ಯೋಹಾನ 9:3 - ಕೊಡವ ಬೈಬಲ್

³ ಯೇಸು ಅಯಿಂಗಕ್: ಇಂವೊ ಮಾಡ್‍ನ ಪಾಪವು ಅಲ್ಲ, ಇಂವೊಂಡ ಅಪ್ಪವ್ವ ಮಾಡ್‍ನ ಪಾಪವು ಅಲ್ಲ, ದೇವಡ ಶಕ್ತಿ ಇಂವೊಂಡಲ್ಲಿ ಕಾಂಬಕಾಯಿತ್ ಇನ್ನನೆ ಪುಟ್ಟ್‌ಚೀಂದ್ ಎಣ್ಣ್‌ಚಿ.

ಯೋಹಾನ 9:3 ပူးပေါင်းရင်းမြစ်များ

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಯೋಹಾನ 11:4

ಯೇಸು ಇದ್‍ನ ಕ್‍ೕಟದು: ಇದ್ ಲಾಜರ ಚತ್ತ್ ಪೋಪಕುಳ್ಳ ಕಾಯಿಲೆ ಅಲ್ಲ, ಇದ್ಂಡ ಮೂಲಕ ದೇವಡ ಪೆದಕ್ ಮಹಿಮೆ ಕ್‍ಟ್ಟುವ, ಅದ್ಂಡ ಮೂಲಕ ದೇವಡ ಮೋಂವೊನಾನ ನಾಕ್ ಮಹಿಮೆ ಕ್‌ಟ್ಟುವಾಂದ್ ಎಣ್ಣ್‌ಚಿ.

ಯೋಹಾನ 11:40

ಅಕ್ಕ ಯೇಸು ಅವಳ ನೋಟಿತ್: ನೀಕ್ ನಾಡ ಮೇಲೆ ನಂಬಿಕೆ ಇಂಜತೇಂಗಿ ದೇವಡ ಮಹಿಮೆನ ಕಾಂಬಿಯಾಂದ್ ನಾನ್ ನೀಕ್ ಎಣ್ಣಿತಿಲ್ಲೆಯಾಂದ್ ಎಣ್ಣ್‌ಚಿ.

ಅಪೊಸ್ತಲ 28:4

ಆ ಪಾಂಬ್ ಪೌಲಂಡ ಕೈಯಿಲ್ ತೂಂಗಿಯಂಡ್ ಇಪ್ಪದ್‍ನ ಆ ದ್ವೀಪತ್‍ರ ಜನ ಕಾಂಬಕ, ಈ ಮನುಷ್ಯ ಒರ್ ಕೊಲೆಗಾರನಾಯಿತ್ ಇಕ್ಕೂಂದ್ ಕಾಂಬ; ಸಮುದ್ರತ್‍ಂಜ ತಪ್ಪಿಚಿಟ್ಟಂಡ್ ಬಂದತೇಂಗಿಯು, ನ್ಯಾಯ ಇಂವೊನ ಬದ್‍ಕ್‍ವಕ್ ಬುಡ್‍ಲೇಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

1 ಯೋಹಾನ 4:16

ದೇವ ನಂಗಡ ಮೇಲೆ ಇಟ್ಟಿತುಳ್ಳ ಪ್ರೀತಿ ನಂಗಕ್ ಗೊತ್ತಾಯಿತ್, ಆ ಪ್ರೀತಿನ ಸತ್ಯಾಂದ್ ನಂಗ ನಂಬಿಯತ್. ದೇವ ಪ್ರೀತಿಯಾಯಿತೇ ಉಂಡ್. ದಾರೆಲ್ಲ ಪ್ರೀತಿಲ್ ಬದ್‍ಕ್‍ವ ಅಂವೊ ದೇವಡ ಕೂಡೆ ಐಕ್ಯತ್‍ಲ್ ಇಪ್ಪ, ದೇವ ಸಹ ಅಂವೊಂಡ ಕೂಡೆ ಐಕ್ಯತ್‍ಲ್ ಇಪ್ಪ.

1 ಯೋಹಾನ 4:9

ದೇವ ತಾಂಡ ಒರೇ ಮೋಂವೊನ ಈ ಲೋಕಕ್ ಅಯಿಚಗುಂಡ್ ದೇವ ನಂಗಡ ಮೇಲೆ ಪ್ರೀತಿ ಬೆಚ್ಚಿತುಂಡ್‍ೕಂದ್ ಗೊತ್ತಾಚಿ. ಆನಗುಂಡ್ ಅಂವೊನಗುಂಡ್ ನಂಗಕ್ ನಿತ್ಯ ಜೀವ ಕ್‍ಟ್ಟ್‌ಚಿ.