್ಪ್‍ೕಂದ್ ದೇವಡ ವಾಕ್ಯತ್ಂಜ ಕಾಟ್‍ವಕ್ ಕಯ್ಯತನೆಕೆ ಆಚಿ.

1 ಕೊರಿಂಥ 15:3

ನಾಕ್ ದೇವ ಪಡಿ‍ಪ್‍ಚಿಟ್ಟ ಮುಕ್ಯವಾನ ವಿಷಯತ್‍ನ ನಾನ್ ನಿಂಗಕ್ ಒಪ್ಪ್‌ಚಿಟ್ಟಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಂಗಡ ಪಾಪಕ್ ಪರಿಹಾರವಾಯಿತ್ ದೇವಡ ವಾಕ್ಯ ಎಣ್ಣ್‌ನನೆಕೆ ಚತ್ತತ್.

ಗಲಾತ್ಯ 2:5

ಯೇಸು ಕ್ರಿಸ್ತಂಡ ನಲ್ಲ ಸುದ್ದಿರ ಸತ್ಯ ನಿಂಗಡಲ್ಲಿ ಎಕ್ಕಾಲು ಚಾಯಿತೆ ಇಪ್ಪಕಾಯಿತ್, ನಂಗ ಒರ್ ಗಳಿಗೆಯು ಅಯಿಂಗಕ್ ಕೆಮಿ ಕೊಡ್‍ತಿತ್‌ಲ್ಲೆ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಗಲಾತ್ಯ 6:11

ನಾಡ ಕೈಯಿಂಜ ನಿಂಗಕ್ ಎಚ್ಚಕ್ ಬಲ್ಯ ಕಾಗದ ಒಳ್‍ದಿಯೇಂದ್ ನೋಟಿ!

ಎಫೆಸ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ, ಎಫೆಸ ಪಟ್ಟಣತ್‍ಲ್, ಯೇಸು ಕ್ರಿಸ್ತಂಡಲ್ಲಿ ನಂಬಿಕೆ ಇಟ್ಟಿತುಳ್ಳ ದೇವಡ ಮಕ್ಕಕ್ ಒಳ್‍ದ್‍ವ ಕಾಗದ ಇದ್.

ಫಿಲಿಪ್ಪಿ 1:1

ಯೇಸು ಕ್ರಿಸ್ತಂಡ ಸೇವಕನಾನ ಪೌಲ ಪಿಂಞ ತಿಮೊಥೆಯ, ಫಿಲಿಪ್ಪಿ ಪಟ್ಟಣತ್‍ಲ್ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‍ಲ್ ದೇವಡ ಮಕ್ಕಳಾಯಿತುಳ್ಳ ಎಲ್ಲಾ ಜನಕು, ನಿಂಗಡ ಮೇಲೆ ಜವಾಬ್ದಾರಿಯಾಯಿತುಳ್ಳ ಸಬೆರ ಪೆರಿಯಯಿಂಗಕು ಪಿಂಞ ಅಯಿಂಗಕ್ ಸಹಾಯ ಮಾಡ್‌ವ ಪೆರಿಯಯಿಂಗಕು ಒಳ್‍ದ್‍ವ ಕಾಗದ ಇದ್.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಕೊಲೊಸ್ಸೆ 1:2

ಕೊಲೊಸ್ಸೆ ಪಟ್ಟಣತ್‍ಲ್, ದೇವಡ ಮಕ್ಕಳಾಯಿತು, ನಂಬಿಕಸ್ತಯಿಂಗಳಾಯಿತು ಉಳ್ಳ ಕ್ರಿಸ್ತನ ನಂಬಿಯಂಡುಳ್ಳ ಅಣ್ಣತಮ್ಮಣಂಗಕ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

1 ತಿಮೊಥೆಯ 1:18

ನಾಡ ಮೋಂವೊನಾನ ತಿಮೊಥೆಯ, ನೀಡ ವಿಷಯತ್, ಪ್ರವಾದಿಯಂಗ ಮಿಂಞಲೇ ಎಣ್ಣ್‌ನ ಪ್ರವಾದನೆನ ಗೇನ ಮಾಡಿತ್ ಈ ಆಜ್ಞೆನ ನೀಡ ಮಿಂಞತ್ ಬೆಪ್ಪಿ. ಆನಗುಂಡ್, ಈ ಆಜ್ಞೆರನೆಕೆ ನೀನ್ ಮಾಡ್‍ಚೇಂಗಿ, ದೇವಡ ಪಡೆಲ್ ನೀನ್ ಚಾಯಿತೆ ಪೋರಾಡ್‍ವಕ್ ಸಹಾಯ ಆಪ.

