ಯೋಹಾನ 9:29 - ಕೊಡವ ಬೈಬಲ್

²⁹ ಮೋಶೇರ ಕೂಡೆ ದೇವ ತಕ್ಕ್ ಪರ್ಂದತ್‍ೕಂದ್ ನಂಗಕ್ ಗೊತ್ತುಂಡ್. ಆಚೇಂಗಿ ಇಂವೊ ಎಲ್ಲಿಂಜ ಬಂದಂವೋಂದ್ ನಂಗಕ್ ಗೊತ್ತಿಲ್ಲೇಂದ್ ಎಣ್ಣ್‌ಚಿ.

ಯೋಹಾನ 9:29 ပူးပေါင်းရင်းမြစ်များ

ಮಲಾಕಿ 4:4

ನಾಡ ಸೇವಕನಾನ ಮೋಶೆರ ಕಾನೂನ್‌ರ ಪ್ರಕಾರ ನಡ್‌ಪಕ್‌ ಗೇನ ಬೆಚ್ಚೊಳಿ. ಅಂವೊಂಗ್‌ ಹೋರೇಬ್ ಕುಂದ್‌ಲ್‌ ಇಸ್ರಾಯೇಲ್‌ ಜನ ಎಲ್ಲಾರ್‌ಕು ಕೊಡ್‌ತ ನೇಮ ಪಿಂಞ ಆಜ್ಞೆನ ಗೇನ ಬೆಚ್ಚೊಳಿ.

ಮತ್ತಾಯ 12:24

ಫರಿಸಾಯಂಗ ಇದ್‍ನ ಕ್‍ೕಪಕ: ಇಂವೊ, ಕೂಳಿಯಡ ಮುಕ್ಯಸ್ತ ಬೆಲ್ಜೆಬೂಲನಗುಂಡ್ ಅಲ್ಲತೆ ಬೋರೆ ಏದ್ ಶಕ್ತಿಯಿಂಜಲು ಕೂಳಿನ ಬುಡ್‍ತಿಯಂಡಿಲ್ಲೇಂದ್ ಎಣ್ಣ್‌ಚಿ.

ಮತ್ತಾಯ 26:61

ಈ ದೇವಾಲಾಯತ್‌ನ ಪೊಳಿಪಕು, ಮೂಂದ್ ದಿವಸತ್‍ಲ್ ಇದ್‍ನ ಕೆಟ್ಟ್‌ವಕೂ ನಾಕ್ ಕಯ್ಯೂಂದ್ ಇಂವೊ ಎಣ್ಣ್‌ಚೀಂದ್ ಅಯಿಂಗ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:2

ಅಲ್ಲಿ ಯೇಸುರ ಮೇಲೆ ಕುತ್ತಪರಿವಕ್ ಸುರು ಮಾಡ್‍ಚಿ. ಇಂವೊ, ಕೈಸರಂಗ್ ಕಂದಾಯ ಕೊಡ್‌ಕತಿ, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಎಣ್ಣುವ ಯೆಹೂದ್ಯಂಗಡ ರಾಜಾಂದ್ ಎಣ್ಣಿತ್, ಜನಡ ಮನಸ್ಸ್‌ನ ಕಲಹ ಮಾಡಂಡೂಂದ್ ಪಾಳ್ ಮಾಡಿಯಂಡ್ ಇಂಜದ್‍ನ ನಂಗ ಕಂಡತ್‍ೕಂದ್ ಎಣ್ಣ್‌ಚಿ.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 7:27

ಇಂವೊ ಎಲ್ಲಿಂಜ ಬಾತ್‍ೕಂದ್ ನಂಗಕ್ ಗೊತ್ತುಂಡ್, ಆಚೇಂಗಿ, ಕ್ರಿಸ್ತ ಬಪ್ಪಕ, ಅಂವೊ ಎಲ್ಲಿಂಜ ಬಪ್ಪಾಂದ್ ದಾರ್‌ಕು ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 7:28

ಅನ್ನನೆ, ಯೇಸು ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಪ್ಪಕ: ನಿಂಗಕ್ ನಾನ್ ದಾರ್‍ೕಂದ್ ಗೊತ್ತುಂಡ್, ನಾನ್ ಎಲ್ಲಿಂಜ ಬಾತ್‍ೕಂದು ಗೊತ್ತುಂಡ್; ನಾನ್ ನಾಡ ಸ್ವಂತವಾಯಿತ್ ಬಂದಿತ್‌ಲ್ಲೆ, ನನ್ನ ಅಯಿಚಂವೊ ಸತ್ಯವಂತಂವೊ, ಅಂವೊನ ನಿಂಗಕ್ ಗೊತ್ತ್‌ಲ್ಲೆ.

ಯೋಹಾನ 8:14

ಅಯಿಂಗಕ್ ಯೇಸು ಇನ್ನನೆ ಉತ್ತರ ಕೊಡ್‍ತತ್: ನಾಡ ವಿಷಯತ್ ನಾನೇ ಸಾಕ್ಷಿ ಕೊಡ್‍ತ್‍ಚೇಂಗಿಯು, ನಾಡ ಸಾಕ್ಷಿ ನೇರಾನದಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ, ನಾನ್ ಎಲ್ಲಿಂಜ ಬಾತ್‍ೕಂದು, ನಾನ್ ಎಲ್ಲಿಕ್ ಪೋಪೀಂದು ನಾಕ್ ಗೊತ್ತುಂಡ್, ಆಚೇಂಗಿ ನಾನ್ ಎಲ್ಲಿಂಜ ಬಾತ್‍ೕಂದು ಎಲ್ಲಿಕ್ ಪೋಪೀಂದು ನಿಂಗಕ್ ಗೊತ್ತ್‌ಲ್ಲೆ.

