ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:17 - ಕೊಡವ ಬೈಬಲ್

¹⁷ ಯೆಹೋವ, ಯೋನನ ನುಂಗುವಕಾಯಿತ್‌ ಒರ್‌ ಬಲ್ಯ ಮೀನ್ನ ತಯಾರ್‌ ಮಾಡಿತ್‌ ಅಯಿಚತ್. ಯೋನ, ಮೂಂದ್‌ ದಿನ ಪೊಲಾಕ ಬಯಿಟ್ ಆ ಮೀನ್‌ರ ಪೊಟ್ಟೆರ ಒಳ್‌ಲ್‌ ಇಂಜತ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:21

ಅನ್ನನೆ ದೇವ ಬಲ್ಯ ಬಲ್ಯ ಕಡಲ್‌ ಪ್ರಾಣಿಯಳ, ನೀರ್‌ಲ್‌ ದುಂಬಿತ್‌ ಓಡಾಡುವ ಎಲ್ಲಾ ಜಾತಿರ ನಾನಾತರತ್‌ರ ಪ್ರಾಣಿಯಳ ಪಿಂಞ ಎಲ್ಲಾ ನಾನಾ ತರತ್‌ರ ಪಕ್ಷಿಯಳ, ಪ್ರತಿ ಒರ್‌ ಪ್ರಾಣಿಯಡ ಸಂತಾನ ಬೊಳಿಯುವನೆಕೆ ಉಂಟ್ ಮಾಡ್‌ಚಿ. ದೇವ ಇದನ ನಲ್ಲದ್‍ೕಂದ್‌ ಕಂಡತ್.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 2:10

ಪಿಂಞ, ಯೆಹೋವ ಮೀನ್‌ಕ್‌ ಆಜ್ಞೆ ಕೊಡ್‌ತತ್, ಅದ್‌ ಯೋನನ ಒಣ ಬೂಮಿಕ್‌ ಕಕ್ಕ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 4:6

ಅಕ್ಕ ಯೆಹೋವನಾನ ದೇವ ಅಣಕೆ ಗಿಡ ಬೊಳೆಯೊಕ್‌ ಬುಟ್ಟಿತ್‌ ಯೋನಂಡ ಮಂಡೆಕ್‌ ನಳ ಬೂವನೆಕೆ ಪಬ್ಬಿಚಿಟ್ಟತ್. ಆ ಅಣಕೆ ಗಿಡನಗುಂಡ್‌ ಯೋನಂಗ್‌ ದುಂಬ ಕುಶಿಯಾಚಿ.

ಮತ್ತಾಯ 12:40

ಯೋನ ಪ್ರವಾದಿ ಮೂಂದ್ ಬಯಿಟ್ ಮೂಂದ್ ಪೋಲ್ ಬಲ್ಯ ಮೀನ್‌ರ ಕೆಲತ್‌ಲ್ ಇಂಜನೆಕೆ, ಮನುಷ್ಯಕುಮಾರನು ಮೂಂದ್ ಬಯಿಟ್ ಮೂಂದ್ ಪೋಲ್ ಬೂಮಿರ ಅಡಿಲ್ ಇಪ್ಪ.

ಮತ್ತಾಯ 16:4

ದೇವನ ನೇರಾಯಿತ್ ಆರಾದನೆ ಮಾಡತ ಮೋಸವಾನ ಈ ಸಂತಾನಕಾರಂಗ, ನನ್ನಿಂಜ ಒರ್ ಗುರ್‌ತ್ ಬೋಂಡೂಂದ್ ಕ್‍ೕಪ. ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಈಂಗಕ್ ತಪ್ಪ್‌ಲೇಂದ್ ಎಣ್ಣಿತ್ ಅಯಿಂಗಳ ಬುಟ್ಟಿತ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:30

ಯೋನ ಪ್ರವಾದಿ ನಿನೆವೆ ಪಟ್ಟಣತ್‍ರ ಜನಕ್ ಎಚ್ಚರತ್‍ರ ಗುರ್‌ತಾಯಿತ್ಂಜನೆಕೆ, ಮನುಷ್ಯಕುಮಾರನು ಈ ಸಂತಾನಕಾರಂಗಕ್ ಗುರ್‌ತಾಯಿತ್‌ಪ್ಪ.