ಯೋಹಾನ 9:22 - ಕೊಡವ ಬೈಬಲ್

²² ಅಂವೊಂಡ ಅಪ್ಪವ್ವ ಯೆಹೂದ್ಯಂಗಡ ಅದಿಕಾರಿಯಂಗಕ್ ದುಂಬ ಬೊತ್ತ್‌ಚಿಟ್ಟಗುಂಡ್ ಇನ್ನನೆ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೇಂಗಿ ಯೇಸುನ ಕ್ರಿಸ್ತಾಂದ್ ಅರಿಕೆ ಮಾಡ್‍ಚೇಂಗಿ, ಅಂವೊನ ಸಬಾಮಂದಿರಕ್ ಪೊರಮೆ ಇಡಂಡೂಂದ್ ಯೆಹೂದ್ಯಂಗ ಅಕ್ಕಲೆ ಎಣ್ಣಿತ್ಂಜತ್.

ಯೋಹಾನ 9:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 29:25

ಮನುಷ್ಯಂಗಕ್‌ ಬೊತ್ತ್‌ವದ್‌ ಬಲ್ಯ ಕೆಣಿ, ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಇಡ್‌ವಂವೊ ಸೌಕ್ಯತ್‌ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:22

ಮನುಷ್ಯಕುಮಾರಂಗಾಯಿತ್ ಜನ ನಿಂಗಳ ಪಗೆ ಮಾಡಿತ್, ನಿಂಗಳ ತ್‍ಕ್ಕಾರ ಮಾಡಿತ್, ಅವಮಾನ ಮಾಡಿತ್, ನಿಂಗಕ್ ಕೆಟ್ಟ ಪೆದ ತಂತ್, ಬೋಂಡಾಂದ್ ಪೊರಮೆ ಇಟ್ಟತೇಂಗಿ ನಿಂಗ ಆಶೀರ್ವಾದ ಪಡ್ಂದಯಿಂಗಳಾಯಿತ್‌ಪ್ಪಿರ.

ಯೋಹಾನ 1:19

ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಯೋಹಾನ 19:38

ಇದೆಲ್ಲಾ ಆನ ಪಿಂಞ, ಅರಿಮತಾಯ ಎಣ್ಣುವ ಊರ್‍ಕಾರನಾನ ಯೋಸೇಫ ಪಿಲಾತಂಡ ಪಕ್ಕ ಪೋಯಿತ್ ಯೇಸುರ ಚಾವ್ ತಡೀನ ಶಿಲುಬೆಯಿಂಜ ಎಡ್‍ತಂಡ್ ಪೋಪಕ್ ಅನುಮತಿ ಕ್‍ೕಟತ್. ಈ ಯೋಸೇಫ ಯೇಸುರ ಶಿಷ್ಯನಾಯಿತ್ಂಜತ್. ಅದ್ ದಾರ್‌ಕು ಗೊತ್ತ್‌ಂಜಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಯೆಹೂದ್ಯಂಗಕ್ ಇಂವೊ ಬೊತ್ತ್‌ವಕಿಂಜತ್. ಯೇಸುರ ತಡೀನ ಎಡ್‌ತ ಪೋಂದ್ ಪಿಲಾತ ಹುಕುಮ್ ಕೊಡ್‍ತತ್. ಆನಗುಂಡ್ ಅಂವೊ ಪೋಯಿತ್, ಯೇಸುರ ತಡೀನ ಎಡ್‍ತಂಡ್ ಪೋಚಿ.

ಯೋಹಾನ 20:19

ಆ ದಿವಸ ವಾರತ್‍ರ ಆದ್ಯ ನಾಳಾನ ನಾರಾಚೆ ಆಯಿತ್ಂಜತ್. ಅಂದ್ ಬೈಟಾಪಕ, ಯೇಸುರ ಶಿಷ್ಯಂಗ ಒಟ್ಟ್ ಕೂಡಿತ್ ಇಂಜ ಜಾಗತ್‍ಲ್, ಯೆಹೂದ್ಯಂಗಕ್ ಬೊತ್ತಿಯಂಡಿಂಜಗುಂಡ್, ಪಡಿ ಇಟ್ಟಿತ್ ಒಳ್‍ಲ್ ಇಂಜತ್. ಅಕ್ಕ ಯೇಸು ಅಲ್ಲಿಕ್ ಬಪ್ಪಂಜಿ ಅಯಿಂಗಡ ಮದ್ಯತ್‍ಲ್ ನಿಂದಂಡ್: ನಿಂಗಕ್ ಸಮಾದಾನಾಂದ್ ಎಣ್ಣ್‌ಚಿ.

