ಯೋಹಾನ 9:34 - ಕೊಡವ ಬೈಬಲ್

³⁴ ಅಕ್ಕ ಅಯಿಂಗ ಅಂವೊಂಗ್: ನೀನ್ ಬರಿ ಪಾಪತ್‍ಲ್ ಪುಟ್‌ನಂವೊ, ನೀನ್ ನಂಗಕ್ ಉಪದೇಶ ಮಾಡ್‌ವಿಯಾಂದ್ ಎಣ್ಣಿತ್, ಅಂವೊನ ಪೊರಂಬಡಿ ಮಾಡ್‍ಚಿ.

ಯೋಹಾನ 9:34 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:9

ಅದ್‌ಂಗ್‌ ಅಯಿಂಗ: ನಂಗಕ್‌ ಬಟ್ಟೆ ಬುಡ್. ಇಂವೊ ನಂಗಡಲ್ಲಿಕ್‌ ಪರದೇಶಿಯಾಯಿತ್‌ ಬಾತ್. ಇಕ್ಕ ಇಂವೊ ನಂಗಕ್‌ ನ್ಯಾಯ ತಕ್ಕ್‌ ಪರಿಯುವಕ್‌ ಬಂದಂಡುಂಡ್. ಇಕ್ಕ ಅಯಿಂಗಕ್‌ ಮಾಡುವ ಕ್‍ೕಡ್‌ಕಿಂಜ ನೀಕ್‌ ದುಂಬ ಕ್‍ೕಡ್‌ ಮಾಡ್‌ವಾಂದ್‌ ಎಣ್ಣಿತ್, ಲೋಟನ ತಳ್ಳಿಯಂಡ್‌ ಮನೆರ ಪಡಿನ ಒಡೆಪಕ್‌ ಬಾತ್.

ಜ್ಞಾನತ್‌ರ ಪಡಿಮ 22:10

ಪರಿಹಾಸ ಮಾಡ್‌ವಂವೊನ ದೌತ್. ಅಕ್ಕ ಜಗಳ ತೊಲಗುವ. ವಾದ ಆಡ್‌ ಅವಮಾನ ಆಡ್‌ ಇಲ್ಲತೆ ಆಪ.

ಜ್ಞಾನತ್‌ರ ಪಡಿಮ 26:12

ತನ್ನ ತಾನೆ ಜ್ಞಾನೀಂದ್‌ ಗೇನ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯಕಿಂಜಿ ಮೂಡಂಡ ಮೇಲೆ ನಿರೀಕ್ಷೆ ಬೆಕ್ಕಲು.

ಜ್ಞಾನತ್‌ರ ಪಡಿಮ 29:1

ಒಬ್ಬಂಗ್‌ ದುಂಬಕುರಿ ಎಚ್ಚರ ಮಾಡಿತೂ ಅಂವೊ ತನ್ನ ಕಠಿಣ ಮಾಡಿಯಂಡತೇಂಗಿ ಸಹಾಯಯಿಲ್ಲತೆ ಒಮ್ಮಕೆ ನಾಶ ಆಯಿಪೋಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:45

ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ, ನೀನ್ ಇನ್ನನೆ ಎಣ್ಣಿತ್ ನಂಗಳ ಞಾಣ ಕೆಡ್‍ತಿಯಂಡುಳ್ಳಿಯಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:11

ನಿಂಗ, ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:17

ದಾರಾಚೇಂಗಿಯು ಚೆರಿಯ ಮಕ್ಕಡನೆಕೆ ದೇವಡ ರಾಜ್ಯತ್‍ನ ಸ್ವೀಕಾರ ಮಾಡತೆ ಪೋಚೇಂಗಿ, ಅದ್ಂಡ ಒಳ್‍ಕ್ ಪೋಪ್‌ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:22

ಮನುಷ್ಯಕುಮಾರಂಗಾಯಿತ್ ಜನ ನಿಂಗಳ ಪಗೆ ಮಾಡಿತ್, ನಿಂಗಳ ತ್‍ಕ್ಕಾರ ಮಾಡಿತ್, ಅವಮಾನ ಮಾಡಿತ್, ನಿಂಗಕ್ ಕೆಟ್ಟ ಪೆದ ತಂತ್, ಬೋಂಡಾಂದ್ ಪೊರಮೆ ಇಟ್ಟತೇಂಗಿ ನಿಂಗ ಆಶೀರ್ವಾದ ಪಡ್ಂದಯಿಂಗಳಾಯಿತ್‌ಪ್ಪಿರ.

