ಯೋಹಾನ 9:16 - ಕೊಡವ ಬೈಬಲ್

¹⁶ ಅಕ್ಕ ಚೆನ್ನ ಫರಿಸಾಯಂಗ: ಆ ಮನುಷ್ಯ ಸಬ್ಬತ್ ದಿವಸತ್‍ರ ಆಜ್ಞೆನ ಪಾ‌ಲನೆ ಮಾಡತೆಗುಂಡ್ ಅಂವೊ ದೇವಡಯಿಂಜ ಬಂದಂವೊನಲ್ಲಾಂದ್ ಎಣ್ಣ್‌ಚಿ. ಇಂಞು ಚೆನ್ನ ಜನ: ಪಾಪಿಯಾಯಿತುಳ್ಳ ಒಬ್ಬ ಈ ತರ ಅದ್ಬುತ ಕಾರ್ಯತ್‍ನ ಎನ್ನನೆ ಮಾಡ್‌ವಾಂದ್ ಕ್‍ೕಟತ್. ಇನ್ನನೆ ಅಯಿಂಗ ದಂಡ್ ಗುಂಪಾಯಿತ್ ಆಚಿ.

ಯೋಹಾನ 9:16 ပူးပေါင်းရင်းမြစ်များ

ಮತ್ತಾಯ 12:10

ಅಲ್ಲಿ ಕೈ ಊನವಾನ ಒಬ್ಬ ಇಂಜತ್. ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್: ಸಬ್ಬತ್ ದಿನತ್‌ಲ್ ವಾಸಿ ಮಾಡ್‍ವದ್ ನ್ಯಾಯಪ್ರಮಾಣಕ್ ವಿರೋದವಾಂದ್ ಫರಿಸಾಯಂಗ ಯೇಸುನ ಕ್‍ೕಟತ್.

ಮತ್ತಾಯ 12:2

ಚೆನ್ನ ಫರಿಸಾಯಂಗ ಇದ್‍ನ ನೋಟಿತ್, ಸಬ್ಬತ್ ದಿವಸತ್‍ಲ್ ಮಾಡ್‌ವಕ್ಕಾಗತ ಕೆಲಸತ್‍ನ ನೀಡ ಶಿಷ್ಯಂಗ ಮಾಡಿಯಂಡುಂಡಲ್ಲಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:14

ಯೇಸು ಸಬ್ಬತ್ ದಿವಸತ್‍ಲ್ ವಾಸಿಮಾಡ್‍ನಗೊಂಡ್ ಸಬಾಮಂದಿತ್‍ರ ಅದಿಕಾರಿಕ್ ಚೆಡಿ ಬಾತ್. ಆ ಅದಿಕಾರಿ ಅಲ್ಲಿ ಇಂಜ ಜನಕ್, ನಂಗ ಒರ್ ವಾರತ್‍ಲ್ ಆರ್ ದಿವಸ ಕೆಲಸ ಮಾಡ್‌ವಲ್ಲ, ಆ ದಿವಸತ್‍ಲ್ ಬಂತ್ ವಾಸಿ ಮಾಡಿಯೊಳಿ, ಸಬ್ಬತ್ ದಿವಸತ್‍ಲ್ ಅನ್ನನೆ ಮಾಡ್‌ವಕ್ಕಾಗಾಂದ್ ಎಣ್ಣ್‌ಚಿ.

ಯೋಹಾನ 10:19

ಈ ತಕ್ಕ್‌ನ ಕ್‍ೕಪದು ಪುನಃ ಯೆಹೂದ್ಯ ಜನ ದಂಡ್ ಗುಂಪಾಯಿತ್ ಆಚಿ.

ಯೋಹಾನ 14:11

ನಾನ್ ಅಪ್ಪಂಡಲ್ಲಿ, ಅಪ್ಪ ನಾಡಲ್ಲಿ, ಇಪ್ಪಾನ ನಂಬಿ; ಅನ್ನನೆ ನನ್ನ ನಂಬತೆ ಪೋಚೇಂಗಿಯು, ನಾನ್ ಮಾಡ್‌ವ ಕ್ರಿಯೇಯಿಂಜ ನನ್ನ ನಂಬಿ.

ಯೋಹಾನ 15:24

ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 3:2

ಅಂವೊ, ಒರ್ ಬಯಿಟ್ ಯೇಸುರ ಪಕ್ಕ ಪೋಯಿತ್: ಉಪಾದ್ಯನೇ, ನೀನ್ ದೇವ ಅಯಿಚಿತುಳ್ಳ ಉಪಾದ್ಯಾಂದ್ ನಂಗಕ್ ಗೊತ್ತುಂಡ್. ಎನ್ನಂಗೆಣ್ಣ್‌ಚೇಂಗಿ, ದಾರ್ ಒಬ್ಬಂಡ ಕೂಡೆ ದೇವ ಉಂಡೋ ಅಂವೊಂಗ್ ಮಾತ್ರ ನೀನ್ ಮಾಡ್‌ವನೆಕೆ ಇನ್ನತಾನ ಅದ್ಬುತ ಕಾರ್ಯತ್‍ನ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 5:10