ಯೋಹಾನ 7:13

ಆಚೇಂಗಿಯು, ಅಯಿಂಗಕ್ ಯೆಹೂದ್ಯಂಗಡ ಅದಿಕಾರಿಯಂಗಡ ಮೇಲೆ ಪೋಡಿ ಇಂಜಗುಂಡ್, ದಾರೂ ಅಂವೊಂಡ ವಿಷಯತ್‍ನ ದೈರ್ಯವಾಯಿತ್ ಎಣ್ಣ್‌ವಕಿಂಜಿಲೆ.

ಯೋಹಾನ 9:18

ಇಂವೊ ಕುರ್‌ಡನಾಯಿತ್ ಇಂಜತ್‍ೕಂದು, ಇಕ್ಕ ಕಾಂಬನೆಕೆ ಆಚೀಂದು ಯೆಹೂದ್ಯಂಗಡ ಅದಿಕಾರಿಯಂಗಕ್ ಇಂಞು ನಂಬಿಕೆ ಬಂದಿತ್‌ಲ್ಲೆ. ಅಯಿಂಗ ಅಂವೊಂಡ ಅಪ್ಪವ್ವನ ಕಾಕುವಂಜಿ:

ಯೋಹಾನ 9:21

ಆಚೇಂಗಿ ಇಂವೊಂಗ್ ಇಕ್ಕ ಎನ್ನನೆ ಕಣ್ಣ್ ಕಾಂಬಕಾಚೀಂದು, ಇಂವೊನ ದಾರ್ ವಾಸಿ ಮಾಡ್‌ಚೀಂದು ನಂಗಕ್ ಗೊತ್ತ್‌ಲ್ಲೆ. ಇಂವೊ ಬಲ್ಯಂವೊನಾಯಿತುಂಡ್, ಇಂವೊನ ಕ್‍ೕಳಿ, ಇಂವೊನೇ ಎಣ್ಣುವಾಂದ್ ಎಣ್ಣ್‌ಚಿ.

ಯೋಹಾನ 9:34

ಅಕ್ಕ ಅಯಿಂಗ ಅಂವೊಂಗ್: ನೀನ್ ಬರಿ ಪಾಪತ್‍ಲ್ ಪುಟ್‌ನಂವೊ, ನೀನ್ ನಂಗಕ್ ಉಪದೇಶ ಮಾಡ್‌ವಿಯಾಂದ್ ಎಣ್ಣಿತ್, ಅಂವೊನ ಪೊರಂಬಡಿ ಮಾಡ್‍ಚಿ.

ಯೋಹಾನ 9:35

ಅಂವೊನ ಸಬಾಮಂದಿರಕ್ ಪೊರಮೆ ಇಟ್ಟದ್‍ನ ಯೇಸು ಕ್‍ೕಟಿತ್, ಅಂವೊನ ಕಾಂಬಕ: ನೀನ್ ಮನುಷ್ಯಕುಮಾರನ ನಂಬುವಿಯಾಂದ್ ಕ್‍ೕಟತ್.

ಅಪೊಸ್ತಲ 4:18

ಅಯಿಂಗ ಪೇತ್ರ ಪಿಂಞ ಯೋಹಾನನ ಕಾಕುವಂಜಿ: ಯೇಸುರ ಪೆದತ್‍ಲ್ ಒರ್ ತಕ್ಕು ಪರಿಯುವಕ್ಕಾಗಾಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 5:13

ಪೊರಮೆ ಇಂಜ ಜನಕ್ ಅಯಿಂಗಡ ಕೂಟ್‍ಕ್ ಕೂಡುವಕ್ ದಾರ್‌ಕು ದೈರ್ಯ ಇಂಜಿತ್‌ಲ್ಲೆ. ಆಚೇಂಗಿಯು ಜನ ಅಯಿಂಗಕ್ ದುಂಬ ಮರ್ಯಾದೆ ಕೊಡ್‍ತತ್.

ಅಪೊಸ್ತಲ 5:40

ಅಕ್ಕ, ಅಯಿಂಗ ಅಂವೊಂಡ ತಕ್ಕ್‌ಕ್ ಒತ್ತಿತ್, ಅಪೊಸ್ತಲಂಗಳ ಒಳ್‍ಕ್ ಕಾಕಿತ್, ಚಾಟಿಲ್ ಪೊಯ್ಯುವಂಜಿ, ಯೇಸುರ ಪೆದತ್‍ಲ್ ತಕ್ಕ್ ಪರಿಯುವಕ್ಕಾಗಾಂದ್ ಆಜ್ಞೆ ಕೊಡ್‌ತಿತ್ ಅಯಿಂಗಳ ಬುಟ್ಟತ್.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.