ಯೋಹಾನ 9:16

ಅಕ್ಕ ಚೆನ್ನ ಫರಿಸಾಯಂಗ: ಆ ಮನುಷ್ಯ ಸಬ್ಬತ್ ದಿವಸತ್‍ರ ಆಜ್ಞೆನ ಪಾ‌ಲನೆ ಮಾಡತೆಗುಂಡ್ ಅಂವೊ ದೇವಡಯಿಂಜ ಬಂದಂವೊನಲ್ಲಾಂದ್ ಎಣ್ಣ್‌ಚಿ. ಇಂಞು ಚೆನ್ನ ಜನ: ಪಾಪಿಯಾಯಿತುಳ್ಳ ಒಬ್ಬ ಈ ತರ ಅದ್ಬುತ ಕಾರ್ಯತ್‍ನ ಎನ್ನನೆ ಮಾಡ್‌ವಾಂದ್ ಕ್‍ೕಟತ್. ಇನ್ನನೆ ಅಯಿಂಗ ದಂಡ್ ಗುಂಪಾಯಿತ್ ಆಚಿ.

ಯೋಹಾನ 9:24

ಆನಗುಂಡ್ ಕುರ್‌ಡನಾಯಿತ್ಂಜ ಆ ಮನುಷ್ಯನ ದಂಡನೆ ಕುರಿ ಕಾಕುವಂಜಿ: ನೀನ್ ದೇವಕ್ ಮಹಿಮೆ ಕೊಡ್; ನಿನ್ನ ವಾಸಿ ಮಾಡ್‍ನ ಆ ಮನುಷ್ಯ ಪಾಪೀಂದ್ ನಂಗಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 9:30

ಅದ್ಂಗ್ ಆ ಮನುಷ್ಯ: ಅಂವೊ ನಾಡ ಕಣ್ಣ್‌ನ ತೊರ್‌ಂದಿತ್ಂಜತೇಂಗಿಯು, ಅಂವೊ ಎಲ್ಲಿಂಜ ಬಂದಂವೋಂದ್ ನಿಂಗಕ್ ಗೊತ್ತಿಲ್ಲತೆ ಇಪ್ಪದ್ ಆಶ್ಚರ್ಯವಾನ ವಿಷಯಾಂದ್ ಎಣ್ಣ್‌ಚಿ

ಅಪೊಸ್ತಲ 22:22

ಈ ತಕ್ಕ್‌ಕತ್ತನೆ ಜನ ಕ್‍ೕಟಂಡಿಂಜತ್. ಬಯ್ಯ: ಇಂಥಂವೊನ ಬೂಮಿಯಿಂಜ ಎಡ್‍ತ್‍ರಿ; ಇಂವೊಂಗ್ ಬದ್‍ಕ್‍ವಕ್ ಯೋಗ್ಯತೆ ಇಲ್ಲೇಂದ್ ಕೂತ್ ಕೊಡ್‍ತತ್.

ಅಪೊಸ್ತಲ 26:22

ಆಚೇಂಗಿ, ನಾನ್ ದೇವಡ ಸಹಾಯತ್‍ನ ಪಡ್ಂದಿತ್ ಈ ದಿವಸಕತ್ತನೆ, ಚೆರಿಯಯಿಂಗಕು ಪೆರಿಯಯಿಂಗಕು ಸಾಕ್ಷಿ ಎಣ್ಣ್‌ವಂವೊನಾಯಿತುಳ್ಳ. ಪ್ರವಾದಿಯಂಗಳು ಮೋಶೇಯು ಎಣ್ಣ್‌ನ ವಿಷಯವಲ್ಲತೆ ಬೋರೆ ಒಂದು ಎಣ್ಣಿಯಂಡಿಲ್ಲೆ.

ಅಪೊಸ್ತಲ 7:35

ನಿನ್ನ ನಂಗಕ್ ಅದಿಕಾರಿಯಾಯಿತು, ನ್ಯಾಯಾದಿಪತಿಯಾಯಿತು ಮಾಡ್‍ನಂವೊ ದಾರ್‍ೕಂದ್ ಕ್‍ೕಟಿತ್, ನಂಗಕ್ ನೀನ್ ಬೋಂಡಾಂದ್ ದಾರ್ ಎಣ್ಣ್‌ಚೋ, ಅಯಿಂಗಕೇ ಈ ಮೋಶೇನ ಅಯಿಂಗಡ ಅದಿಪತಿಯಾಯಿತು, ಅಯಿಂಗಳ ಬುಡ್‍ಗಡೆ ಮಾಡ್‍ವಂವೊನಾಯಿತು, ಪೊದೆಲ್ ಪ್ರತ್ಯಕ್ಷ ಆನ ದೇವದೂತಂಡ ಮೂಲಕ ನೇಮಿಚಿಟ್ಟತ್.

ಇಬ್ರಿಯ 1:1

ಪಂಡ್ ಕಾಲತ್‍ಲ್ ದೇವ ನಂಗಡ ಮುತ್ತಜ್ಜಂಗಡ ಕೂಡೆ ಪ್ರವಾದಿಯಂಗಡ ಮೂಲಕ ಬೋರೆ ಬೋರೆ ಸಮಯತ್‍ಲ್ ಬೋರೆ ಬೋರೆ ರೀತಿಲ್ ತಕ್ಕ್ ಪರ್ಂದಂಡಿಂಜತ್.

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.