1 ತಿಮೊಥೆಯ 6:12

ನಂಬಿಕೇರ ನಲ್ಲ ಪೋರಾಟತ್‍ನ ಪೋರಾಡ್, ನಿತ್ಯ ಜೀವತ್‍ನ ಗಟ್ಟಿಯಾಯಿತ್ ಪುಡ್‌ಚ; ಇದ್ಂಗಾಯಿತ್ ದೇವ ನಿನ್ನ ಕಾಕಿತುಂಡ್; ಅಕ್ಕ, ನೀನ್ ದುಂಬ ಜನಡ ಮಿಂಞತ್‍ಲ್ ನೀಡ ನಂಬಿಕೇರ ವಿಷಯತ್ ನೇರಾನ ಸಾಕ್ಷಿ ಕೊಡ್‍ತಿತುಳ್ಳಿಯ.

2 ತಿಮೊಥೆಯ 1:13

ನೀನ್ ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೆಯಿಂಜ, ಪ್ರೀತಿಯಿಂಜ, ನಾಡ ಪಕ್ಕ ಕ್‍ೕಟಿತ್ತುಳ್ಳ ಆರೋಗ್ಯವಾನ ಬೋದನೆನ ಒರ್ ಉದಾರಣೆಯಾಯಿತ್ ಬೆಚ್ಚಂಡ್, ಅನ್ನನೆ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:4

ತಕ್ಕ ಸಮಯತ್‍ಲ್ ನಂಗಡ ರಕ್ಷಕನಾನ ದೇವಡ ಆಜ್ಞೆರ ಪ್ರಕಾರ ನಾಕ್ ಒಪ್ಪ್‌ಚಿಟ್ಟ ಬೋದನೆರಗುಂಡ್ ಅಂವೊಂಡ ತಕ್ಕ್‌ನ ಕಾಂಬ್‍ಚಿಟ್ಟತ್.

ಇಬ್ರಿಯ 13:22

ನಾಡ ಅಣ್ಣತಮ್ಮಣಂಗಳೇ, ನಾನ್ ಚೆರಿಯದಾಯಿತ್ ಒಳ್‍ದ್‍ನ ಈ ಬುದ್ದಿ ತಕ್ಕ್‌ನ ನಿಂಗ ಪೊರುಮೆಯಾಯಿತ್ ಎಡ್‍ತೊಳೀಂದ್ ಬೋಡುವಿ.

ಇಬ್ರಿಯ 6:9

ಪ್ರೀತಿರ ಜನಳೇ, ನಂಗ ಇನ್ನನೆ ಎಣ್ಣ್‌ಚೇಂಗಿಯು, ನಿಂಗಡ ಪಕ್ಕ ನಲ್ಲದ್ ಪಿಂಞ ರಕ್ಷಣೆರ ವಿಷಯ ಉಂಡ್‍ೕಂದ್ ನಂಗ ನಂಬಿಯಂಡುಂಡ್.

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

2 ಪೇತ್ರ 2:21

ಅನ್ನನೆ ಉಳ್ಳಯಿಂಗ, ನೀತಿರ ಬಟ್ಟೇನ ಗೊತ್ತಾನ ಪಿಂಞ ಅಯಿಂಗಕ್ ಒಪ್ಪ್‌ಚಿಟ್ಟ ಪವಿತ್ರವಾನ ಆಜ್ಞೆನ ಬುಟ್ಟಿತ್ ಪೋಪಕಿಂಜ, ಅದ್‍ನ ಅಯಿಂಗಕ್ ಗೊತ್ತಿಲ್ಲತೆ ಇಂಜಿತೇಂಗಿ ಚಾಯಾಯಿತ್‌ಪ್ಪ.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಯೂದ ಒಳ್‍ದ್‍ನ ಕಾಗದ 1:17

ಆಚೇಂಗಿ ನಾಡ ಕುಶೀರ ಜನಳೇ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪೊಸ್ತಲಂಗ, ಎಂತ ಬಪ್ಪಾಂದ್ ಮಿಂಞಲೇ ಎಣ್ಣ್‌ನ ತಕ್ಕ್‌ನ ಗೇನ ಬೆಚ್ಚೊಳಿ.

ಯೂದ ಒಳ್‍ದ್‍ನ ಕಾಗದ 1:20

ಆಚೇಂಗಿ ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ಮಹಾ ಪವಿತ್ರವಾನ ನಂಬಿಕೇರ ಮೇಲೆ ನಿಂಗಳ ದೃಡ ಮಾಡಿಯಂಡ್, ಪವಿತ್ರ ಆತ್ಮತ್‍ಲ್ ಪ್ರಾರ್ಥನೆ ಮಾಡಿಯಂಡ್,

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.