ಯೋಹಾನ 6:37

ಅಪ್ಪನಾನ ದೇವ ನಾಕ್ ತಪ್ಪಯಿಂಗೆಲ್ಲಾ, ನಾಡ ಪಕ್ಕ ಬಪ್ಪ. ನಾಡ ಪಕ್ಕ ಬಪ್ಪಯಿಂಗಳ ನಾನ್ ನೇರಾಯಿತು ಪೊರಮೆ ದೂಡಿತ್ ಇಡುಲೆ.

ಯೋಹಾನ 8:41

ನಿಂಗ ನಿಂಗಡ ಅಪ್ಪ ಮಾಡ್‌ನಾನ ಮಾಡ್‌ವಿರಾಂದ್ ಎಣ್ಣ್‌ಚಿ. ಅಕ್ಕ ಅಯಿಂಗ ಅಂವೊಂಗ್: ನಂಗ ತಪ್ಪಾಯಿತ್ ಪುಟ್ಟ್‌ನಯಿಂಗ ಅಲ್ಲ, ನಂಗಕ್ ಒರೇ ಅಪ್ಪ ಮಾತ್ರ ಉಂಡ್, ಅಂವೊನೇ ನಂಗಡ ದೇವಾಂದ್ ಕೂತ್ ಕೊಡ್‍ತತ್.

ಯೋಹಾನ 9:2

ಅಕ್ಕ ಅಂವೊಂಡ ಶಿಷ್ಯಂಗ: ಉಪಾದ್ಯನೇ, ಈ ಮನುಷ್ಯ ಕುರ್‌ಡನಾಯಿತ್ ಪುಟ್ಟ್‌ನದ್ ದಾರ್ ಮಾಡ್‍ನ ಪಾಪ? ಇಂವೊ ಮಾಡ್‍ನ ಪಾಪವಾ ಅಥವ ಇಂವೊಂಡ ಅಪ್ಪವ್ವ ಮಾಡ್‍ನ ಪಾಪವಾಂದ್ ಯೇಸುನ ಕ್‍ೕಟತ್.

ಯೋಹಾನ 9:22

ಅಂವೊಂಡ ಅಪ್ಪವ್ವ ಯೆಹೂದ್ಯಂಗಡ ಅದಿಕಾರಿಯಂಗಕ್ ದುಂಬ ಬೊತ್ತ್‌ಚಿಟ್ಟಗುಂಡ್ ಇನ್ನನೆ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೇಂಗಿ ಯೇಸುನ ಕ್ರಿಸ್ತಾಂದ್ ಅರಿಕೆ ಮಾಡ್‍ಚೇಂಗಿ, ಅಂವೊನ ಸಬಾಮಂದಿರಕ್ ಪೊರಮೆ ಇಡಂಡೂಂದ್ ಯೆಹೂದ್ಯಂಗ ಅಕ್ಕಲೆ ಎಣ್ಣಿತ್ಂಜತ್.

ಯೋಹಾನ 9:35

ಅಂವೊನ ಸಬಾಮಂದಿರಕ್ ಪೊರಮೆ ಇಟ್ಟದ್‍ನ ಯೇಸು ಕ್‍ೕಟಿತ್, ಅಂವೊನ ಕಾಂಬಕ: ನೀನ್ ಮನುಷ್ಯಕುಮಾರನ ನಂಬುವಿಯಾಂದ್ ಕ್‍ೕಟತ್.

ಯೋಹಾನ 9:40

ಅಕ್ಕ ಅಲ್ಲಿ ಯೇಸುರ ಕೂಡೆ ನಿಂದಂಡಿಂಜ ಚೆನ್ನ ಫರಿಸಾಯಂಗ ಅಂವೊ ಎಣ್ಣುವಾನ ಕ್‍ೕಟಿತ್: ನಂಗ ಸಹ ಕುರ್‌ಡಂಗಳಾಂದ್ ಕ್‍ೕಟತ್.