ಆನಗುಂಡ್, ಯೆಹೂದ್ಯ ಅದಿಕಾರಿಯಂಗ: ಇಂದ್ ಸಬ್ಬತ್ ದಿನ, ನೀಡ ಪಲಂಬ್‌ನ ಎಡ್‍ತಂಡ್ ಪೋಪ ಕೆಲಸತ್‍ನ ಮಾಡ್‌ವಕ್ ನಂಗಡ ನ್ಯಾಯಪ್ರಮಾಣ ಅನುಮತಿ ತಂದಿತ್‌ಲ್ಲೇಂದ್ ವಾಸಿಯಾನ ಮನುಷ್ಯಂಗ್ ಎಣ್ಣ್‌ಚಿ.

ಯೋಹಾನ 5:36

ಆಚೇಂಗಿ, ಅಂವೊಂಡ ಸಾಕ್ಷಿಕಿಂಜ ನಾಡ ಸಾಕ್ಷಿ ಬಲ್ಯದಾಯಿತುಂಡ್. ಅದ್ ಎಂತ ಎಣ್ಣ್‌ಚೇಂಗಿ, ನಾನ್ ನೆರೆವೇರಿಚಿಡಂಡೂಂದ್ ಅಪ್ಪನಾನ ದೇವ ನಾಕ್ ಎಣ್ಣಿ ಕೊಡ್‍ತ ವಿಷಯ ಪಿಂಞ ನಾನ್ ಮಾಡಿಯಂಡುಳ್ಳ ಕ್ರಿಯೆವೇ ಅಪ್ಪನಾನ ದೇವ ನನ್ನ ಅಯಿಚತ್‍ೕಂದ್ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 6:52

ಅಕ್ಕ ಯೆಹೂದ್ಯಂಗ: ಇಂವೊ ತಾಂಡ ತಡೀನ ನಂಗಕ್ ಎನ್ನನೆ ತಿಂಬಕ್ ತಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ತರ್ಕ ಮಾಡ್‍ಚಿ.

ಯೋಹಾನ 7:12

ಯೇಸುರ ವಿಷಯತ್‍ಲ್ ಜನಾಂಗ ಗೊಣಗಿಯಂಡ್ ಇಂಜತ್. ಚೆನ್ನ ಜನ: ಅಂವೊ ನಲ್ಲಂವೋಂದ್ ಎಣ್ಣ್‌ಚಿ; ಚೆನ್ನ ಜನ: ಅನ್ನನೆ ಅಲ್ಲ, ಅಂವೊ ಜನಳ ಮೋಸಮಾಡಿಯಂಡುಂಡ್‍ೕಂದ್ ಎಣ್ಣಿಯಂಡಿಂಜತ್.

ಯೋಹಾನ 7:23

ಮೋಶೇರ ನ್ಯಾಯಪ್ರಮಾಣತ್‍ನ ಮೀರ್‌ವಕ್ಕಾಗಾಂದ್ ಸಬ್ಬತ್ ದಿವಸತ್‍ಲ್ ನಿಂಗ ಸುನ್ನತಿ ಮಾಡ್‌ವಿರ. ಅನ್ನನೆ ಇಪ್ಪಕ, ನಾನ್ ಒರ್ ಮನುಷ್ಯನ ಸಬ್ಬತ್ ದಿವಸತ್‍ಲ್ ಪೂರ್ತಿಯಾಯಿತ್ ವಾಸಿ ಮಾಡ್‍ಚೇಂಗಿ, ನಾಡ ಮೇಲೆ ನಿಂಗಕ್ ಎನ್ನಂಗ್ ಚೆಡಿ ಬಪ್ಪ.

ಯೋಹಾನ 7:43

ಇನ್ನನೆ ಅಂವೊನಗುಂಡ್ ಜನಾಂಗ ದಂಡ್ ಗುಂಪಾಯಿತ್ ಆಚಿ.

ಯೋಹಾನ 9:24

ಆನಗುಂಡ್ ಕುರ್‌ಡನಾಯಿತ್ಂಜ ಆ ಮನುಷ್ಯನ ದಂಡನೆ ಕುರಿ ಕಾಕುವಂಜಿ: ನೀನ್ ದೇವಕ್ ಮಹಿಮೆ ಕೊಡ್; ನಿನ್ನ ವಾಸಿ ಮಾಡ್‍ನ ಆ ಮನುಷ್ಯ ಪಾಪೀಂದ್ ನಂಗಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 14:4

ಅಕ್ಕ ಆ ಪಟ್ಟಣತ್‍ಲ್ ಇಂಜ ಜನ ಈಂಗಡ ವಿಷಯತ್‍ಲ್ ದಂಡಾಯಿತ್ ನಿಂದತ್. ಚೆನ್ನ ಜನ ಅಪೊಸ್ತಲಂಗಡ ಬರಿಯು, ಇಂಞು ಚೆನ್ನ ಜನ ಯೆಹೂದ್ಯಂಗಡ ಬರಿಯು ನಿಂದತ್.