ಯೋಹಾನ 9:35 - ಕೊಡವ ಬೈಬಲ್

³⁵ ಅಂವೊನ ಸಬಾಮಂದಿರಕ್ ಪೊರಮೆ ಇಟ್ಟದ್‍ನ ಯೇಸು ಕ್‍ೕಟಿತ್, ಅಂವೊನ ಕಾಂಬಕ: ನೀನ್ ಮನುಷ್ಯಕುಮಾರನ ನಂಬುವಿಯಾಂದ್ ಕ್‍ೕಟತ್.

ಯೋಹಾನ 9:35 ပူးပေါင်းရင်းမြစ်များ

ಮತ್ತಾಯ 14:33

ಅಕ್ಕ, ದೋಣಿಲ್ ಇಂಜಯಿಂಗ ಬಂತ್: ನೀನ್ ನೇರಾಯಿತು ದೇವಡ ಮೋಂವೋಂದ್ ಎಣ್ಣಿತ್, ಯೇಸುನ ಆರಾದನೆ ಮಾಡ್‍ಚಿ.

ಮತ್ತಾಯ 16:16

ಅದ್ಂಗ್ ಸೀಮೋನ ಪೇತ್ರ: ನೀನ್ ಎಕ್ಕಾಲು ಬದ್‍ಕಿಯಂಡುಳ್ಳ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ.

ಮತ್ತಾಯ 4:3

ಅಕ್ಕ ಸೈತಾನ ಯೇಸುರ ಪಕ್ಕ ಬಂತ್: ನೀನ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 1:1

ಇದ್ ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿರ ತೊಡಕ.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 1:34

ಅನ್ನನೆ ನಾನ್ ಕಂಡಿತ್, ಇಂವೊನೇ ದೇವಡ ಮೋಂವೋಂದ್ ಸಾಕ್ಷಿ ಕೊಡ್‌ತಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 10:36

ಅಪ್ಪನಾನ ದೇವ ನನ್ನ ಪವಿತ್ರ ಮಾಡಿತ್, ಈ ಲೋಕಕ್ ಅಯಿಚಿತಿಪ್ಪಕ, ನಾನ್ ನನ್ನ ದೇವಡ ಮೋಂವೋಂದ್ ಎಣ್ಣ್‌ನಾಂಗ್, ನೀನ್ ದೇವ ದೂಷಣೆ ಪರ್ಂದಂಡ್ ಉಳ್ಳಿಯಾಂದ್ ಎಣ್ಣಿಯಂಡುಳ್ಳಿರ?

ಯೋಹಾನ 11:27

ಅದ್ಂಗ್ ಅವ: ಅಕ್ಕು ಒಡೆಯನೇ, ನೀನೇ ಕ್ರಿಸ್ತಾಂದ್ ನಂಬುವಿ, ನೀನೇ ಈ ಲೋಕಕ್ ಬಪ್ಪಕುಳ್ಳ ದೇವಡ ಮೋಂವೋಂದ್ ಎಣ್ಣ್‌ಚಿ.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 5:14

ಚೆನ್ನ ಸಮಯ ಕಯಿಂಜ ಪಿಂಞ, ಯೇಸು ಆ ಮನುಷ್ಯನ ದೇವಾಲಯತ್‍ಲ್ ಕಂಡತ್: ನೋಟ್, ನೀನ್ ಇಕ್ಕ ವಾಸಿ ಆಯಿತುಳ್ಳಿಯ, ಇಂಞು ನೀನ್ ಪಾಪ ಮಾಡತನೆಕೆ ಇರ್, ಇಲ್ಲತಪೋಚೇಂಗಿ ಇದ್‌ಂಗಿಂಜ ಬಲ್ಯ ಕಾಯಿಲೆ ನೀಕ್ ಬಪ್ಪಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 6:69

ನೀನ್ ಜೀವವಾಯಿತುಳ್ಳ ದೇವಡ ಪವಿತ್ರವಾನಂವೋಂದ್ ನಂಗಕ್ ಗೊತ್ತಾನಗುಂಡ್ ನಿನ್ನ ನಂಬಿಯೇಂದ್ ಎಣ್ಣ್‌ಚಿ.

ಯೋಹಾನ 9:22

ಅಂವೊಂಡ ಅಪ್ಪವ್ವ ಯೆಹೂದ್ಯಂಗಡ ಅದಿಕಾರಿಯಂಗಕ್ ದುಂಬ ಬೊತ್ತ್‌ಚಿಟ್ಟಗುಂಡ್ ಇನ್ನನೆ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೇಂಗಿ ಯೇಸುನ ಕ್ರಿಸ್ತಾಂದ್ ಅರಿಕೆ ಮಾಡ್‍ಚೇಂಗಿ, ಅಂವೊನ ಸಬಾಮಂದಿರಕ್ ಪೊರಮೆ ಇಡಂಡೂಂದ್ ಯೆಹೂದ್ಯಂಗ ಅಕ್ಕಲೆ ಎಣ್ಣಿತ್ಂಜತ್.

ಯೋಹಾನ 9:34

ಅಕ್ಕ ಅಯಿಂಗ ಅಂವೊಂಗ್: ನೀನ್ ಬರಿ ಪಾಪತ್‍ಲ್ ಪುಟ್‌ನಂವೊ, ನೀನ್ ನಂಗಕ್ ಉಪದೇಶ ಮಾಡ್‌ವಿಯಾಂದ್ ಎಣ್ಣಿತ್, ಅಂವೊನ ಪೊರಂಬಡಿ ಮಾಡ್‍ಚಿ.

