ಯೋಹಾನ 9:31 - ಕೊಡವ ಬೈಬಲ್

³¹ ಪಾಪಿಯಂಗಕ್ ದೇವ ಕೆಮಿ ಕೊಡ್‍ಪ್‍ಲೇಂದ್ ನಂಗಕ್ ಗೊತ್ತುಂಡ್, ಆಚೇಂಗಿ ದಾರ್ ದೇವಡ ತಕ್ಕ್ ಕ್‍ೕಟಿತ್, ಅಂವೊಂಡ ಚಿತ್ತತ್‍ರನೆಕೆ ನಡ್‍ಪ, ಅಯಿಂಗಕ್ ದೇವ ಕೆಮಿ ಕೊಡ್‍ಪ.

ಯೋಹಾನ 9:31 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:29

ಆಚೇಂಗಿ, ಯೆಹೋವ ಆ ಸಮತಟ್ಟ್‌ ಬೂಮಿಲ್‌ ಉಳ್ಳ ಪಟ್ಟಣತ್‌ನೆಲ್ಲಾ ನಾಶಮಾಡುವಕ ಅಬ್ರಹಾಮಂಡ ಕೋರಿಕೆನ ಗೇನಮಾಡಿತ್, ಲೋಟ ವಾಸಮಾಡಿಯಂಡಿಂಜ ಪಟ್ಟಣಂಗಕ್‌ ಬಂದ ಕ್‍ೕಡಿಂಜ ಲೋಟ ತಪ್ಪಿಚಿಡ್‌ವನೆಕೆ ಅಂವೊನ ಅಯಿಚಿರ್‌ತ್.

ಆದ್ಯತ್‌ರ ಪುಸ್ತಕ 20:7

ಇಕ್ಕ ನೀನ್‌ ಆ ಮನುಷ್ಯಂಡ ಪೊಣ್ಣ್‌ನ ತಿರಿತ್‌ ಅಂವೊಂಡ ಪಕ್ಕ ಅಯಿಚಿರ್. ಅಂವೊ ಒರ್‌ ಪ್ರವಾದಿ; ಅಂವೊ ನೀಕಾಯಿತ್‌ ಪ್ರಾರ್ಥನೆ ಮಾಡುವ, ನೀನ್‌ ಬದ್‌ಕ್‌ವಿಯ; ನೀನ್‌ ಅವಳ ತಿರಿತ್‌ ಅಂವೊಂಡ ಪಕ್ಕ ಅಯಿಕತೆ ಪೋಚೇಂಗಿ, ನೀನ್‌ ಪಿಂಞ ನೀಡ ಎಲ್ಲಾ ಮನೆಕಾರಂಗ ನೇರಾಯಿತು ಚತ್ತ್‌ ಪೋಪಾಂದ್‌ ಸ್ವಪ್ನತ್‌ಲ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 15:29

ದುಷ್ಟಂಗಕ್‌ ಯೆಹೋವ ದೂರವಾಯಿತುಂಡ್. ಆಚೇಂಗಿ ನೀತಿವಂತಯಿಂಗಡ ಪ್ರಾರ್ಥನೆನ ಕ್‍ೕಪ.

ಜ್ಞಾನತ್‌ರ ಪಡಿಮ 21:13

ಗರೀಬ ಕೂತ್‌ಡ್‌ವಕ ಕೆಮಿ ಕೊಡ್‌ಕತೆ ಪೋಚೇಂಗಿ, ತಾನ್‌ ಜೋರಾಯಿತ್‌ ಕೂತ್‌ಡುವಕ ದಾರು ಜವಾಬ್ ಕೊಡ್‌ಪ್‌ಲೆ.

ಜ್ಞಾನತ್‌ರ ಪಡಿಮ 28:9

ದೇವಡ ನ್ಯಾಯಪ್ರಮಾಣಕ್‌ ಕೆಮಿ ಕೊಡ್‌ಕತಂವೊಂಡ ಪ್ರಾರ್ಥನೆ ದೇವಂಗ್‌ ಅಸಹ್ಯವಾನದ್.

ಯೋಹಾನ 11:22

ಆಚೇಂಗಿಯು, ಇಕ್ಕ ಸಹ, ನೀನ್ ದೇವನ ಎಂತ ಕ್‍ೕಪಿಯ, ಅದ್‍ನ ತಪ್ಪಾಂದ್ ನಾಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 15:16

ನಿಂಗ ನನ್ನ ಗೊತ್ತ್ ಮಾಡಿತ್‌ಲ್ಲೆ. ನಾನ್ ನಿಂಗಳ ಗೊತ್ತ್ ಮಾಡಿಯೆ; ನಿಂಗ ಪೋಯಿತ್ ಫಲ ತಪ್ಪನೆಕೆಯು, ನಿಂಗಡ ಫಲ ಸದಾ ನಿಕ್ಕಂಡೂಂದು ನಿಂಗಳ ನೇಮಿಚಿಟ್ಟಿಯೆ. ಆನಗುಂಡ್, ನಾಡ ಪೆದತ್‍ಲ್ ಅಪ್ಪನ ನಿಂಗ ಎಂತ ಕ್‍ೕಪಿರೋ, ಅದ್‍ನ ಅಂವೊ ನಿಂಗಕ್ ತಪ್ಪ.

ಯೋಹಾನ 4:34

ಅಯಿಂಗಕ್ ಯೇಸು: ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡಿತ್, ಅಂವೊಂಡ ಕ್ರಿಯೇನ ನೆರೆವೇರಿಚಿಡುವದೇ ನಾಡ ಆಹಾರಾಂದ್ ಎಣ್ಣ್‌ಚಿ.

ಯೋಹಾನ 7:17

ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್.

ಯೋಹಾನ 9:30

ಅದ್ಂಗ್ ಆ ಮನುಷ್ಯ: ಅಂವೊ ನಾಡ ಕಣ್ಣ್‌ನ ತೊರ್‌ಂದಿತ್ಂಜತೇಂಗಿಯು, ಅಂವೊ ಎಲ್ಲಿಂಜ ಬಂದಂವೋಂದ್ ನಿಂಗಕ್ ಗೊತ್ತಿಲ್ಲತೆ ಇಪ್ಪದ್ ಆಶ್ಚರ್ಯವಾನ ವಿಷಯಾಂದ್ ಎಣ್ಣ್‌ಚಿ

ಯೋಹಾನ 9:32

ಪುಟ್ಟ್‌ವಕಿಂಜ್‌ಲೆ ಕುರ್‌ಡನಾಯಿತ್ಂಜಂವೊಂಡ ಕಣ್ಣ್‌ನ ಒಬ್ಬ ತೊರಂದತ್‍ೕಂದ್ ಈ ಲೋಕ ಸೃಷ್ಟಿಯಾನ ಕಾಲತ್ಂಜ ಇಲ್ಲಿಕತ್ತನೆ ನಂಗ ಕ್‍ೕಟಿತ್‌ಲ್ಲೆಲ್ಲಾ?

ಇಬ್ರಿಯ 10:7

ಅಕ್ಕ ಕ್ರಿಸ್ತ: ದೇವಾ, ನೀಡ ಪುಸ್ತಕತ್‍ಲ್ ನಾಡ ವಿಷಯತ್ ಎಣ್ಣಿತುಂಡ್; ನೋಟಿ, ನೀಡ ಚಿತ್ತತ್‍ರನೆಕೆ ಮಾಡ್‌ವಕ್ ನಾನ್ ಬಂದಂಡುಳ್ಳ್‌ಂದ್ ಎಣ್ಣ್‌ಚಿ.