ಯೋಹಾನ 8:7 - ಕೊಡವ ಬೈಬಲ್

⁷ ಅಯಿಂಗ ಈ ವಿಷಯತ್‍ಲ್ ಅಂವೊನ ಪುನಃ ಪುನಃ ಪ್ರಶ್ನೆ ಕ್‍ೕಟಂಡಿಂಜಗುಂಡ್, ಅಂವೊ ನೇರೆ ಅಳ್‌ತಿತ್: ನಿಂಗಡಲ್ಲಿ ಪಾಪ ಇಲ್ಲತಂವೊ ಇವಡ ಮೇಲೆ ಮಿಂಞ ಕಲ್ಲ್ ಕನಿರೀಂದ್ ಎಣ್ಣ್‌ಚಿ.

ಯೋಹಾನ 8:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:18

ದುಡ್‌ಕಿತ್‌ ಪರಿಯುವ ತಕ್ಕ್‌ ಕತ್ತಿರನೆಕೆ ನೊಂಬಲ ತಪ್ಪ, ಆಚೇಂಗಿ ಜ್ಞಾನಿರ ತಕ್ಕ್‌ ಮದ್ದ್‌ರನೆಕೆ ಸೌಕ್ಯ ತಪ್ಪ.

ಯೋಹಾನ 7:46

ಅದ್ಂಗ್ ಸಿಪಾಯಿಯಂಗ: ಆ ಮನುಷ್ಯ ತಕ್ಕ್ ಪರಿಯುವನೆಕೆ ದಾರೂ ಇಲ್ಲಿಕತ್ತನೆ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 8:10

ಯೇಸು ನೇರೆ ಅಳ್‌ಪಂಜಿ, ಅಯಿಂಗ ದಾರೂ ಅಲ್ಲಿ ಇಲ್ಲತಾನ ಕಂಡಿತ್, ಅವ್ವ, ಅಯಿಂಗೆಲ್ಲಾರು ಎಲ್ಲಿಯಾ? ನೀಕ್ ಒಬ್ಬ ಸಹ ಶಿಕ್ಷೆ ತಂದಿತ್‌ಲ್ಲೆಯಾಂದ್ ಕ್‍ೕಟತ್.

ಯೋಹಾನ 8:8

ಪಿಂಞ ಅಂವೊ ಪುನಃ ಬಗ್ಗ್‌ವಂಜಿ ನೆಲತ್‌ಲ್ ಒಳ್‍ದ್‍ವಕ್ ಸುರು ಮಾಡ್‍ಚಿ.

ಕೊಲೊಸ್ಸೆ 4:6

ನಿಂಗಡ ತಕ್ಕ್‌ನ ಚಾಯಿತೆ ಕ್‍ೕಪಯಿಂಗಕ್ ಇಂಞು ಕ್‍ೕಕಂಡೂಂದ್ ಇಪ್ಪನೆಕೆ ತಕ್ಕ್ ಪರಿ. ಪ್ರತಿ ಒಬ್ಬಂಗು ಎನ್ನನೆ ಉತ್ತರ ಕೊಡ್‍ಕಂಡೂಂದ್ ನಿಂಗಕ್ ಗೊತ್ತಿರಡ್.

ಪ್ರಕಟನೆ 1:16

ತಾಂಡ ಬಲ್‌ತೆ ಕೈಯಿಲ್ ಏಳ್ ನಕ್ಷತ್ರತ್‍ನ ಪೊರ್‍ತಂಡ್ ಇಂಜತ್, ಅಂವೊಂಡ ಬಾಯಿಂಜ ದಂಡ್ ಪಕ್ಕವು ಚೂಪಾಯಿತುಳ್ಳ ಬಾಳ್ ಕತ್ತಿ ಪೊರಟಿತ್ ಬಾತ್; ಅಂವೊಂಡ ಮೂಡ್ ಮಜ್ಜಣತ್‍ರ ಸೂರ್ಯನೆಕೆ ಮಿನ್ನಿಯಂಡಿಂಜತ್.

ಪ್ರಕಟನೆ 19:15

ದೇವಡ ಮಕ್ಕ ಅಲ್ಲತಯಿಂಗಳ ಕೊಲ್ಲ್‌ವಕಾಯಿತ್ ಅಂವೊಂಡ ಬಾಯಿಂಜ ಚೂಪಾಯಿತುಳ್ಳ ಕತ್ತಿ ಪೊರಟಿತ್ ಬಾತ್; ಇರ್‌ಂಬ್ ಕೋಲ್‍ರಗುಂಡ್ ಅಂವೊ ಅಯಿಂಗಳ ರಾಜ್ಯಬಾರ ಮಾಡ್‌ವ; ಅಂವೊ ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಡ ಬಲ್ಯ ಚೆಡಿರ ಕಳ್ಳ್ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಚೌಟ್‍ವ.

ಪ್ರಕಟನೆ 2:16

ಆನಗುಂಡ್, ಇಕ್ಕ ನೀನ್ ಪಶ್ಚಾತಾಪ ಪಡ್, ಇಲ್ಲತೆಪೋಚೇಂಗಿ ನಾನ್ ನೀಡ ಪಕ್ಕ ಬೆರಿಯ ಬಂದಿತ್, ನಾಡ ಬಾಯಿಂಜ ಬಪ್ಪ ಬಾಳ್‍ರಗುಂಡ್ ಅಯಿಂಗಡ ಕೂಡೆ ಯುದ್ದ ಮಾಡ್‌ವಿ.