ಅಪೊಸ್ತಲ 8:36

ಇನ್ನನೆ ಅಯಿಂಗ ಬಟ್ಟೇಲ್ ಪೋಯಂಡಿಪ್ಪಕ, ನೀರ್ ಇಂಜ ಜಾಗಕ್ ಬಾತ್. ಅಕ್ಕ ಆ ಅದಿಕಾರಿ: ನೋಟ್, ಇಲ್ಲಿ ನೀರ್ ಉಂಡ್, ನಾಕ್ ದೀಕ್ಷಾಸ್ನಾನ ತಪ್ಪಕ್ ತಡೆ ಏದೇಂಗಿ ಉಂಡಾಂದ್ ಕ್‍ೕಟತ್.

ಅಪೊಸ್ತಲ 8:37

ಅದ್ಂಗ್ ಫಿಲಿಪ್ಪ: ನೀನ್ ತ್‍ೕರ ಹೃದಯತ್‍ಲ್ ನಂಬ್‍ಚೇಂಗಿ ತಡೆ ಒಂದು ಇಲ್ಲೆ, ಅಕ್ಕ ಅಂವೊ, ಯೇಸು ಕ್ರಿಸ್ತ ದೇವಡ ಮೋಂವೋಂದ್ ನಾನ್ ನಂಬುವೀಂದ್ ಎಣ್ಣ್‌ಚಿ.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

ರೋಮ್ 1:4

ಅಂವೊನ ದೇವ ಚತ್ತಯಿಂಗಡ ಮದ್ಯತ್ಂಜ ಪವಿತ್ರಾತ್ಮಂಡ ಶಕ್ತಿಲ್ ಜೀವವಾಯಿತ್ ಎಪ್ಪ್‌ಚಿಟ್ಟಗುಂಡ್, ಅಂವೊ ದೇವಡ ಮೋಂವೋಂದ್ ದೃಡವಾಯಿತ್ ಅರಿಚಿಟ್ಟತ್.

ರೋಮ್ 10:20

ಯೆಶಾಯ ಪ್ರವಾದಿ: ನನ್ನ ತ್‍ೕಡತಯಿಂಗ ನನ್ನ ಕಂಡ್‌ಪುಡ್‌ಚತ್, ನಾಡ ವಿಷಯತ್‍ನ ಕ್‍ೕಕತಯಿಂಗಕ್ ನಾನ್ ದಾರ್‍ೕಂದ್ ಗೊತ್ತಾಚೀಂದ್ ದೈರ್ಯವಾಯಿತ್ ಎಣ್ಣ್‌ಚಿ.

1 ಯೋಹಾನ 4:15

ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

1 ಯೋಹಾನ 5:10

ಆನಗುಂಡ್ ದೇವಡ ಮೋಂವೊಂಡಲ್ಲಿ ನಂಬಿಕೆ ಇಟ್ಟಿತುಳ್ಳಯಿಂಗಡ ಹೃದಯತ್‍ಲ್ ಈ ಸಾಕ್ಷಿ ಉಂಡ್. ಆಚೇಂಗಿ ದಾರೆಲ್ಲಾ ದೇವನ ನಂಬುಲೆಯೋ ಅಯಿಂಗ ಅಂವೊನ ಪೊಟ್ಟ್‌ಮಾರಿಯಾಯಿತ್ ಮಾಡಿಯಂಡುಂಡ್. ಎನ್ನನೆ ಎಣ್ಣ್‌ಚೇಂಗಿ ದೇವ ತಾಂಡ ಮೋಂವೊಂಡ ವಿಷಯತ್‍ಲ್ ಎಣ್ಣ್‌ನ ಸಾಕ್ಷಿನ ಅಯಿಂಗ ನಂಬಿತ್‌ಲ್ಲೆ.

1 ಯೋಹಾನ 5:13

ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ಗೊತ್ತಾಪಕಾಯಿತ್, ದೇವಡ ಮೋಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚಿತುಳ್ಳ ನಿಂಗಕ್ ನಾನ್ ಇದ್‍ನ ಒಳ್‍ದ್‍ವಿ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

1 ಯೋಹಾನ 5:5

ಯೇಸು ದೇವಡ ಮೋಂವೋಂದ್ ನಂಬ್‌ನಯಂಗಳ ಅಲ್ಲತೆ ಈ ಲೋಕತ್‍ನ ಗೆಲ್ಲ್‌ವದ್ ಬೋರೆ ದಾರ್?

3 ಯೋಹಾನ 1:10

ಅದ್ಂಗಾಯಿತ್ ನಾನ್ ನಿಂಗಡ ಪಕ್ಕ ಬಂದತೇಂಗಿ ಅಂವೊ ಮಾಡ್‌ವ ಕೆಟ್ಟ ಕೆಲಸತ್‍ನ ನಿಂಗಕ್ ಕಾಟಿತಪ್ಪಿ. ನಂಗಡ ವಿಷಯತ್‍ಲ್, ಎಣ್ಣುವಕ್ಕಾಗತ ಕೆಟ್ಟ ತಕ್ಕ್‌ನ ಅಂವೊ ಪರ್ಂದಂಡುಂಡ್. ಅದ್‍ಲ್ ಅಯಿಂಗ ತೃಪ್ತಿ ಆಕತನೆಕೆ, ಯೇಸುನ ನಂಬ್‍ನಯಿಂಗಳ ಸಬೇಕ್ ಸತ್ಕಾರ ಮಾಡತೆ, ಪಿಂಞ ಬೋರೆ ದಾರೇಂಗಿಯು ಅಯಿಂಗಳ ಸತ್ಕಾರ ಮಾಡ್‍ಚೇಂಗಿ ಅಯಿಂಗಳ ಸಹ ಸಬೇಕ್ ಪೊರಮೆ ಇಟ್ಟಂಡುಂಡ್.