1 ಕೊರಿಂಥ 5:13

ಆನಗುಂಡ್ ಕೆಟ್ಟ ಜನಳ ನಿಂಗಡಯಿಂಜ ಪೊರಮೆ ಇಡಿ.

ಗಲಾತ್ಯ 2:15

ನಾನು ನಿಂಗಳು ಯೆಹೂದ್ಯಂಗಳಾಯಿತೇ ಪುಟ್ಟ್‌ನಯಿಂಗ, ಯೆಹೂದ್ಯರಲ್ಲತ ಜನಡರನೆಕೆ ಪಾಪಿಯಂಗ ಅಲ್ಲ.

ಎಫೆಸ 2:3

ನಂಗಳು ಸಹ ಅನ್ನನೆ ನಂಗಡ ತಡೀರ ಇಚ್ಛೆರ ಪ್ರಕಾರ ನಡ್ಂದಂಡ್, ನಂಗಡ ತಡಿ ಪಿಂಞ ಮನಸ್ಸ್ ಇಷ್ಟ ಪಟ್ಟಾನ ಮಾಡಿಯಂಡ್ ಇಂಜತ್. ಅನ್ನನೆ ನಂಗಡ ಪಾಪ ಗುಣತ್‍ರ ಪ್ರಕಾರ ಬೋರೆಯಿಂಗಡನೆಕೆ ದೇವಡ ಬಲ್ಯ ಚೆಡಿರ ಮಕ್ಕಳಾಯಿತ್ ಶಿಕ್ಷೆಕ್ ಒಳಪಟ್ಟಿತ್ಂಜತ್.

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.

3 ಯೋಹಾನ 1:10

ಅದ್ಂಗಾಯಿತ್ ನಾನ್ ನಿಂಗಡ ಪಕ್ಕ ಬಂದತೇಂಗಿ ಅಂವೊ ಮಾಡ್‌ವ ಕೆಟ್ಟ ಕೆಲಸತ್‍ನ ನಿಂಗಕ್ ಕಾಟಿತಪ್ಪಿ. ನಂಗಡ ವಿಷಯತ್‍ಲ್, ಎಣ್ಣುವಕ್ಕಾಗತ ಕೆಟ್ಟ ತಕ್ಕ್‌ನ ಅಂವೊ ಪರ್ಂದಂಡುಂಡ್. ಅದ್‍ಲ್ ಅಯಿಂಗ ತೃಪ್ತಿ ಆಕತನೆಕೆ, ಯೇಸುನ ನಂಬ್‍ನಯಿಂಗಳ ಸಬೇಕ್ ಸತ್ಕಾರ ಮಾಡತೆ, ಪಿಂಞ ಬೋರೆ ದಾರೇಂಗಿಯು ಅಯಿಂಗಳ ಸತ್ಕಾರ ಮಾಡ್‍ಚೇಂಗಿ ಅಯಿಂಗಳ ಸಹ ಸಬೇಕ್ ಪೊರಮೆ ಇಟ್ಟಂಡುಂಡ್.

3 ಯೋಹಾನ 1:9

ನಾನ್ ಸಬೇಕ್ ಕಾಗದತ್‍ನ ಒಳ್‍ದಿಯೆ. ಆಚೇಂಗಿ ಸಬೇಲ್ ಮುಕ್ಯಸ್ತನಾಯಿತ್‌ಪ್ಪಕ್ ಕುಶಿಯಾಯಿತುಳ್ಳ ದಿಯೊತ್ರೇಫ ನಂಗ ಎಣ್ಣ್‌ನಾನ ಕ್‍ೕಪಕ್ ಮನಸ್ಸಿಲತಂವೊನಾಯಿತುಂಡ್.

ಪ್ರಕಟನೆ 13:17

ಆ ಮೃಗತ್‍ರ ಮುದ್ರೆ ಇಲ್ಲತಪೋಚೇಂಗಿ, ಅದ್ಂಡ ಪೆದತ್‍ರ ಲೆಕ್ಕ ಕ್‍ಟ್ಟನಯಿಂಗಳ ಬುಟ್ಟಿತ್, ಬೋರೆ ದಾರ್‌ಕು ಎಡ್‍ಪಕು, ಮಾರ್‍ವಕೂ ಕಯ್ಯತನೆಕೆ ಮಾಡ್‍ಚಿ.